Create successful ePaper yourself
Turn your PDF publications into a flip-book with our unique Google optimized e-Paper software.
37<br />
wraakgedagtes en dink hy dadelik aan sy wraak, die moord,<br />
Deon se bloed wat oor die grond vloei…Kain en Abel…<br />
“Wat gaan aan?” vra Justin vir homself en hy hou sy kop vas<br />
en wieg stadig heen en weer op sy bed. Hy kners op sy<br />
tande. Waar is sy sigarette? Dit voel altyd vir hom dat<br />
’n sigaret die enigste ding is wat help as sy kop so seer<br />
raak en hy so bang en alleen raak.<br />
Hy rook ’n sigaret klaar en skryf dan is sy dagboek:<br />
STEMME IN MY KOP EN ‘N DUIWEL IN MY KAS<br />
Daar is stemme in my kop<br />
ek koester ’n wrok<br />
ek is soos ’n dier in ’n hok<br />
en my siel brand met ’n vuur van ewige haat<br />
Justin kyk na die strofe wat hy geskryf het. Dit klink vir<br />
hom lomp. Hy krap dit dood en dan skryf hy groot: VANDAG<br />
HET EK NIE WOORDE NIE, NIE LETTERS NIE. EK IS SPRAKELOOS.<br />
Hy gooi sy dagboek op die vloer neer en tel sy mes op. Hy<br />
betrag sy mes en sit dit ook neer. Wat gaan in sy kop aan?<br />
Dit voel parymaal vir hom asof hy homself glad nie meer ken<br />
nie. Daar is ook die stem in sy kop en dinge wat hy self<br />
sê en wat die stem vir hom sê, maak net nie sin nie.<br />
“Dit is Deon en sy trawante se skuld…as gevolg van hulle<br />
het ek so mal en siek in my kop geraak, want hulle het my<br />
net altyd verneder en nou sit ek met die letsels!” sis<br />
Justin en hy bal sy vuiste en dit voel asof ’n aar is sy<br />
kop wil bars. Hy kry skielik ’n vreeslike hoofpyn.<br />
Vars lug – dit is wat hy nou nodig het. Hy vat sy mes en<br />
stap na buite. Sy bostuk wat hy gewas het, hang nog al die<br />
pad buite op die draad. Hy stap na buite, haal die bostuk<br />
af en trek dit aan. Hy steek sy mes onder sy bostuk in.<br />
Hy besluit om ’n entjie te gaan stap. Hy kyk op sy<br />
horlosie – kwart voor elf.<br />
Die strate is stil en die weer is lekker – nie koud nie,<br />
nie warm nie, net reg. Justin loop en hy is diep<br />
ingedagte. Hy weet nie waarnatoe hy wil loop nie, hy loop<br />
net in ’n rigting. Hy kom in ’n lang straat en dan draai<br />
hy skielik links in ’n ander straat in.<br />
Hy staan stil. Doer anderkant in die straat loop twee<br />
mense. Justin aarsel vir ’n oomblik en dan stap hy na<br />
hulle toe. Hy hou hulle fyn dop. Toe hy omtrent twintig<br />
meter van hulle af is, staan hy weer stil en kyk na hulle.