Create successful ePaper yourself
Turn your PDF publications into a flip-book with our unique Google optimized e-Paper software.
19<br />
kan niks uitmaak wat hulle sê nie, maar net so nou en dan<br />
hoor hy iets. Hy staan stilletjies op en loop stadig weg.<br />
Elke nou en dan kyk hy om. Hulle sien hom nie, want hulle<br />
is te besig met gesels.<br />
Justin loop voort huis toe en hy steek sy hand onder sy<br />
sweetpak in en klem sy mes vas wat hy aan sy belt het.<br />
“Die tyd is naby, my vriend…die tyd is naby. Ons moet net<br />
geduld gebruik…”, praat Justin met sy mes terwyl hy<br />
aanstap.<br />
Later die aand, voor hy gaan slaap, maak Justin weer ’n<br />
inskrywing in sy dagboek.<br />
WRAAK<br />
Wraak is ’n emosie wat my heeltemal oorheers. Dit is elke<br />
dag binne my en om my en ek dra dit saam met my in my hart.<br />
Dit klop soos ’n kwaadaardige pyn hier in my hart en dit is<br />
soos ’n sweer wat wil oopbars.<br />
Een van die dae gáán dit oopbars en dan gaan Deon en sy<br />
trawante een vir een na hulle grafte toe gestuur word. I<br />
just can’t wait…<br />
Deon, oftewel Victim Number 1, se tyd is besig om stadig<br />
maar seker uit te loop…die strop om sy nek raak al hoe<br />
nouer. Baie van my vordering is te danke aan sy<br />
vriendelike, maar klipdom ma, wat ’n deel van Deon se<br />
roetine aan my uitgelap het. It suits me, dis nie my skuld<br />
as sy dom is nie. As sy maar net weet dat sy bydra tot<br />
haar seun se dood.<br />
Ek wil so gou as moontlik toeslaan.<br />
Revenge will be mine…<br />
Duiwel<br />
Hy maak die boek toe. Hy kyk weer na sy kas. Vanaand lyk<br />
die ding weer spookagtig.<br />
Nadat hy ’n sigaret gerook het, sit hy sy lig af en klim in<br />
die bed. Toe hy aan die slaap raak, droom hy van ’n graf.<br />
Dit is Deon se graf. By die graf staan sy ma en pa en<br />
hulle huil. Een van die dae gaan hulle regtig by Deon se<br />
graf staan en tjank - die arme skepsels!
Change language