You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
39<br />
díe mense wat jou verneder het in die verlede, moet<br />
terugbetaal. Dit is wat ek nou doen, maar voor ek jou van<br />
kant maak, moet jy eers mooi vir my vertel – waar kan ek<br />
jou ander twee vriende, Neels en Gerrie, in die hande kry?”<br />
vra Justin kalm en hy kyk na die verskrikte Pieter wat so<br />
bleek soos ’n spook is.<br />
“Jy’s mal, ek…” – Pieter kry nie kans om sy sin te voltooi<br />
nie, want een van die mense wat oorkant die pad bly, kom by<br />
sy voordeur uitgestap en sien die hele petalje – die een ou<br />
wat die ander ou met ’n mes aanhou.<br />
“Haai, wat gaan daar aan!” skree die ou en ’n entjie verder<br />
in die straat begin ’n hond te blaf.<br />
Justin tree impulsief op en hy deurboor Pieter se keel met<br />
sy mes. Hy pluk die mes uit en hardloop asof sewe duiwels<br />
agter hom aan is. Pieter gryp sy keel vas en dan val hy<br />
reg agteroor op sy rug.<br />
Die ou wat by sy voordeur uitgekom het, kom oor die straat<br />
aangedraf en buk by Pieter wat op sy rug lê en besig is om<br />
dood te bloei. Sy vrou kom by die voordeur uitgeloop.<br />
“Zak, wat maak jy?” vra sy “Het jy so geskree?”.<br />
“Vinnig Gerda, bêl die ambulans. Hier is ’n ou wat met ’n<br />
mes gesteek is en hy bloei verskriklik!” skree Zak.<br />
Justin hardloop nog al die pad. Hy het heeltemal rigting<br />
verloor. Hy het verdwaal in sy eie buurt, maar hy hou net<br />
aan hardloop en hy draai in die een straat na die ander af<br />
en hy hardloop en hardloop en hardloop. Sy longe brand en<br />
hy voel asof sy bors gaan toetrek. Toe hy weer sien, staan<br />
hy voor sy huis.<br />
“Hoe gebeur dit?” vra hy vir homself en sy asem jaag.<br />
Alles het so vinnig gebeur, dat dit vir hom heeltemal<br />
onwerklik voel. Hy kyk vinnig om hom en stap dan na die<br />
agterdeur toe. Hy sluit die deur oop. Die huis is<br />
pikdonker. In die gang, staan hy eers stil by sy kamerdeur<br />
en luister hoe Lukas snork. Justin maak sy deur oop en<br />
volg weer die ou prosedure – bostuk uit, in ’n sak, onder<br />
sy bed in…mes in ’n sak, onder sy bed in. Sy asem jaag<br />
steeds en hy is heeltemal deurmekaar. Hy loop saggies in<br />
die gang na die badkamer toe en was sy hande. Daar is nie<br />
veel bloed op sy hande nie, nie so baie soos die aand van<br />
Deon se moord nie. Nadat hy sy hande goed gewas het, staan<br />
hy stil en luister. In die verte skree die sirenes van<br />
nooddienste. Is dit dalk die ambulans en polisie wat nou<br />
daar by die moordtoneel aangekom het of op pad is soontoe?
Change language