You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
49<br />
“Netjies”, sê Justin.<br />
“Ons moet nou net ordentlike, mooi blomme in die akkertjies<br />
plant”, sê Lukas en hy staar ingedagte in die tuin rond.<br />
“Volgende Saterdag gaan ons kwekery toe en dan kyk ons wat<br />
ons kan doen”, sê Justin.<br />
“Goeie plan”, sê Lukas en hulle gaan in die huis in om te<br />
stort en ’n ordentlike aandete voor te berei.<br />
“As jy klaar gestort het, hou tog net vir my ook bietjie<br />
warm water, asseblief!” spot Justin.<br />
“Ha, jy mag nie stort nie, want jou steke mag nie nat word<br />
nie. Jy sal moet bad”, lag Lukas en hy gee vir Justin ’n<br />
ligte stampie.<br />
Dit was ’n lekker dag, maar die aand toe hulle gaan slaap,<br />
het Justin egter nie baie lekker drome nie, inteendeel – hy<br />
kry ’n vreeslike nagmerrie en hy droom dat sy hande vol<br />
bloed is. Hy kry nie die bloed afgewas nie, dit bly net<br />
daar en hoe hy ook al skrop, dit wil nie af nie.<br />
Jy het bloed op jou hande, Justin…jy moet bieg oor die<br />
moorde wat jy gepleeg het, anders sal jy nie genade ontvang<br />
nie! – hierdie stem praat met Justin in sy droom.<br />
Hy skrik wakker en is papnat gesweet. Hy sit sy lig aan en<br />
vryf oor sy gesig. Sy asem jaag. Dit voel asof hy nou net<br />
die 1200 meter gehardloop het. Hy kyk na sy hande,<br />
gelukkig is daar nie regtig bloed nie, maar sy hande bewe<br />
verskriklik.<br />
Hy verstaan alles wat in die droom aangaan en hy besef dat<br />
hy wel een of ander tyd sal moet vorentoe kom en moet erken<br />
dat dit hy was wat die moorde gepleeg het. Dit is die<br />
finale deel van sy verandering wat hy wil doen, want hy wil<br />
’n nuwe blaadjie omslaan. Hy het genoeg gehad van wraak,<br />
haat en bitterheid.
Change language