Noflik wurkjen en dochs - Trynwalden Online

Ynformaasje oer de FNP-ôfdieling Tytsjerksteradiel
Bestjoer
Foarsitter
Bram Zuiderveld
Prinses Margrietstrjitte 10
9251 HC BURGUM
T - (0511) 48 23 52
E - bram.zuiderveld@fnp.nl
Vice-foarsitter
Wys de Jong
Dr. Kylstrawei 46a
9063 JD MUNEIN
T - (058) 256 08 55
E - wys.de.jong@fnp.nl
Skriuwer
Harry J. van Borkulo
Gaelekamp 119
9254 ER HURDEGARYP
T - (0511) 47 47 76
E - harry.van.borkulo@fnp.nl
Twadde skriuwer
Gerryt G. Jullens
Frisiusstrjitte 9
9061 BH GYTSJERK
T - (058) 256 16 24
E - gerryt.jullens@fnp.nl
Ponghâlder
Peter M. Viersen
De Boek 4
9251 NK BURGUM
T - (0511) 84 35 33
E - peter.viersen@fnp.nl
Leden fan 'e riedsfraksje en wethâlder
Fraksjefoarsitter Fraksjeskriuwer Riedslid
Wijbe Kl. Postma P. Reitsma Anje H. Wester-Koopmans
't Hôf 5 Wynzerdyk 7a Mindertsfean 2
9261 VS EASTERMAR 9062 GP OENTSJERK 9264 TX EARNEWALD
T - (0512) 47 16 15 T - (058) 256 10 73 T - (0511) 53 92 35
E - wkpostma@t-diel-info.nl E - preitsma@t-diel-info.nl E - ahwester@t-diel-info.nl
Riedslid Riedslid Wethâlder
Jan van der Kooi Binne de Vries G.H. Schippers
Ypeijsingel 54 It Hoarnleger 31 Trambaan 2
9256 HJ RYPTSJERK 9262 NZ SUMAR 9251 AA BURGUM
T - (0511) 43 21 27 T - (0511) 46 34 38 T - (0511) 46 44 23
E - jvanderkooi@t-diel-info.nl E - bdevries@t-diel-info.nl E - schip56@freeler.nl
Webstee riedsfraksje
www.fnp-tytsjerksteradiel.nl
Bankrekken FNP-Tytsjerksteradiel
Rabobank Sneek-ZuidwestFriesland: 1596.64.829
____________________________________________________________________
- Tytsjerksteradiel De Wrotter - septimber 2012 side 1 fan 13

Krimp
Op it stuit dat ik my drok meitsje moat oer myn bydrage foar De Wrotter, is de
simmer noch lang net foarby. Dat ik der sa betiid oer sit te stinnen hat as oarsaak,
dat ik my ynkoarten foar in wike as 6 yn de Baltyske steaten ophâlde sil.
Mar ek no is der genôch om jin drok oer te meitsjen.
Sa binne der hieltyd wer de nedige lûden oer it út 'e hân rinnen fan 'e kosten fan de
soarch. It al of net fergoedzjen fan djoere medisinen, diskusjes oer kwaliteit foar it
ferlingjen fan it libben oer, diskusjes oer hoefolle oft bygelyks de soarch fan âlderen
jierliks kostje mei. Mei oare wurden; it liket derop dat net de minsklike maat, mar
de kosten as útgongspunt jilde. Ik bin fan betinken dat wy hjirmei folslein de ferkearde
kant op geane.
En de lanlike politisy krije it foarinoar. Se steane yn foar in ekstra ferheging fan de
kosten fan de soarch. Hja hawwe yn harren ûneinige wiisheid - yn it saneamde
foarjiersakkoart - besletten ta in solidariteitsheffing. In heffing op de jierynkommens
boppe de € 150.000. En jimme riede it al, te beteljen troch de wurkjouwer.
Mei oare wurden; oer de topynkommens yn de soarch, moat de soarchynstelling
ekstra belesting betelje.
Mar hawar genôch eamele oer wat der sa lanlik oan 'e hân is.
Sjoch, wy wisten it al of hiene it witte kinnen, mar útsûnderingen dêrlitten nimt it
tal ynwenners fan Fryslân ôf. En soks net allinnich yn it noardlike part fan de provinsje.
Njonken in tekoart oan berten docht bliken dat ek de oanwaaks út oare
parten fan Nederlân begjint op te droegjen. En as wy dit no wolle of net, mar it begjint
derop te lykjen dat ek Tytsjerksteradiel net oan de krimp ûntkomt.
Ik bin dêrom dan ek de miening tadien, dat belied makke wurde moat op in krimp
fan de befolking. Dat dêrby foaral each wêze moat foar de posysje en leefberens
fan en yn de lytsere doarpen, mei dúdlik wêze. Ik tink dat hjirby in wichtige rol foar
ús partij weilein is.
Mar ek op oare terreinen docht him krimp foar. Krimp yn wurkgelegenheid, krimp
yn de toeristyske sektor en gean samar troch. De ôfrûne dagen stie yn 'e krante,
dat in grut toeristysk bedriuw foarearst net mear yn Fryslân ynvestearje wol, omdat
Fryslân de toerist te min te bieden hat. Op himsels in soarchlike ûntwikkeling.
Oan de oare kant moatte wy ús ôffreegje oft wy wol op grutte 'pretparken' en soksoarte
saken sitte de wachtsjen. Ik bin fan betinken dat wy datjinge wat wy hjir yn
ús provinsje hawwe fersterkje en wêr nedich ferbetterje moatte.
Fierder moatte wy al it moais wat wy yn Fryslân hawwe, noch mear foar it fuotljocht
bringe. En nettsjinsteande dat de bekendste waarman fan Nederlân yn Fryslân wennet,
kinne wy neat oan it waar feroarje. Mei dit lêste moatte bliid wêze, want oars
koe it mei de krimp noch wolris folle hurder gean kinne.
Ta beslút.
Op 10 oktober oansteande hâlde wy ús jierlikse biningsjûn.
Dizze kear binne wy te gast by it Streekmuseum en Stjerrewacht yn Burgum.
Ik bin er fan oertsjûge, dat ús dêr in prachtich program foarset wurdt.
Krekt as alle oare kearen binne ek no ús leden en stipers fan ús ôfdieling tige
wolkom.
Oant sjen op 10 oktober!
Bram Zuiderveld (foarsitter)
____________________________________________________________________
- Tytsjerksteradiel De Wrotter - septimber 2012 side 2 fan 13

Program
Utnoeging
foar de biningsjûn
fan de FNP-ôfdieling Tytsjerksteradiel
op 10 oktober 2012 om 20:00 oere
Menno van Coehoornwei 9 - 9251 LV BURGUM
20:00 oere
Untfangst mei in bakje kofje/tee
±20:15 oere
Iepenjen troch Bram Zuiderveld
20:15 - ±21:30 oere
Filmpresintaasje Stjerrewacht en lêzing oer de eksposysje:
Amearikagongers - emigranten út Tytsjerksteradiel - troch
Klaas Henstra.
Oanslutend in rûnlieding troch it streekmuseum en it besjen
fan in tal unike foarwerpen dy't spesjaal foar dizze útstalling
út Amearika wei tydlik ôfstien binne.
21:30 - ±22:00 oere
By helder waar is der gelegenheid om de stjerrehimel fia de teleskoop te besjen.
22:00 - ±22:30 oere
Noch efkes neisitte ûnder it genot fan in hapke en in snapke.
____________________________________________________________________
- Tytsjerksteradiel De Wrotter - septimber 2012 side 3 fan 13

Yn 'e kunde komme mei ús nije vice-foarsitter
Op 27 april l.l. waard Wys de Jong yn de algemiene ledegearkomste keazen as
opfolger fan vice-foarsitter Sita van der Meulen.
Yn de bestjoersgearkomste fan 10 maaie l.l. waard Wys ta vice-foarsitter beneamd.
Hjirûnder fertelt hja wat mear oer harsels.
Myn namme is Wys de Jong en ik bin hikke en tein
yn de Súdwesthoeke fan Fryslân, om krekt te wêzen
yn it doarp Koudum.
Doe't ik goed tweintich wie, ferfear ik nei Drachten en haw dêr wurksum west yn it
ûnderwiis. Yn de jûnsoeren haw ik ûnder mear mei pedagogyk oan it learen west.
Doe't ik dat hast ôfmakke hie, fûn ik dat it wol tiid waard om it Frysk skriuwen te
learen. Analfabeet te wêzen yn jins eigen memmetaal wie my min nei 't sin.
Dat sadwaande bin ik begûn mei in kursus Frysk skriuwen by de Afûk en bin einige
mei Frysk MÛ-A. De kâns die him foar om by de ôfdieling Frysk fan de begeliedingtsjinst
te wurkjen. Doe koe ik mei it Frysk myn brea fertsjinje. It wie boppedat hiel
ôfwikseljend wurk. Oan de iene kant begeliedend materiaal meitsje by de skoalradio
en televyzje en oan de oare kant it begelieden fan skoallen as se fragen hiene oer
twataligens. It begelieden fan in tal trijetalige skoallen hat ek in part fan myn wurk
west.
De lêste jierren bin ik net mear profesjoneel mei it Frysk dwaande.
De Fryske taal bliuwt fansels noch altiten wichtich foar my.
Dat hat ek de reden west om lid fan de FNP te wurden.
No't ik út it wurk bin haw ik tiid foar frijwilligerswurk en hobbys.
Wat dat lêste oanbelanget mei ik graach tekenje en skilderje.
Lêze en túnkjen fyn ik ek moai wurk.
De lêste 11 jier wenje ik yn 'e Mûnein yn de moaie gemeente Tytsjerksteradiel en
sadwaande ha se my dêr frege om in sit te nimmen yn it bestjoer fan de FNPôfdieling
yn ús gemeente.
____________________________________________________________________
- Tytsjerksteradiel De Wrotter - septimber 2012 side 4 fan 13

Hoe giet it mei ús wethâlder?
Wy binne no alwer oer de helte fan dizze riedsperioade.
In moai momint om efkes te sjen wêr’t wy no stean.
Is it wat wy derfan ferwachte hiene?
Hawwe wy wat berikt?
Soks te beoardieljen hat fansels ek te krijen mei wat de
ferwachtings yn 't foar wiene. Tinke dat men belied yn
koarte tiid feroarje kin is net realistysk.
It skip bystjoere freget tiid, mar stadichoan wurdt de
grip as wethâlder grutter en freegje amtners ynearsten
wat fynt de wethâlder derfan?
Sa groei ik yn myn rol. En dat is by in nije funksje - en
wis by in bestjoerlike - altyd it gefal.
Gelokkich fyn ik dêrom myn wurk op it gemeentehûs en
de riedsgearkomsten hieltyd aardiger. Dat is ek nedich
om foarút te sjen en troch te setten op wat wy as FNP
berikke wolle.
Ik haw in tal nijsgjirrige projekten yn portefeuille lykas: wetterfront Earnewâld en
Burgum en it planwurk fan Groot Vijversburg en de Fryske Olympiade.
Dat ik kin myn tiid wol kwyt. Fierder haw ik de wichtige post finânsjes.
It docht bliken dat ik de ienige FNP-wethâlder bin dy't soks by de ein hat.
Dêr bin ik bêst wol in bytsje grutsk op.
Dêrmei bewize wy as FNP alle beliedsfjilden oan te kinnen.
Finansjeel hawwe wy as gemeente de boel no aardich op 'e rit.
Der is in soad Haachske finansjele ellinde dy't oer ús komt, mar dochs hoege wy no
net ekstra te besunigjen om foar kommend jier in slutende begrutting te presintearjen.
In bytsje kreatyf boekhâlden kin ek helpe.
Al mei al besykje wy de lêsteferheging foar de boarger sa beheind mooglik del te
setten. Dan binne der wol oare gemeenten!
Dan wat oer bestjoerlik tinken.
In tal partijen dat faak bestjoerders levere, hat in hâlding as soene se dan ek it
primaat hawwe op bestjoerlik tinken. Soks blykt wolris by grutte projekten as wy it
net iens binne mei harren kar yn it ferline. Bestjoerlike prestiizje en arrogânsje fan
'e macht geane dan hân yn hân.
De Twadde Keamerferkiezings hawwe krekt west.
In nuvere twastriid tusken Rutte en Samsom dy't op it lêste momint in protte
kiezers yn dy wedstriid luts.
Men kraait no fiktoarje, mar moarn is alles wer oars.
Wy litte ús net fan 'e wize bringe, oer oardel jier binne der wer riedsferkiezings en
geane wy foar de winst.
FNP: wy kinne noch jierren foarút!!
Geerling Schippers (wethâlder)
____________________________________________________________________
- Tytsjerksteradiel De Wrotter - septimber 2012 side 5 fan 13

It is net alles polityk wat der spilet…
Dit stikje giet no ris net oer politike saken, of miskien is it dochs wol wat politikerich?
Dat moat de lêzer sels mar útmeitsje.
Ik wol it hawwe oer myn dielname oan de Millenniumloop Súd-West fan 15 septimber
l.l. In aktiviteit om jild byinoar te krijen foar "The Hunger Project Nederland"
mei as eindoel in wrâld sûnder honger. In loflik stribjen. Ien fan ús amtners hat my
rom in jier ferlyn ris hifke oft ik oan dit inisjatyf meidwaan woe en yn in wylde bui
ha ik doe JA sein. Ik wie it projekt en de tasizzing alwer fergetten fansels, oant ik
yn juny in e-postberjochtsje krige mei de fraach om de maat fan myn T-shirt op te
jaan, want wy soenen ommers yn 'tenu' drave…
Blinder! In deimannich letter krige ik de yndieling fan it 105 kilometer lange trajekt
tastjoerd en in beskriuwing fan 'e rûte mei de wikselplakken fan de estafetterinners
fan dy Millenniumloop. Starte yn Drylts en dan fia û.o. Blauhûs, Makkum, Boalsert,
Snits en Heech werom nei Drylts. It swit briek my al út, want it fierste dat ik oant
juny dit jier draafd hie wie trije kear om it sportfjild fan ús pleatslike fuotbalklup
hinne. By neier ynsjen lei myn rûte tusken Boalsert en Folsgeare, mar noch altiten
7,67 km. Dus… oefenje. Moarns betiid my losskuorre fan 'e waarmte fan 'e frou en
de lekkere lekkens en drave. Op 't lêst - it is dan begjin septimber - koe ik mei wat
kuierrêstpauzes in stik fan in lytse seis kilometer oan. Op nei Boalsert.
Kollega-riedslid en fraksjegenoat Jan
van der Kooi soe it stik fóár my rinne: in
ôfstân fan hast 9(!) kilometer. Doe't ik
yn Boalsert by it wikselpunt oankaam,
stie it selskip fan begelieders en rinners
al op my te wachtsjen. "Wêr bliuwst no?
Wy lizze moai foar op 't skema! Skuon
oan en rinne!" Ik waard gewaar dat Jan
der noch in ekstra trajektsje by dien hie
en dus al 15 (!!!) kilometer yn 'e kûten
hie. De moed sakke my yn 'e skuon en
dy hie ik noch net iens oan. Mar dochs
mar de sokken deryn om myn rûte ôf te
lizzen.
Earst in stik troch Boalsert. Ik galoppearre
minsken foarby dy't my oanmoedigen,
mar ek in stik of wat dy't my mei
begrutsjen neiseagen. Sa fan: bêste
man, wat makkest dy drok yn dyn
moaie griene shirtsje mei it opskrift:
"It kin oars, it moat oars", mar doge jo
wol…? Ien kear Boalsert út, like it as
kaam der gjin ein oan it lange rjochte
fytspaad nei Nijlân. Myn begeliedster op
'e fyts besocht my moed yn te praten
mei positive opmerkingen oer myn
goede snelheid. Dat sloech my op 't
wetter, dat earst de berm mar yn en
tagelyk efkes útpûste fansels. Krekt foar
Nijlân gie it paad wat omheech fanwegen
in tille: it wie suver de Alpe d’Huez!
____________________________________________________________________
- Tytsjerksteradiel De Wrotter - septimber 2012 side 6 fan 13

Nijlân troch en rjochtsôf ûnder de A-7 troch. Mar wer efkes stappe om by te
kommen. Hertslach 160 besakje litte nei 130 en dan wer yn draf.
In oardel kilometer foar Folsgeare kaam de folgjende rinner - Binne Feenstra - my
al yn 'e mjitte. Ik frege: "Wat no? Duorret it dy te lang?" Wat ik sjoen myn tempo
eins hiel begryplik fûn. "Nee hear. Ik rin efkes wat waarm foar it folgjende trajekt."
Dit wie dus ek al sa'n echten, krekt lykas Jan.
Trije kilometer ekstra drave om 'efkes waarm te rinnen'…
Wijbe Postma (fraksjedraver)
Einlings! Dêr wie it kûmboerd fan Folsgeare. Noch 500
meter nei it wikselpunt en ik wol jim wol bekenne dat
ik o sa bliid wie mei it berikken fan Folsgeare Sintrum.
Fertel my nea wer dat minsken dy't yn 'e polityk sitte
net witte te switten: ik koe myn moaie griene shirtsje
útwringe. Op 'e dyk middenyn Folsgeare leit no it plakkaat
sâlt dêr’t myn switdobbe ferdampt is.
____________________________________________________________________
- Tytsjerksteradiel De Wrotter - septimber 2012 side 7 fan 13

Achte leden, stipers en oare lêzers
De kommisje kommunikaasje hat him ta taak steld dat de ried (riedsleden) yn byld
komme by it publyk. Dat bart ûnder de titel: "De ried presintearret himsels."
Se dogge dit troch in foaroankundiging yn Actief mei dêrby de ferwizing nei it webstee
fan de ried.
Under it kopke: "Wa bin ik?", wurde ús 6 fragen steld.
Dêrom brûk ik ek faak it wurd: "ik" en net de FNP.
Op dit stuit hawwe der al 8 riedsleden harren ferhaal holden.
Ik bin it 9de riedslid út ús ried en it 1ste riedslid fan de FNP.
Myn ferhaal wurdt op 21 septimber op it webstee fan de gemeente pleatst.
1. De fragen foar de riedsleden
namme: Jan van der Kooi
berop: no mei pensjoen; earder Haad Technyske Tsjinst
bertejier: 1947
wenplak: Ryptsjerk
partij: FNP
riedslid sûnt: 2010
oantal oeren yn 'e wike foar de ried: 12 oant 15
net ien ferwachtet dat ik: noch altyd duersporter bin en ferline jier de heale
maraton op Skylge - nei in knibbelblessuere - op 'e
nij wer binnen 2 oeren rûn ha.
2. Wêrom sitte jo yn de ried?
Nei't ik jierrenlang frijwilligerswurkdien haw, haw ik de stap nei it riedswurk makke.
Ik woe myn ynsichten altyd al ynbringe op dy plakken dêr't der wat foar de mienskip
mei dien wurde kin.
Dy ynsichten haw ik opdien yn ferskate bestjoeren en rieden.
Dat fariearret fan sport, muzyk, tsjerke, polityk en fakbûn, sawol pleatslik, regionaal
as lanlik. Myn dielname yn de "Burgeradviesgroep" hat de trochslach jûn.
Ik haw sitting hân yn de boargeradvysgroep Lânsdiel Noard 5e Nota romtlike
oardering mei de titel: "Ruimte maken, ruimte delen", mei in pear Friezen tusken
foaral Grinslanners en Drinten. Ik bin doe ynteressearre rekke yn de politike beslútfoarming
fan de romtlike oardening fan Nederlân en Fryslân yn it bysûnder.
Ik haw my der sterk foar makke dat yn de 5e Nota is kommen te stean dat - yn
stee fan in grutte hege brêge - in akwadukt yn Burgum komme moast.
De reden is dat op alle plakken yn Fryslân - dêr't grutte wetters en wichtige wegen
elkoar kruse - in akwadukt komme moat fanwegen toerisme, feiligens, trochstreaming
fan ferkear en duorsumens.
Fierders fyn ik dat neist wurk, soarch, taal en kultuer de yndieling en it gebrûk fan
de romte hiel wichtich is.
Boppedat fyn ik ek dat alle doarpen fan ús gemeente rjocht hawwe op in goede
doarpsorganisaasje en in sterke basis fan bestean. Dat fasilitearjen fan goed wenjen,
wurkjen en rekreëaren wichtich is foar it wolwêzen fan al ús boargers en dat
moat net op te grutte ôfstân komme te stean. Dêr wol ik my foar ynsette en dêrom
sit ik yn de ried.
3. Wat dogge jo as riedslid?
Myn portefúljes binne: Sport en Wurk en Bystân.
Dêrneist bin ik noch lid fan de Akkountantskommisje.
Myn ynteresse is breder en giet út nei respekt foar minsken, bisten en grûn
(natuer/miljeu).
____________________________________________________________________
- Tytsjerksteradiel De Wrotter - septimber 2012 side 8 fan 13

Foar alle trije neamde punten soe ik it wurd rintmaster sette wolle.
Ik hoopje dan ek dat troch besunigings en de gefolgen dêrfan, twadieling yn ús
gemeente net normaal fûn wurdt.
Ik fyn it wichtich dat de wurkgelegenheid en ynnovaasje yn Fryslân tanimt.
Fan belang fyn ik it dat der op 'e nij sjoen wurde moat dat de mannichte oan
heechweardige grûnstoffen út ús regio, hjir ek ferwurke wurde kin ta heechweardige
produkten mei tafoege wearde. De doelstelling fan de jeugd yn ús regio en harren
stúdzje en wurk, kin de krimp diels ek stabilisearje.
4. Wat wolle jo berikke?
Ik wol berikke dat de boarger in gesicht hâldt en dat der besef is dat demokrasy
foar en fan elkenien fan belang is. Dat dêrmei it ferantwurdlikensgefoel en de
mienskipssin fan ús allegearre wer tanimt en net op ôfstân komt te lizzen.
De gemeente fasilitearret en soarget troch it jaan fan krekte ynformaasje yn
gearwurking mei boargers en stipe fan saakkundige amtners foar it gemeentlik
belied. Wêr mooglik, hawwe wy as boargers fan wjerskanten ek de morele en de
mienskiplike plicht om dêr oan mei te wurkjen.
Dat der neist rjochten neat net minder plichten binne moat foar elkenien logysk
wêze. Fansels binne der krêften dy't soks net maklik meitsje sille. It sil dêrom ek in
hiele toer wurde en soms ûnmooglik lykje. De reden is faak dat de druk fan boppen
ôf wol hiel grut is. Wy ferjitte dan faak ek noch dat de ried wol it heechste bestjoersorgaan
is en de besluten nimt!
Troch privatisearring/merkwurking, skaalfergrutting en protte mienskiplike regelingen
is de ynfloed fan ús boargers en wy as fertsjintwurdigers fan dy boargers,
soms fier te sykjen.
It soe foar in tal ûnderdielen - as it om û.o. soarch en wenjen giet - goed wêze om
te evaluearjen. Om te sjen oft it in posityf resultaat oplevere hat, of grutte neidielen
opsmiet.
5. Wat dogge jo de kommende moanne as riedslid?
Yn septimber binne der 2 riedsgearkomsten en 2 stipefraksje
gearkomsten. Der is in gearkomste fan de akkountantskommisje
en in riedsekskurzje nei bedriuwen en boargers
yn Sumar en Tytsjerk.
Sitting op it stimburo foar de Twadde Keamerferkiezings.
Dielname út namme fan gemeente oan de Millenniumloop yn
de Súdwesthoeke.
Fierders nei ferskate ynformaasjegearkomsten of lêzingen
dy't te meitsjen hawwe mei saken dy't fan bûten op ús ôfkomme.
6. Wat wolle jo noch kwyt?
Dat ik wiis bin mei en my goed thús fiel yn de ried fan de gemeente Tytsjerksteradiel.
Dat ik ûnderfyn dat it yn ús ried altyd oer saken giet en net oer persoanen.
Fierders hoopje ik dat wy mei-inoar by steat binne en bliuwe, elkoar dúdlik te
meitsjen dat de skepping - of de wrâld - foar elkenien is en ek as sadanich ferdield
en beheard wurdt. Titel 5e nota: Ruimte maken, ruimte delen.
Wy en ik as riedslid kin(ne) dêr in lytse bydrage ta leverje.
Jan van der Kooi (fraksjelid)
NB: we moasten ús antwurden sa beheind mooglik hâlde. Dêrom bin ik ynhâldlik ek net fierder gien as boppesteande
teksten. Fansels falt der mear te sizzen. Dêr bestiet de mooglikheid foar om te reagearjen fia it webstee
fan de ried, de e-post of persoanlik.
____________________________________________________________________
- Tytsjerksteradiel De Wrotter - septimber 2012 side 9 fan 13

De ynfloed fan de FNP achter de skermen
De ried makket it belied fan de gemeente en kontrolearret dat belied. Foar de measte
minsken spilet de gemeentlike polityk him ôf yn de riedsseal. En it is wier dat dêr de
besluten naam wurde. De ried wurdt earst ynformearre en bepraat dêrnei de wichtichste
saken opiniearjend. Dan is der troch de ried in miening foarme dy’t it kolleezje ferwurket yn
in beslútfoarmjend foarstel. Sa wurde de measte grutte en wichtige saken behannele.
Foar it wichtige kontrolearjende part hat de ried in grutte helper; de Rekkenkeamer. Dat is
in ûnôfhinklike ynstelling dy't - frege of net frege - saken yn ús gemeente ûndersiket.
Nochris, de Rekkenkeamer is ûnôfhinklik en kin syn eigen ûnderwerpen bepale, mar freget
oer it generaal wol oan de ried oft der ek saken binne dy't er graach ûndersocht hawwe wol.
De FNP-fraksje is fan miening dat de ried optimaal gebrûk meitsje moat fan syn eigen
ynstelling en komt dêrom faak mei ideeën.
It ien nei lêste ûndersyk nei de doarpsfisys,
wie ek in foarstel fan de FNP.
Dat hat foar de doarpen iepenheid jûn.
De manier fan wurkjen is besjoen en fêstlein.
It hat in soad dúdlikens brocht.
De Rekkenkeamer hat de ried dizze maitiid om
nije ûndersykfoarstellen frege.
De FNP-fraksje hat doe in pear nijsgjirrige
saken ynbrocht. De Rekkenkeamer sil ek dizze
kear wer in foarstel ûndersykje dat ynbrocht is
troch ús fraksje: "Wat is de ynfloed en de regy
fan de ried op mienskiplike regelingen."
Troch gear te wurkjen wurdt de ynfloed fan de ried hieltiten minder. As men bygelyks mei
mear gemeenten yn in mienskiplike regeling sit, is de ynfloed mar hiel lyts. In foarbyld:
earst wie yn sawat alle doarpen in Griene Krúsferiening mei in bestjoer dat foarme waard
troch minsken út it doarp. Dy pleatslike ferienings binne opgien yn grutte ferbannen.
De greep op soarch troch de doarpsbewenners is der hielendal net mear. Sa giet it ek mei
ferskate saken dêr't de ried earst noch ynfloed op hie en no net mear. Dat kin somtiden hiel
ferkeard ôfrinne. Sjoch bygelyks nei de grutte skoallemienskippen.
Se hawwe al miljoenen tekoart foar't jo it witte (St. Proloog Ljouwert!).
Dus ek op 'e kosten hat de ried gjin fet. Sa wurdt de iepenbiere ferljochting yn Fryslân
mienskiplik regele. De kosten wurde alle jierren skriklik heger.
Mar ja, fertsjintwurdigers fan mar 8 gemeenten regelje de saak en as jo krityk hawwe binne
jo mar ien fan de 22 gemeenten dy't meidocht. Neat yn te bringen dus...
De FNP-fraksje wol de ynfloed en regy fan de ried op mienskiplike regelingen dêrom graach
útsocht hawwe en is bliid dat de Rekkenkeamer it foarstel oernommen hat en it ûndersykje
sil.
Hjirmei hoopje ik ris dúdlik te meitsjen dat it net allegearre súkses "foar de bühne" is, mar
dat ús fraksje ek achter de skermen drok dwaande is en faak resultaat behellet dêr't gjin
boarger of stimmer weet fan hat. Mar it is wol wichtich foar it funksjonearjen fan ús ried.
En dat is dan fansels ek tige wichtich foar jo as ynwenner en stimmer!
Piet Reitsma (fraksjeslid/fraksjeponghâlder)
____________________________________________________________________
- Tytsjerksteradiel De Wrotter - septimber 2012 side 10 fan 13

De drokte komt der wer oan
Sa stadichoan is it wer sa fier. De bern geane wer nei skoalle en de measte minsken
binne al wer oan 't wurk. De lokale polityk begjint ek wer út it reses te kommen.
Dus ek foar ús as riedsleden, betsjut dit wer drokte.
Sa't jimme de lêste kear yn De Wrotter lêze koene, hawwe wy it mar witte drok mei
de gearwurking mei de gemeente Achtkarspelen. De FNP is hjir tige hoeden ien.
Gearwurking is goed as dat de pinepunten fan de gemeente opfange kin én as it fan
mearwearde foar de ynwenners fan ús gemeente is.
Mar de skaal dêr't de beide gemeenten op gearwurkje wolle, liket ús net goed ta.
It kolleezje fan B&W is fan doel om de saneamde proeftunen dy't der al binne, út te
wreidzjen mei "de spontaan" ûntstiene gearwurkingen.
It wie foar ús in ferrassing dat dy der wiene. De ried wist neat fan dy "spontane"
gearwurkingsferbannen.
Dêrnjonken wol it kolleezje ek de minder polityk gefoelige ûnderdielen yn de gearwurking
belûke. Dat binne ûnderdielen lykas: finansjele administraasje, juridyske
saken ensafuorthinne. Al mei al soe dit betsjutte dat sa'n bytsje de helte fan ús
amtners ûnder de gearwurkingsregeling falt.
Neffens ús is de ein hjir fan noch net yn 't sicht. Amtlike fúzje driget!
Dêrnei is weryndieling mar in lyts stapke... Wy moatte hjir ein septimber in beslút
oer nimme. As FNP sille wy dan ek tige oan 'e bak moatte om der dan it bêste foar
ús ynwenners út te heljen.
Fierder steane der de kommende tiid nóch in tal wichtige saken op de aginda.
Sa moatte wy te set oer it fuortbesunigjen fan de bibliobus.
Dat sil yn 2013 syn beslach krije. De FNP hat der foar soarge dat der nei in alternatyf
foar de bibliobus sjoen wurde sil. Wy binne dan ek tige nijsgjirrich wat dy alternativen
wêze kinne.
De FNP hat der ek foar soarge dat der yn 2013 - nei oanlieding fan en in fikse
besuniging op de pjutteboartersplakken - dêr in evaluaasje oer komt.
Dit om nei te gean oft dy besuniging de kwantiteit en kwaliteit fan de pjutteboartersplakken
gjin skea docht. Want pjutteboartersplakken is neffens ús in wichtige
foarsjenning foar de doarpen, dy't út noch yn net ferdwine mei.
Al mei al it is de kommende tiid dus drok. Mar wol tige nijsgjirrich!
Binne de Vries (fraksjelid)
____________________________________________________________________
- Tytsjerksteradiel De Wrotter - septimber 2012 side 11 fan 13

Wolle jo sa gau mooglik it lêste FNP-nijs hawwe?
Jou dan daliks jo e-postadres oan troch: harry.van.borkulo@fnp.nl
Nijs fan 'e steatefraksje en oar digitaal FNP-(ôfdielings)nijs stjoer ik jo dan tenei sa
gau mooglik troch.
It bestjoer hat in e-postadres mei de útgong: @fnp.nl
De nije adressen steane foaroan yn dizze Wrotter.
It Haadbestjoer wol oangeande de FNP-útstrieling graach dat alle bestjoerders,
riedsleden, wethâlders ensfh. in e-postadres krije mei de útgong: @fnp.nl.
Dit adres wurdt automatysk oan it eigen e-postadres keppele.
Hawwe jo sels faaks krektlyn (ek) in (nij) e-postadres krigen?
Lit it my dan sa gau mooglik witte fia harry.van.borkulo@fnp.nl
Jo binne dan wis fan it lêste digitale FNP-nijs.
____________________________________________________________________
- Tytsjerksteradiel De Wrotter - septimber 2012 side 12 fan 13

Doarpskontaktpersoanen
De FNP-ôfdieling Tytsjerksteradiel hat foar de 16 doarpen en oanlizzende
buorskippen de folgjende leden ree fûn yn de funksje as doarpskontaktpersoan
Doarp / buorskip Kontaktpersoan Tillefoan / e-post
Aldtsjerk / Wyns Klaske Hania
Van Sminiawei 39
(058) 256 30 17
9064 KE ALDTSJERK
k.hania@chello.nl
Burgum Epke Koster
De Poel 11
9251 AS BURGUM
Eastermar Wijbe Kl. Postma
't Hôf 5
9261 VS EASTERMAR
Garyp / Earnewâld Sietse Smedes
Sigerswâld 2
9263 TX GARYP
Gytsjerk Gerryt G. Jullens
Frisiusstrjitte 9
9061 BH GYTSJERK
Hurdegaryp / Noardburgum
Feanwâldsterwâl
Harry J. van Borkulo
Gaelekamp 119
9254 ER HURDEGARYP
Jistrum Cees Wiersma
Tillewei 26
9258 GP JISTRUM
Oentsjerk en Mûnein Piet Reitsma
Wynzerdyk 7a
9062 GP OENTSJERK
Ryptsjerk Rienk E. van Gorkum
De Opslach 42
9256 HE RYPTSJERK
Sumar Piet J. Herrema
Lânsbuorren 5
9262 VA SUMAR
Suwâld Sita van der Meulen-van der Wal
Kerkbuurt 24
9265 LS SUWALD
Tytsjerk Sietske T. Smidstra-de Boer
Simmerdyk 43
9255 MA TYTSJERK
(0511) 46 29 75
e.koster19@chello.nl
(0512) 47 16 15
wkpostma@t-diel-info.nl
(0511) 52 22 64
(058) 256 16 24
gerryt.jullens@fnp.nl
(0511) 47 47 76
harry.van.borkulo@fnp.nl
(0512) 47 17 75
(058) 256 10 73
preitsma@t-diel-info.nl
(0511) 43 19 57
rian.gorkum@hetnet.nl
(0511) 46 13 58
aherrema@online.nl
(0511) 43 15 18
sitavdm@chello.nl
(0511) 43 14 12
ayttablom@hotmail.com
____________________________________________________________________
- Tytsjerksteradiel De Wrotter - septimber 2012 side 13 fan 13