You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
21<br />
“Wat’s fout Justin?”, het Deon skertsend gevra “wil jy<br />
fight, moet ek jou weer opneuk soos daai dag in die saal?”<br />
Dit is ook nog iets wat Justin nooit sal vergeet nie – die<br />
dag toe Deon hom met die saalperiode so hard geklap het dat<br />
hy skoon duiselig was. Hulle het daardie Vrydagoggend soos<br />
oudergewoonte saalperiode gehad. Justin het die oggend toe<br />
hy opstaan bietjie naar gevoel, maar hy het nogtans klas<br />
toe gegaan, want hy het gedink dat dit seker maar sal<br />
oorwaai. Toe hy egter in die saal sit, het hy skielik baie<br />
benoud gevoel. Dit was een of ander kwaal in sy maag<br />
gewees. Toe die saalperiode verby is, het die kinders by<br />
die deure saamgebondel om uit te kom. Justin het by almal<br />
verbygeskuur, want hy wou so gou as moontlik by die<br />
badkamer uitkom, want hy het gevoel dat hy gaan braak. Toe<br />
hy egter deur die bondel kinders worstel, stamp hy per<br />
ongeluk aan Deon. Deon het omgeswaai en vir Justin so hard<br />
deur sy gesig geklap dat hy heeltemal duiselig geword het.<br />
Justin het op die grond geval en toe kon hy dit nie meer<br />
hou nie – hy skiet toe sommer net daar ’n kat, op die<br />
vloer. Die hele skool het vir hom gelag en hom vreeslik<br />
gespot daaroor. Dit alles net oor Deon Lombard wat te<br />
trots is om iemand wat per ongeluk teen hom gestamp het, se<br />
verskoning te aanvaar.<br />
Waar hy op sy bed sit en terugdink aan hierdie voorvalle op<br />
skool, kook die haat weer binne in Justin en hy kyk met ’n<br />
vreeslike haat in sy oë na Deon se foto. Hy steek ’n<br />
sigaret op en trek die rook ekstra diep in sy longe in van<br />
frustrasie.<br />
Vandag is die dag. Vanaand gaan Duiwel toeslaan op Victim<br />
Number 1. Sy beplanning is mooi uiteengesit in sy dagboek<br />
en vir die res van die dag kyk hy na sy planne en gaan hy<br />
dit oor en oor in sy kop. Dit is vandag Woensdag. Deon se<br />
ma het mos gesê dat Deon altyd Woensdae na werk gaan tennis<br />
speel. Die tennisklub is naby hulle huis en Deon stap<br />
soontoe. Justin sal hom fyn dophou en op die regte tyd<br />
toeslaan…<br />
Dit is vieruur die middag en Justin staan op die een hoek<br />
van die straat waarin Deon hulle se huis is. Hy het weer<br />
sy sweetpak-bostuk aan en die kappie is oor sy kop getrek.<br />
Dit is darem nie baie warm nie, so hy sweet darem nie té<br />
veel met die warm klere aan nie. Hy staan en trippel<br />
senuweeagtig rond op die sypaadjie en hy klem met sy<br />
regterhand sy mes se hef vas onder sy sweetpak-bostuk.
Change language