You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
13<br />
HOOFSTUK 3<br />
Justin se baas het darem maklik ingestem toe hy hom verlof<br />
vra. Hy is nou amptelik vyf dae met verlof. Sy baas het<br />
juis vir hom gesê dat hy ’n hele paar dae verlof oor het en<br />
dat hy dit moet gebruik. Dit pas vir Justin perfek, want<br />
dan het hy heelwat verlof om rond te hang en sy slagoffers<br />
dop te hou. Een vir een gaan hy hulle afmaai.<br />
Toe Justin daardie aand by die huis kom, lê Lukas<br />
smoordronk op die TV-kamer se vloer. Daar is braaksel op<br />
die mat en die hele TV-kamer stink. Justin gee die hele<br />
spul net een kyk en gaan sit in sy kamer. As Lukas homself<br />
oor ’n mik wil drink, dan is dit nie Justin se probleem<br />
nie. Later die aand hoor Justin ’n lawaai in die TV-kamer<br />
en hy loop soontoe om te kyk wat aangaan. Daar gekom, sien<br />
hy dat Lukas bygekom het en dat hy teen die tafeltjie in<br />
die middel van die TV-kamer vasgeloop het en die vaas wat<br />
op die tafeltjie gestaan het, lê in stukke op die mat. Dit<br />
maak nie regtig saak nie, daardie vaas was in elk geval<br />
goedkoop gemors. Lukas staan en wieg terwyl hy vir Justin<br />
kyk.<br />
“Waar ko’ jy nou vandaan?”, vra hy.<br />
“Ek is al ’n hele ruk hierso, Lukas. Jy moenie verwag dat<br />
ek hierdie gemors wat jy gemaak het gaan skoonmaak nie, dis<br />
nie my skuld as jy jouself versuip aan die drank nie!”<br />
Justin se stem is ferm. Hy is glad nie bang vir Lukas nie<br />
en die laaste bietjie respek wat hy vir hom gehad het, is<br />
nou weg…down the drain.<br />
“Wat het geword van ‘oom’?”, vra Lukas en hy tel ’n leë rum<br />
bottel op wat op die mat lê.<br />
“Hoekom moet ek vir jou ‘oom’ sê?”.<br />
“Jy moet respek vir my hê boetie…ek sal jou bykom, hoor jy<br />
vir my!”<br />
In sy woede slinger Lukas die leë rum bottel na Justin wat<br />
by die TV-kamer se ingang staan. Justin hoef nie te koes<br />
nie, want Lukas is so dronk dat hy skeef gooi en die bottel<br />
tref die muur langs die ingang se kosyn en bars in stukke.<br />
Justin kyk ewe koel en kalm na die stukke van die bottel<br />
wat op die mat lê.<br />
“As jy gooi, gooi raak!” sê Justin kalm en hy draai om en<br />
loop na sy kamer toe.<br />
Lukas kom nie agter hom aan nie, hy staan net daar in die<br />
TV-kamer en skree allerhande vreeslike vloekwoorde. Justin