You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
33<br />
Afrikaans ’n beskrywende opstel skryf oor ’n meisie van wie<br />
hulle hou. Daar was op daardie oomblik nie ’n meisie van<br />
wie Justin regtig gehou het nie. Daar was baie mooi<br />
meisies in hulle skool, maar niemand wat regtig besonders<br />
was nie. Hy het toe maar oor ’n denkbeeldige meisie<br />
geskryf. Hy het vertel oor hoe mooi sy is en hoe sy hart<br />
bokspring elke keer as sy verby hom loop en hoe pragtige<br />
lyfie sy het en allerhande soetsappige dingetjies. Die<br />
onderwyser was egter op daardie oomblik vir ’n rukkie uit<br />
die klas uit en Deon en sy trawante het toe die klas, soos<br />
gewoonlik, oorgeneem. Justin het hom nie aan hulle gesteur<br />
nie. Hy het heel voor in die klas gesit en hulle was agter<br />
in die klas besig om snaakse aanmerkings te maak oor die<br />
portrette van letterkundiges wat teen die mure van die<br />
klaskamer is. Pieter het egter moeg geraak vir die<br />
gekskeerdery en toe het hy voorentoe geloop na die bord toe<br />
om prentjies te teken. Toe hy verby Justin se tafel loop,<br />
het sy oog Justin se opstel gevang en hy het dit gegryp.<br />
Justin wou hom nog keer, maar diep binne het iets hom<br />
teruggehou. Dit het gevoel asof ’n stem in sy kop vir hom<br />
sê: “Wag, nie nou nie…jou beurt om wraak te neem sal nog<br />
kom!”.<br />
Pieter het die opstel kliphard voor die hele klas begin<br />
lees en hy het kort-kort vieslike aanmerkings gemaak terwyl<br />
hy lees. Die res van die klas het dit egter geniet en<br />
geskater van die lag. Justin was lus om te huil. Terwyl<br />
hy so sit en voor hom uit staar terwyl almal hom spot, het<br />
Pieter sy opstel voor hom neergegooi en na Justin gekyk.<br />
“Waar kom jy aan al die gemors wat jy skryf, Justin?” het<br />
Pieter gevra “Jy rook seker baie dagga, of hoe?”.<br />
Justin sal daardie gebeurtenis nooit vergeet nie.<br />
Dit is vandag die vierde dag van sy verlof. More is die<br />
laaste dag. Hy besluit om vandag en more bietjie uit te<br />
vind van Pieter se doen en late en dan sal hy later<br />
toeslaan. Hy kry ’n hele paar adresse onder die van<br />
Strauss in die telefoongids. Hy bel elke een en gebruik<br />
weer die taktiek wat hy die vorige keer met Deon se ma<br />
gebruik het – hy sê hy is besig met navorsing vir ’n<br />
maatskappy met die naam FreakyTech. Die vyfde nommer wat<br />
hy skakel, is Pieter Strauss se huis. Dit is sy ouer broer<br />
wat antwoord.<br />
“Daar bly mos iemand met die naam Pieter Strauss daar?” –<br />
dit was een van die vrae wat Justin gevra het.