You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
27<br />
BLOED OP MY HANDE EN VERVLOEKTE GROND<br />
Ek was by die plek waar ek moord gepleeg het. Dit het<br />
vreemd gevoel. Die bloed van my slagoffer is opgeslurp<br />
deur die aarde en sy siel is weggevoer na wie-weet-waar.<br />
Sy tyd op aarde is kortgeknip deur die vlymskerp lem van ’n<br />
mes wat diep in sy ingewande ingeboor het.<br />
Die grond waar sy bloed geloop het, is nou vervloekte<br />
grond, net soos in die Bybel toe Kain sy broer Abel<br />
doodgeslaan het.<br />
Die wiel het gedraai en sy uurglas het uitgeloop.<br />
Die wraak het binne my gekook en is nou tydelik gestil.<br />
Maar ek het nog werk wat voorlê…nog baie werk, want daar is<br />
nog drie ander slagoffers op my lys.<br />
Ek voel hoe die gevoel van liefde en al die ander mooi<br />
dinge my stadigaan verlaat. Dag na dag word ek net al hoe<br />
meer gehard en gevoelens van boosheid kry die oorhand.<br />
Revenge will be mine…<br />
Duiwel<br />
Toe hy klaar geskryf het, sit hy rustig agteroor en steek<br />
’n sigaret op. Na vandag het hy nog twee dae verlof oor.<br />
Hy sal stadig maar seker inligting kry oor Pieter Strauss<br />
se doen en late, maar vir eers wil hy ’n lae profiel hou,<br />
want more sal die hele storie van Deon se lyk wat in die<br />
veld gekry is seker op die voorblad van die koerant wees en<br />
dan sal almal weet. Hy wonder nogal wie dit is wat op Deon<br />
se lyk afgekom het. Was dit dalk ’n boemelaar wat deur die<br />
veldjie geloop het en toe op die lyk afgekom het, hom self<br />
eers boeglam geskrik het en toe by ’n huis gaan aanklop het<br />
om die polisie in kennis te stel?<br />
Of is dit dalk Deon se ouers wat bekommerd geraak het omdat<br />
hy nie huis toe kom nie en toe begin rondbel het om te<br />
probeer uitvind waar hy is en toe ’n soektog aan die gang<br />
gesit het, sy lyk daar gevind het en die polisie gebel het?<br />
Daar is baie moontlikhede. Justin wonder wat was Deon se<br />
ouers se reaksie toe hulle hoor hulle kind se lyk is gekry<br />
in ’n veldjie, ’n halwe kilometer van hulle huis af en hy<br />
is doodgesteek met ’n mes.<br />
Hy suig genotvol aan sy sigaret terwyl hy by sy venster<br />
uitstaar. In die een perskeboom buite in die erf, sien hy