You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
45<br />
HOOFSTUK 7<br />
’n Slaappil is ’n lelike ding. Hy gly in jou esofagus af<br />
en bereik jou maag en jy dink “Ag wat, maar net nog ’n tipe<br />
pil wat nie werk nie”…maar dan tref die lomerigheid jou<br />
skielik soos ’n hamerhou tussen die oë en jy sluimer stadig<br />
maar seker in. Altans, dis hoe Justin dit ervaar het toe<br />
die verpleegster vir hom die slaappil ingegee het.<br />
Hy het net skielik ingesluimer en omtrent die heeltyd<br />
gedroom van ’n trop skape. Daar was in sy droom ’n trop<br />
van twintig skape en hy wat Justin is, was die wolf – die<br />
wrede, honger wolf wat die skape dophou en wag vir een van<br />
hulle om af te dwaal sodat hy hom kan verslind.<br />
Hy het twee skape verslind en hulle albei het name gehad<br />
wat op hulle voorkoppe opgeplak was – Deon en Pieter.<br />
Dit was egter nie ’n nagmerrie nie, eerder ’n baie, baie<br />
vreemde droom…maar dit was nie skrikwekkend nie.<br />
Dit is nege uur die oggend en Lukas kom ingeloop en kyk<br />
glimlaggend na Justin wat regop sit in die hospitaalbed.<br />
“Goeiemore…hoe voel jy?” vra Lukas en hy skud blad met<br />
Justin.<br />
“Reg om huistoe te gaan, dis verseker!” lag Justin terwyl<br />
hy Lukas se hand skud.<br />
“Het hulle darem vir jou ’n ordentlike ontbyt gegee?” spot<br />
Lukas.<br />
“Nee wat, hierdie hospitaalkos maak my glad nie vol nie”,<br />
sê Justin en hy vryf oor sy maag, “Kan ons op pad huis toe<br />
iets kry?”<br />
“Dit klink na ’n goeie plan!” sê Lukas.<br />
Terwyl hulle nog so staan en gesels, kom die dokter die<br />
saal binnegestap. Hy beduie vir Lukas dat hy buite in die<br />
gang met hom wil praat. Lukas beduie vir Justin dat hy nou<br />
weer by hom sal wees en hy stap agter die dokter aan en<br />
hulle gaan staan in die gang.<br />
“Justin is olraait. Hy kan maar huis toe gaan en hy moet<br />
maar die res van die dag rus. Die slaappil sal nog ’n<br />
effek op hom hê en hy moet dit maar uitslaap”, verduidelik<br />
die dokter en dan frons hy “Justin se emosionele toestand<br />
bekommer my…ek het met hom gesels voor ons die steke ingesit<br />
het en dit wil vir my voorkom asof hy aan ’n tipe van<br />
’n angs of depressie ly, maar ek sal dit eerder beskryf as<br />
angs”, Lukas luister aandagtig terwyl die dokter praat.<br />
“Ja, partymaal worry dit my, want dit is defintief nie nét<br />
angs nie. Daar is iets anders, ’n dieper emosionele iets