You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
41<br />
noodgevalle het die een dokter wat aan diens was, ook gesê<br />
dat die kanse skraal is dat Pieter gaan oorleef. Ivan is<br />
net verlig dat daardie drama verby is. Toe hy egter in sy<br />
reaksievoertuig klim, word hy geroep oor die radio. Die<br />
operateur verduidelik dat hy onmiddellik moet uitgaan na ’n<br />
toneel waar ’n ander jongman ’n besering aan sy kop<br />
opgedoen het in ’n badkamer.<br />
Ivan sug. Hy is so moeg vir jongmense wie se lewens<br />
weggegooi word en wat vermoor word en allerhande sulke<br />
aaklige dinge. Hy laat weet die operateur dat hy<br />
onmiddellik op pad is soontoe. Hy kyk na die adres wat sy<br />
vir hom gegee het, skakel die voertuig se sirene aan en<br />
jaag vinnig weg.<br />
Lukas staan gebukkend by Justin en hou hom stewig vas,<br />
sodat hy nie dalk losruk en weer sy kop teen die muur kap<br />
nie. Justin se een linkerarm hang langs sy sy en met sy<br />
regterhand hou hy ’n handdoek teen die wond op sy voorkop.<br />
Die een kant van sy gesig is vol bloed. Dit is ’n lelike<br />
wond. Gelukkig is Justin half bewusteloos en sy oë gaan so<br />
nou en dan bietjie toe en dan ruk sy kop skielik en dan is<br />
sy oë weer wawyd oop. Lukas hou vir Justin styf vas. Hy<br />
is verdomp sterk, díe Justin.<br />
Die wit handdoek wat Justin teen die wond hou, is die<br />
enigste ding wat Lukas in die hande kon kry, want toe hy in<br />
die badkamer instorm, het die bloed oor Justin se gesig<br />
gestroom. Hy wonder hoekom bloei ’n besering aan ’n mens<br />
se kop en gesig altyd so vreeslik. Lukas dink terug aan<br />
toe hy baie klein was, toe hy van ’n klimmeraam afgeval het<br />
by die parkie naby hulle huis. Sy pa het hom toe afgemaak<br />
as “’n klein idioot wat lomp en onnosel is”. Hy het ’n<br />
snyplek aan sy kop gehad en dit het nét so erg gebloei.<br />
Terwyl Lukas so sit en dink en vir Justin vashou, loei ’n<br />
sirene voor die huis. Lukas se greep om Justin se lyf<br />
verslap en hy laat die half-bewustelose Justin op die vloer<br />
lê. Vinnig hardloop hy na buite en is dankbaar toe hy die<br />
paramedikus sien. Die paramedikus groet vriendelik en dan<br />
draf hy saam met Lukas na binne. Lukas is baie verlig toe<br />
hy sien dat Justin nog net so lê en dat hy nie weer sy kop<br />
teen die muur of vloer gekap het nie. Die paramedikus<br />
praat saggies met Justin terwyl hy in sy massiewe noodhulp<br />
tas grou.<br />
“Dis ’n lelike snyplek hierdie, meneer”, sê die paramedikus<br />
vir Lukas, “ek sal hom moet steke gee en dan wil ek hom net<br />
graag invat na noodgevalle toe, sodat ons behoorlik kan kyk<br />
of hy nie enige ernstige beserings opgedoen het nie”.