You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
15<br />
se hek oop en Justin sien ’n man wat besig is om in ’n<br />
motor te klim en uit te trek. Die man trek die motor uit<br />
en dan klim hy weer uit om die hek toe te maak. Justin ry<br />
na die man toe met sy fiets.<br />
“Ekskuus tog, meneer”, sê hy en die man skrik effens en kyk<br />
verbaas na hom.<br />
“Ja, kan ek help?”, vra die man.<br />
“Ek wil net weet, bly die Lombard-gesin nog hier langsaan?”<br />
“Ja, nog al die jare”, sê die man en hy kyk vraend na<br />
Justin “hoekom wil jy weet?”.<br />
“Nee, ek vra sommer”, sê Justin en hy voel skielik baie<br />
simpel.<br />
“Is jy vriende van hulle?” vra die man.<br />
Nou moet Justin mooi dink, want as hy nou vir die man sê<br />
dat sy naam Justin is, dan noem die man dalk net vir Deon<br />
dat hier ’n persoon met die naam Justin na hom gesoek het<br />
en dan gaan Deon mos dadelik onraad vermoed.<br />
“Ja, ek…my naam is Jannie”, sê Justin en hy kry eintlik<br />
skaam omdat hy so lieg “ek het lanklaas die mense gesien en<br />
ek wou sommer net hoor of hulle nog hier bly”.<br />
Justin sê totsiens en ry haastig weg. Hy hoop nie die man<br />
het deur sy leuens gesien nie, maar hy glo darem nie so<br />
nie, want die ou het gelyk asof hy alles vir soetkoek<br />
opvreet.<br />
By die huis gekom, eet Justin eers iets, want hy het ’n hol<br />
kol op sy maag. Hy maak stadig maar seker vordering, want<br />
hy weet nou ten minste dat Deon nog daar bly.<br />
Skielik voel Justin baie dom – hoekom het hy nie aan die<br />
telefoongids gedink nie? Hy kon mos in die telefoongids<br />
gekyk het of daar Lombards is wat by daardie adres bly.<br />
Nadat hy vir hom toebroodjies gemaak het en geëet het, gaan<br />
kyk hy eers wat Lukas aanvang. Lukas lê nog al die pad op<br />
die bank in die TV-kamer en hy is vas aan die slaap.<br />
Justin kyk na die mat wat Lukas vanoggend skoongemaak het –<br />
Lukas het darem ’n goeie job gedoen en dit lyk en ruik baie<br />
beter.<br />
Teen die middag het Justin ’n hele volledige benadering<br />
uitgewerk en hy het ’n hele strategie wat hy gaan volg,<br />
want hy glo dat ’n mens se beplanning goed moet wees en dat<br />
jy nie sommer blindelings ’n ding moet aanpak nie. Hy<br />
besluit om Deon se bewegings dop te hou om te sien hoe laat<br />
hy van die werk af kom in die aande en hoe laat hy weer in<br />
die oggende werk toe gaan. Die groot ding wat Justin wil<br />
uitvind is wanneer Deon in die aande van die werk af kom,<br />
want hy dink dat dit die beste tyd sal wees om toe te<br />
slaan. Skielik kry hy ’n blink gedagte – navorsing. Daar
Change language