You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
47<br />
“Ek gaan nie terug werk toe nie. Ek gaan bedank, want daar<br />
gaan ’n verandering plaasvind in my lewe”, sê Justin en hy<br />
steek ’n sigaret op.<br />
Lukas is heeltemal verbaas en hy verstaan glad nie wat<br />
Justin bedoel nie.<br />
“Ek verstaan nie…”<br />
“Moenie nou daaroor worry nie. Ons kan more onsself<br />
geniet. Volgende Saterdag werk jy in elk geval nie…ons kan<br />
dan ook iets gaan doen, in die tuin werk of iets”, sê<br />
Justin en hy teug aan sy sigaret.<br />
Lukas is bly en hartseer…en deurmekaar – hy is bly oor die<br />
feit dat Justin ook dinge wil regmaak tussen hulle twee, hy<br />
is hartseer dat Justin sy werk bedank en hy is ook<br />
terselfdertyd deurmekaar, want hy verstaan nie wat Justin<br />
bedoel met “dinge wat gaan verander in sy lewe nie”.<br />
Het hy miskien ’n ander werk ingedagte?<br />
“Maar jy moet mos dertig dae kennis gee, of hoe?” vra<br />
Lukas.<br />
“Ja, maar ek gaan maar net my baas bel en vir hom sê hy<br />
moet maar iemand anders kry, want ek gaan waai”.<br />
Lukas kyk vir Justin fronsend aan. Dit is in sulke tye wat<br />
hy vir Justin glad nie verstaan nie. Maar nou ja, die kind<br />
is al oud genoeg om vir homself te besluit.<br />
By die huis gekom, gaan Justin dadelik kamer toe en klim in<br />
die bed. Lukas gaan sit voor die TV en worstel deur die<br />
kanale op soek na iets nuttigs om na te kyk.<br />
Justin lê en dink aan sy verandering. Hy haal sy dagboek<br />
onder sy kussing uit en hy smyt dit eenkant op die vloer<br />
neer.<br />
Dit is regtig tyd vir ’n verandering…<br />
Die volgende oggend is Justin vroeg op. Lukas slaap nog en<br />
Justin is bly daaroor. Hy vat sy dagboek en sy sweetpakbostuk<br />
wat hy altyd aan gehad het wanneer hy toegeslaan het<br />
op sy slagoffers. Die berig oor Pieter was toe ook in die<br />
koerant en die polisie sê dat hulle vermoed dat dit<br />
dieselfde persoon is wat die moord op Deon gepleeg het.<br />
Justin gaan staan in die agterplaas en kyk eers in die tuin<br />
rond. Dit is ’n koelerige oggend en daar waai ’n koue<br />
briesie. Justin soek ’n plek uit waar daar geen gras of<br />
enige iets anders wat maklik brand in die omgewing is nie.<br />
Die plek wat hy uitkies, is ’n stukkie kaal grond in die<br />
hoek van die tuin. Hy gaan staan en betrag sy dagboek. Sy<br />
oë dwaal vinnig oor ’n paar van sy inskrywings, asook oor<br />
die foto’s van sy slagoffers.
Change language