You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
25<br />
Inteendeel, hy voel asof hy vir homself net meer probleme<br />
gemaak het. Hy kan net nie Deon se gesig uit sy gedagtes<br />
kry nie. Toe Deon daar op die grond gelê het – aan die<br />
uitdrukking op sy gesig het dit gelyk asof hy wou sê<br />
“asseblief, moenie my weer steek nie…ek het reeds genoeg<br />
pyn”. Die trane loop oor Justin se wange en hy begin<br />
saggies te huil. Skielik hou hy op huil.<br />
“Moenie so ’n softy wees nie!” sê hy hardop vir homself.<br />
“Jy is net uitgefreak omdat dit jou eerste moord was…jy sal<br />
nog gewoond raak daaraan. Die volgende moord sal jy<br />
makliker hanteer”. Skielik voel Justin nie meer so<br />
hartseer nie. Nadat hy met homself gepraat het, voel dit<br />
asof hy weer krag het en hy kry skielik skaam dat hy so aan<br />
die huil gegaan het. Wat gedoen is, is gedoen – hy het die<br />
moord op Deon gepleeg. Dit is gedane sake en hy kan nou<br />
niks daaraan doen nie.<br />
“Jy gaan nie kop uittrek nie…jy gáán al die moorde pleeg!”<br />
sê hy vir homself.<br />
Justin is honger, maar hy wil liewer nie eet nie. Hy is<br />
effens naar, want hy dink weer aan al die bloed. Hy haal<br />
sy dagboek uit en blaai na sy wraakneem-lysie. Hy trek<br />
Deon Lombard se naam dood en betrag die ander name. Pieter<br />
Strauss is Victim Number 2.<br />
Daardie nag sukkel hy om aan die slaap te raak en toe hy<br />
uiteindelik aan die slaap raak, droom hy van Deon wat daar<br />
in die veld lê.