Create successful ePaper yourself
Turn your PDF publications into a flip-book with our unique Google optimized e-Paper software.
23<br />
Die tennisklub se omheining is regtig swak – dit is sommer<br />
so ou draadheining en die ding is al lelik verniel deur<br />
vandaliste.<br />
Dit is al redelik donker en daar is ’n koue bries in die<br />
lug. Deon is vies vir homself dat hy nie ’n baadjie<br />
saamgebring het nie, want nou kry hy koud en dalk lê hy<br />
weer more in die bed met verkoue. Hy loop oor die straat<br />
en kom in die veldjie. Hy loop redelik vinnig want dit<br />
raak darem nou wragtig koud. So ingedagte is hy, dat hy<br />
nie die skim met die swart Red sweetpak-bostuk raaksien wat<br />
in die middel van die veldtjie staan en hom dophou nie.<br />
Deon loop aan en hy sing ingedagte ’n liedjie wat in sy kop<br />
vashaak. Toe hy weer voor hom kyk, staan daar ’n man voor<br />
hom. Hy skrik homself boeglam en laat val sy raket. Hy<br />
kan nie die man se gesig sien nie, want daar is ’n kappie<br />
oor sy gesig. Deon kyk vinnig rondom hom. Hy bewe van<br />
vrees. Hoekom lyk die veldtjie skielik nou so mistig en<br />
spookagtig? Die man kom nader. Deon kan nie beweeg nie,<br />
want hy is lam van die skrik.<br />
Die man haal ’n groot mes met ’n swart steel onder sy<br />
bostuk uit en hou die mes dreigend na Deon.<br />
Deon kan nog steeds nie beweeg nie. Hy bewe en die sweet<br />
tap teen sy voorkop af.<br />
“Hoekom skielik so bang, Lombard?”, vra die man.<br />
Daardie stem…Deon onthou daardie stem van iewers af…van die<br />
skool af. Wie de hel is hierdie vent wat hom so laat skrik<br />
het en wat wil hy hê?<br />
“Jy was nooit bang vir my op skool nie…inteendeel, jy het<br />
my altyd verneder, onthou jy nog?”.<br />
Deon probeer iets sê, maar hy kry nie ’n woord uit nie.<br />
Die man kom vinnig vorentoe en gryp vir Deon voor die bors.<br />
Net toe Deon daaraan dink om die man met die vuis by te<br />
dam, voel hy ’n vreeslike steekpyn in sy maag. Hy kyk af<br />
en sien die mes wat halfpad in sy maag in gesteek is. Die<br />
man ruk die mes uit en steek nog ’n keer vir Deon in sy<br />
maag. Deon se sig verdof. Hy voel hoe sy laaste bietjie<br />
krag verdwyn. Hy kyk na die man. Die man haal sy kappie<br />
af. Toe sien Deon wie dit is…dit is Justin. Deon val op<br />
die grond neer en bedek die steekwonde in sy maag met sy<br />
een hand en hy hou sy ander hand na Justin toe uit asof hy<br />
hom wil keer om weer te steek. Justin steek nie weer nie,<br />
hy staan net en kyk na Deon wat hulpeloos op die grond lê<br />
en besig is om dood te bloei.<br />
“Onthou jy my nóú, Lombard?”, vra Justin en hy uiter ’n<br />
bose laggie. “Jy moes geweet het dat ek jou een of ander<br />
tyd sou terugkry!”
Change language