Create successful ePaper yourself
Turn your PDF publications into a flip-book with our unique Google optimized e-Paper software.
35<br />
HOOFSTUK 6<br />
Daardie aand kyk Justin en Lukas maar weer TV. Die verskil<br />
is egter dat hulle nie wegneem-etes gekry het nie. Vanaand<br />
is dit vars witbrood, salami en kaas wat hulle by die kafee<br />
gekoop het. Toe hulle dit gekoop het, het Lukas gesê dat<br />
hulle ongelukkig nou nie elke dag só ’n ete kan voorsit<br />
nie, want salami is duur. In hierdie geval het hulle maar<br />
’n uitsondering gemaak.<br />
Hulle sit doodstil voor die TV en peusel aan hulle kaas-ensalami<br />
toebroodjies. Hulle kyk soos gewoonlik nie na iets<br />
spesifieks nie – Lukas sit ’n sekere kanaal op en dan kyk<br />
hulle na wat ook al daar is, totdat dit hulle verveel en<br />
dan gaan hulle weer na ’n ander kanaal toe en dan weer na<br />
’n ander en ’n ander…<br />
Hulle kyk darem op SABC2 na ou Riaan Cruywagen wat die nuus<br />
lees.<br />
“Goeie ou, die Riaan…lees al baie lank die nuus!” sê Lukas<br />
elke aand as hulle die nuus kyk.<br />
So werk hulle maar die een kanaal na die ander deur. Net<br />
so nou en dan word daar miskien iets gesê soos “gee gou die<br />
botter aan”, of “waar’s die remote nou weer?”.<br />
Ja-nee, Justin kan voel dat dinge nie meer so vreemd is<br />
tussen hom en Lukas nie. Hulle baklei nie meer so baie nie<br />
en hulle praat darem bietjie meer met mekaar, selfs al is<br />
dit net ’n páár woorde meer!<br />
Hy wonder hoe het hulle dit reggekry het om beter oor die<br />
weg met mekaar te kom. Daar was maar altyd so effense<br />
snaakse gevoel tussen hulle, ’n effense krapperigheid.<br />
Vandat hulle beter oor die weg kom, is dit amper soos twee<br />
tieners wat die tiener “hang-up’s” opsy geskuif het en<br />
besluit het om mekaar maar te aanvaar en saam te leef.<br />
Lukas drink ook glad nie meer so baie rum nie. Hy rook<br />
maar nog steeds net so baie, maar hy is beslis beter. Sy<br />
buie is beter – nie meer so beneuk en suur soos altyd nie.<br />
Justin wonder regtig hoe het dit gebeur. Het Lukas nou<br />
maar net besluit om vir hom wat Justin is, te aanvaar?<br />
Nadat hulle geëet het, kyk hulle vir ’n ruk lank nog TV en<br />
dan skakel Lukas die TV af en hulle sit in stilte en rook<br />
elkeen ’n sigaret. Justin hoes skielik. Hy ruk soos hy<br />
hoes.<br />
“Ja, boetie – ek het al baie vir jou gesê dat jy daai<br />
Stuyvesant moet los en eerder Gunston moet probeer!” spot<br />
Lukas.