Die Watervoortjie - Vol 3 - Worcester | Vallei

NG KERK WORCESTER-
VALLEI
GEMEENTE
TULBAGHSTRAAT 150
WORCESTER
TEL: 023-3470387
FAKS: 0862108337
REDAKSIE
ngvalleikerk@telkomsa.net
valleikb@telkomsa.net
KERKKANTOOR
ngvalleikerk@telkomsa.net
In hierdie uitgawe:
God belowe
Jesus é Bom
Sareltjie
40 DAE:
Danie Luckhoffers
Vlaggies
Koshuis—kleingroepe
Die Olifantbergers
Kinderhuis safari
Genadebediening
Jeugweek
Rolstoel projek
Sop, Soete en
Saligheid
Wandel in die Woord
Kabbelklippie “hoor”
Briewe
Vir die jongspan
Die Watervoortjie
Volume 1, Uitgawe 3
God belowe
Abraham kry die belofte
dat sy nageslag `n
groot nasie sal wees,
en dat hy wat `n swerwer
is, se nageslag die
land in besit sal neem.
Vir Moses word die
bevryding uit Egipte en
die in besit neem van
die land beloof. Dawid
ontvang die belofte dat
daar altyd iemand uit sy
nageslag koning oor
Israel sal wees. God
beloof: "Ek sal julle
God wees, en julle sal
My volk wees" (Deut
6:6). God is die God
wat sy beloftes vervul.
Dit is juis dit wat God
uniek maak.
In Handelinge leer ons
God ook ken as die
God wat beloof. Lukas
vertel dat Jesus na sy
opstanding by verskeie
geleenthede aan sy dissipels
verskyn het. Op
`n keer beveel Hy
hulle: '...bly wag op die
gawe wat die Vader
belowe het, soos julle
van My gehoor
het.' (Handelinge 1:4)
Beloftes, profesië en
voorspellings gaan oor
die toekoms, dit gaan
oor dit wat nog gaan
gebeur. `n Belofte is
egter anders as `n
voorspelling en selfs `n
profesie. Iemand wat
`n voorspelling of profesie
maak, is nie deel
van die uitkoms van dit
wat voorspel word nie.
Dink maar aan die
v o o r s p e l l i n g s e n
sogenaamde profesië
van Siener van Rensburg.
Aan die uitkoms
daarvan het hy geen
aandeel nie. So kan ek
voorspel dat die plantjies
gaan vrek as dit nie
water kry nie, maar aan
die uitkoms van die
voorspelling het ek
geen aandeel nie.
Terwyl as ek beloof
om te help met die natlei
van die plante het
ek deel aan die uitkoms.
Wanneer ek
beloof, word ekself
deel van dit wat gaan
gebeur.
Dit is wat God so an-
SEPTEMBER 2010
ders maak as enige ander
god, God is die
God wat beloof, Hy
maak Homself deel van
die toekoms en dit wat
gaan gebeur.
Die Heilige Gees is dié
belofte van God, Godself
is deur die Heilige
Gees by ons, ons word
deurdrenk met sy teenwoordigheid
en word
so aan God gebind.
Daardeur kry ons nou
alreeds deel aan God
se toekoms, die ewige
lewe. Handelinge vertel
van hoe die ewige
lewe aan die deurbreek
is, dit is sigbaar in die
kerk waarin die Heilige
Gees teenwoordig is,
sigbaar in volgelinge
van Jesus wat glo in
God wat Jesus uit die
dood opgewek het, en
diensbaar na ander leef.
Mag ons so 'wandel
met die Heilige Gees'
dat ander die God wat
beloof in ons lewens
kan leer ken.
Job het nie antwoorde op al sy vrae gekry nie. Hy moes eenvoudig leer om die regverdigheid en
goedheid van God agter alles wat gebeur, te vertrou. Hy moes aanvaar dat ‘n verhouding met die
Een wat die antwoorde ken, beter is as die antwoorde self. David W Dyke

Bladsy 2 Die Watervoortjie
Jesus Jesus é é é Bom
Bom
You lead us with your protecting hand,
On all the roads your word will span.
From Worcester to Tete,
Your formidable hand has led.
From sunrise to sunset,
Compassion and pain have bled.
Were the Zambezi flows we make our home,
Here to give our minds and harts on loan.
Day by day we go out to give
And (in stead) are overwhelmed by the gratitude we receive.
As time goes by we pack to go,
All the wile praying for the seeds we’ve sown.
We come back home to readily find
That a part of our hearts, have been left behind. Nicola van Zyl
Sareltjie skryf . . . . . .
Ma sê jy skryf so opstelle
Skryf vir die kantoorvoorkie
Watervoorkie sê ek Ma
Die wint waai waar Hý wil
40 dae in die Vallei
Waai ons amal op die bus
party het patkos
met anner deel ons die kos
Die op die pat praat waar
Maar elke dag se kruispat is swaar
Die wind waai waar Hý wil
Waai ons oor die pat
teen straatvroue en –kinners vas
Ons waai styf teen mekaar
Daar is nog plek - die bus laai op
stukkene mense, gemeente mense
siggestremde mense
Is ons wiele aan die rol
of staan ons net en tol
Ja die wint waai ons teen vreemde mense vas
Waai ons teen die Here van die
mense vas bid ma
Sareltjie
NG KERK WORCESTER-
23 Oktober 2010
vanaf 09:00 , Kerkgronde
Valleifees Basaar
Heerlike basaar-produkte,
saam kuier en vele meer.
Kom deel in die pret!!!

Volume 1, Uitgawe 3
40 Dae: Die Danie Luckhoffers!
Bladsy 3
Schalk en Cathy Hugo se selgroep kom Woensdagaande om 5h30 in die Danie Luckhofsaal in Tulbaghstraat
bymekaar. Hierdie groepie bars uit hul nate (daarom die saal) want enige een tussen 25 – 30 lede woon die
byeenkomste gereeld by.
Oud en jonk kuier gesellig saam en daar is geen tekort aan stories, grappies en die deel van lief en leed nie.
Ons het van die lede gevra wat die 40 dae van Wandel in Handelinge saam met medegelowiges in die selgroep
vir hulle beteken het:
“Ons het daarna uitgesien en geleer om die Woord beter te verstaan” – Peet en Corlien
“ Om saam met ander gelowiges te deel wat die Here vir ons beteken en te sien hoe die Here teenwoordig
is, dit is wonderlik!” - Kobus
“Net om dankie te sê – vergifnis te vra” – Tannie Issie
“Wonderlik om die Here beter te leer ken. Groot sprong in heiligmaking” - Nicky
“Lekker om vir mekaar om te gee in ‘n tyd waar elkeen net vir homself leef. Versorging in groep – ons het
mekaar nodig!” – Johan
“Tyd maak rondom die Woord en saam te bid is ‘n wonderlike geestelike reis” - Ronel
Marie-Louise du Preez
40 dae vlaggies . . . . .
was ‘n wapperende getuienis van gesinne se oppad met die Heilige Gees.
Waarom het ons van regs na links geskryf?
God begin met ons reis. En ons is saam met Hom oppad. Maar al hoe verder weg van onsself –
na ander mense toe. En soms is dit “ongemaklik” soos om van regs na links te skryf of te lees.
Maar die tou waaraan die vlaggies verbind is, herinner ons daaraan dat God deur die Heilige Gees
altyd by ons. En daarom kan ons gehoorsaam wees wanneer Hy ons stuur om die evangelie met
ander mense te deel.
Op Sondag, 5 September, het almal hul vlaggies saamgebring kerk toe. As gemeente het ons die
vlaggies gebind om die kerkterrein. Dit simboliseer hoe God saam met elkeen van ons in die
gemeente is. Hoe die Heilige Gees met elkeen van ons oppad is, maar ook met ons gemeente
oppad is.
Verbylopers kan lees wat op die vlaggies staan en op so ‘n manier kan ander ook nadergenooi
word om deel te wees van ‘n gemeente wat saam met die Heilige Gees oppad is.

Bladsy 4 Die Watervoortjie
40 Dae: Koshuis—kleingroepe
Die 40-dae wat die gemeente hierdie kwartaal
meegemaak het, is nie beperk tot net die
dorpsbewoners nie. Ook die koshuise by
Drostdy het daarby ingeskakel.
In al vier koshuise is die jongmense in groepe
opgedeel, elk met ‘n eie groepleier. Daar is ook
in elke koshuis ‘n leier wat verantwoordelik is
vir die administrasie van die groepe in die
koshuis en met my moet skakel sodat inligting
deurgegee kan word en beplanning gedoen kan
word.
Woensdagaande is kleingroep aand en dan kom
al die groepe bymekaar om die week se
fokusteks te bespreek. Hoewel die jongmense
aangemoedig is om elke dag die fokusteks te
lees, is daar ook ‘n leesrooster aan hulle
Rib Rib-ete Rib Rib ete ete ete
5 November 2010
om 18:00
Kerkgronde
Skaap- of Varkrib
“chips”, pampoentert,
slaai. roomys &
sjokoladesous
Volw. @ R75.00 en
Kds. o/10 R45.00
Sap, rooi– en witwyn van
Badsberg & Botha
Kelders te koop
Gaskunstenaar
Suzaan de Lange
uitgedeel wat hulle sou help om Handelinge
gedurende hierdie 40-dae deur te lees.
Tot dusver is die terugvoering oor die hele reis
baie positief en dit is lekker om te sien hoe
neem die jongmense eienaarskap van die hele
proses. In een koshuis word daar byvoorbeeld
elke oggend afgekondig wat vandag se
leesrooster-gedeelte is sodat die jongmense dit
in die oggend kan deurlees en dan weer tydens
die aand-stiltetyd die fokusteks kan deurlees.
Ons begin nou reeds dink wat ons volgende
kwartaal gaan doen, aangesien meeste van die
jongmense graag sal wil voortgaan om in
kleingroepe in die koshuise te vergader.
Wouter van Velden
Wanneer Christus ‘ n mens roep, roep Hy jou om te kom sterf.—
Dietrich Dietrich Bonhoeffer Bonhoeffer ( ( 1906 1906-1945 1906 1945 )
)
Eers wannneer ek geleer het om die wil van my Vader in die hemel
te doen, het ek my roeping op aarde ten volle uitgeleef – Carlo Carlo
Foto’s:
Bo: Besoek aan Pionierskool se
kinderkrans
Regs bo: Ons deel komberse uit
in Avianpark
Regs: Besoek aan die Robertson
Kinderhuis

Volume 1, Uitgawe 3
Bladsy 5
40 Dae: Padkos vir die siel Die Olifantsbergers
Ja dit is waar, die 40 dae stap saam met die
Heilige Gees was voorwaar padkos vir die siel.
Dit was die ondervinding van ons kleingroep
hier in Olifantsberg. Ons strek van Apiesklip
teen die hoogte waar jy baie trappies klim,
maar ‘n pragtige uitsig het, tot onder in die vlak
waar baksteenstof trek – so wissel ons Woensdagaande
van huis tot huis.
Ons groepie is so middeljarig en plus, maar
nietemin is ons jonk van hart – vonkel in die
oog en baie ontvanklik vir die leiding van die
Heilige Gees.
Oubaas van Sewendelaan se “broer”, Giel
Agenbag, nie van Rondomskrik nie, maar wel
van die plaas Hillside, is die ringkop met
wyshede, grappe en interessante insetsels en
sienings. Oom Gert van Wyk, die witkop
boeregeneraal – man van vele ambagte, is
gereeld op sy pos.
Die SUSTERS van dIé groepie het die
boodskap van gesamentlike maaltyd goed
onder die knie …
Maar nou gaan ons terug na die Groenboekie.
Dié boekie het ons gelei na selfondersoek en ‘n
spesiale tyd met ons Hemelse Vader, asook na
nuwe insigte oor ons hele menswees.
Kinderhuis hou safari-ete in Worcester
Die geloof van Paulus en Petrus het ons intens
geprikkel – en die resultate van hul geloof het
ons verstom – soveel mense na oorgawe
gebring!
Ons het al meer begin met selfondersoek.
Watter rol speel God in my lewe? Wat beteken
ek vir ander mense? Gaan ek alleen verder
met die bus, sonder om iemand saam te nooi?
Gaan ek alleen my padkos eet en dit met
niemand deel nie? Of gaan ek die geloofswiele
laat rol …
Ons is dankbaar vir ons leraarspan (die outeurs
van die Groenboekie) wat met hul liefde en
entoesiasme vir ons die boodskap so duidelik
en prakties aangebied het. Sulke toewyding is
sekerlik gemotiveer deur hul liefde vir ons
Skepper.
Die “Lied van die Gees” geskryf en getoonset
deur Stefaans is sielsverrykend en treffend –
mooi so Stefaans! Gaan so voort! Ons
Olifantsbergers is nie sulke begaafde sangers
nie, anders sou ons beslis die “Lied van die
Gees” ons Aandgesang gemaak het, maar tog
weet ons – Jesus lééf, Hy hét opgestaan, en ís
die Hoop vir elke dag.
Groete van jul medereisigers.
Sondag, 15 Augustus, was daar ’n Spesiale kollekte vir die Herberg Kinderhuis op Robertson.
Daar is van die geleentheid gebruik gemaak om Huis E se dogters en huisma uit te nooi om die dag
vir die gemeente te kom kuier.
Hul bemarker, Petro Uren, het in die Kerk ’n bietjie kom vertel van die finansies en die gemeente
bedank vir hul betrokkenheid.
Om die gemeente verder te betrek is daar vir hulle ’n Safari-ete gereël. Mari-Louise en haar selgroep
het die kinders verwelkom met voorgereg. Louis en Maryka en hul selgroep het die hoofgereg
gegee, waarna Ansie en Lina hul bederf het met heerlike nagereg. Die kinders het die dag
baie geniet en almal bedank wat betrokke was om hulle in hul huise te verwelkom.
Ook die bydraes van die LP3 wat die oggend uitgedeel is, word opreg waardeer.

Bladsy 6 Die Watervoortjie
MOSAMBIEK UITREIK
2010

Volume 1, Uitgawe 3
Genadebediening
Hoe lyk ‘n Geesvervulde verslag oor die
straatvrouprojek? ‘n Effense teenstelling, as jy
my vra… en eintlik onmoontlik om iets so
omvattend in een enkele verslag saam te vat, al is
dit Geesvervuld.
Dit is ‘n gedagte wat deur die Gees op iemand se
hart geplaas is om by ‘n kerkraadsvergadering te
noem as ‘n moontlike bediening waarby ons
betrokke kan raak… die straatvroue… ‘n ongemaklike
onderwerp vir enigiemand wat al ooit (of
nog nooit) op een of ander manier met hierdie
sogenaamde ‘dames van die nag’ te doen gehad
het.
‘n Voormalige prostituut kom spreek ons toe.
Elkeen van ons is met die Hand uitgekies deur
Iemand wat ‘n Hart het vir die verontregdes.
Elkeen van ons is reeds iewers in die verlede op ‘n
manier voorberei om met ons verskillende gawes
by hierdie unieke bedieningsveld betrokke te
raak. Ons hemelse Vader wil ons met ons
verskillende gawes gebruik om as ‘n eenheid
saam te werk tot eer en verheerliking van Sy
heilige Naam. Net soos wat Hy almal in ons
groepie as ‘n eenheid wil laat saamwerk, wil Hy
almal in ons gemeente as ‘n eenheid laat
saamwerk en wil Hy al die kerke in ons
gemeenskap in ‘n eenheid laat saamwerk.
Santa het ‘n duidelike boodskap by die Here
gekry om ‘n wit geskenksakkie te neem, ‘n KitKat
in te sit met ‘n briefie met Geesgeinspireerde
woorde:
Brief van God aan jou:
Weet jy hoe lief Jesus jou het? Weet jy Hy het vir
jou aan die kruis gesterf? Weet jy Hy tree vir jou
in by die Vader? Want Hy leef! Weet Hy weet
van jou seer. Hy wil hê jy moet na Hom kom.
Net soos jy is. Weet Hy wil vir jou ‘n doel in die
lewe gee.
Daardie aand is ons groepie die enigste wat met
‘n sogenaamde straatvrou kontak maak. Ons was
so onkundig en onseker in onsself, maar duidelik
doelgerig in die Gees. ‘n Entjie verder het ons
eers weer gebid en gewag. Toe ons by haar kom,
het ons net normaalweg met haar gepraat en
gevra of ons vir haar kan bid. Tot ons verbasing
het sy ja gesê. Dit was waarskynlik ‘n vreemde
gesig so laat op ‘n Donderdagaand: Vier vroue
omarm in ‘n sirkel wat saambid onder ‘n rooi
‘bloed’kombersie op die hoek van Tulbaghstraat
en Porterstraat. Sy het ook die betekenisvolle
Bladsy 7
geskenkie by ons geneem. Sedertdien het ons
haar nie weer op straat raakgeloop nie. Ons loof
en prys ons hemelse Vader daarvoor.
Die meisies op die hoeke van die strate het almal
name gekry. Hulle was nie meer net gesigte wat
ons probeer vermy het nie. Ons noem hulle nou
dogters van Sion
Die eerste Donderdagaand na die vakansie is
daar ‘n nuwe dimensie tot die uitreik: die
voormalige Pardonkafee, wat intussen sy deure
as kafee gesluit het, is oop as koffiekroeg.
Daar is koffie en tee en iets te ete vir enigiemand
wat wil kom. Die koor van die VGK van langsaan
kom sing vir ons ‘n lied na hul kooroefening.
Een van die mans wat op straat gebly het, gaan
staan tussen hulle en sing saam. Hy ‘dirigeer’
selfs saam met die dirigent. Aan die einde van
die lied lig hy albei sy hande na bo, asof in
aanbidding. Die res van die aand werk hy baie
hard, vee tafels af en maak skoon, en eet asof hy
net nie genoeg kan kry nie. Hy praat nie. ‘n Paar
dae later sterf hy op Absa se stoep, klaarblyklik
van die koue. Dit gryp my aan die hart. Was hy
gered? Ek weet nie of iemand ooit vir hom die
storie van Jesus vertel het nie. Ek onthou net
hoe hy saam met die koor gesing het en hoe hy
gedirigeer het. Ek onthou hoe lekker hy geëet het
en hoe hy die aand geniet het. Ek onthou hoe hy
aan die einde van die lied sy hande na bo gelig
het, ek glo in aanbidding… Daardie aand was hy
spreekwoordelik in die hemel. Ek glo ons hemelse
Vader se genade is vir hom genoeg en dat
hy by Hom is…
Ja, dit is nie meer net ‘n bediening onder die
dogters van Sion nie. Mans word ook bedien en
begelei. Nie omdat ons daarvoor gevra het nie,
maar omdat die Here hulle op ons pad stuur.
Meeste van die mans is bendelede, elkeen met ‘n
storie. Meeste van die meisies is straatvroue,
elkeen met ‘n storie. Almal van hulle het baie
seer wat nog nie verwerk is nie. Almal van hulle
is op een of ander manier en een of ander tyd
verwerp. Almal van hulle is mense, net soos ek
en jy.
Ja, die meeste van hulle het name en wil ook net
op ‘n menslike manier behandel word.
As ons net die grense van ons eie onsekerheid en
ongemak kan oorkom, mag ons net dalk verras
word…
Lina Stevens

Page 8 Die Watervoortjie
Jeugweek: Tentdienste 2010
Die beriggie van onlangs in die Worcester
Standard, tesame met die inligting wat deur
die gemeente begin loop het, dat die
Jeugweek nie vanjaar in ‘n tent aangebied
gaan word nie, het behoorlik reaksie
uitgelok. Dit was baie gou duidelik dat
hierdie besluit nie baie positief deur die jeug
ontvang word nie. Selfs ouers het hul
teleurstelling gou-gou uitgespreek. Hierdie
besluit, wat om finansiële redes geneem was,
moes dringend hersien word.
Nadat die gereelde tent van die afgelope
jare nou nie meer geskik was nie, is daar
oral na alternatiewe gesoek. Die
goedkoopste wat ‘n geskikte tent egter vir
ons sou kos, was ‘n skrikwekkende
R59,000.00. Hierop is toe besluit om vir die
eerste keer in dertien jaar, die gewilde reeks
binnemuurs aan te bied. Danksy die reaksie
op ons aankondiging, moes ons dringend
verder na ‘n tent soek.
Getrou soos ons Hemelse Vader is, het Hy
baie gou iemand op ons pad geplaas om
presies dieselfde soort en grootte tent as
wat ons tot dusver gebruik het, teen ‘n baie
spesiale huur aan ons beskikbaar te stel.
Teen R34,000.00 is dit steeds ‘n bietjie
duurder as verlede jaar, maar veel
goedkoper as R59,000.00. Met die hulp van
een van ons pa’s uit die gemeente, is daar
Rolstoel projek:
nou naarstiglik aan die werk gespring om
alles in die stryd te werp om die nodige
fondse in te samel. Met ‘n totale begroting
van R98,000.00, is almal ‘n bietjie senuagtig,
maar vol geloof dat ons, soos in die verlede,
weer daarin sal slaag. Die Here het ons nog
elke jaar geseën en ons vertrou Hom om
ons in ons poging te help.
Danksy die wonderlike sukses van die
Jeugweek en die baie positiewe getuienisse
wat jaarliks daaruit voortvloei, glo ons dat
die gemeente die Jeugweek ondersteun en
wil ons tog weer vra dat mense ons ook
finansiëel sal help. Hoe meer mense ons met
bydraes kan help, hoe minder hoef elkeen
by te dra. Ons wil dit ook weer baie duidelik
stel dat elke bydrae, hoe gering ookal, baie
welkom is. Indien ons byvoorbeeld net
R50.00 van elke ouer uit ons gemeente kry,
is ‘n baie groot deel van kostes reeds gedek.
Mense wat graag ‘n bydrae wil maak, kan
met die Kerkkantoor skakel.
Meer inligting betreffende vanjaar se reeks
sal binnekort beskibaar gestel word.
Intussen vra ons dat u asseblief ook die
organiseerders en die werk aan die
Jeugweek, in u gebede aan ons Hemelse
Vader sal opdra en Sy seën daarop sal vra.
Dennis Kirchner
Dit het onder ons aandag gekom dat ‘n rolstoel geskenk word vir elke 50kg plastiek seëltjies
(die wat gebruik word om die brood sakkies mee toe te maak). Elkeen van ons kan ‘n verskil in
iemand se lewe maak as ons net begin om hierdie seëltjies bymekaar te maak. Dit kan by die
kerkkantoor ingehandig word, ons sal sorg dat dit by die betrokke instansie afgegee word. Die
plastiek word gesmelt en weer verwerk in ander produkte.
Baie dankie dat julle gaan deel in hierdie projek.
Jou Jou Jou betrokkenheid betrokkenheid betrokkenheid kan kan kan ‘n ‘n ‘n verskil verskil
verskil
in in iemand iemand se se lewe lewe lewe maak!!
maak!!

Volume 1, Uitgawe 3
Sop, Soetes en Saligheid…. “bus uitstapppie”
Toe ek nog boervrou was,
het my man gereeld die
plaaswerkers per vragmotor
dorp toe geneem op ’n
Saterdagoggend. By die
geleentheid het die sirkus
Robertson besoek en het hy
die spannetjie, groot en
klein, soontoe geneem.
Uitgevat in hul Sondagklere,
wag hul by die plaashek om
op te klim, toe iemand van ’n
buurplaas verbystap: “En wa’
gat djille dan, soe uidie kyste
gedres?”
Waarop Betjie antwoord:
“Onse baas vat ons sirkus
toe!”
“Oema dis lekke! As djille
moete lorrie gan, gat ek ok
sam!”
So breek Sondag 30 Mei
aan, en ons almal daag op in
“onse beste outfits, “want
onse doeminies Hans vat
ons op ’n trippie van “sop,
soetes en saligheid” Groot
en klein wag op die
kerkterrein en vanaf die
hoogste bult kom ’n hele
paar motors om ook aan te
meld vir saamry, een bring
selfs ’n eie trappie saam om
te kan inklim in die bus. ’n
Ieder en ’n elk neem padkos
s a a m ; v i r m e n i g e
spysverteringstelsel ’n
nagmerrie, want ons kou:
M a r i e - k o e k i e s ,
Marshmallows, Niknaks,
biltong, Smarties, Simba,
sjokolade en pepermente,
alles deurmekaar. Ons
proviand was heeltemal
voldoende, en soos in
Handelinge se eerste
gemeente, deel ons ALLES
met mekaar. Voordat ons
rêrig kon siek raak van
deurmekaar eet, kom ons by
die eerste wynkelder aan. Ek
dink dit was Daschbosh!
Dis ’n windstil, pragtige
wintersdag, en op die ruim
grasperke word gerus voor
die volgende skof. Vir klein
mensies is dit ’n avontuur:
Jannie Vlok inspekteer die
omgweing; slote, walle,
damme, paadjies. Ma
Andrea kry somaar haar
daaglikse litte-losmaak soos
sy keer by teerpad en water,
bosse en voertuie. Kort voor
lank bak die son so warm
dat die bus se skaduwee
opgesoek word, en toe die
laaste krieseltjie snoepgoed
verdwyn, trek die bus weg. ’n
Paar gesinsmotors en –
bussies dek die agterhoede,
en spoedig kom die konvooi
by Badsberg-kelder aan.
Daar staan die hoofdis
gereed; heerlike sop en
broodjies. Ek moet julle nog
die geheim ook vertel: in
baie mandjies was daar,
benewens glase en bekers,
Page 9
ook borde, messe, vurke en
lepels vir die boerekos en
nagereg, net om vir alle
gebeurlikhede gereed te
wees. Nie dat daar, saam
met die sap en ander
derglike dinge, vir nog plek
was nie.
Botha-kelder was die laaste
stasie. Moet die soetes
wees, reken ek. Melktert uit
die boonste gestoeltes,
koesisters, handtertjies en
koffie saam met die soet en
droog van alle variëteite. Die
keldermeester en sy vroulike
ondersteuningsgroep laat
ons baie tuis voel en ons
kuier heerlik.
Sondae is mos darem eintlik
ook bedoel vir rustydjies, en
dit is presies wat meeste
reisigers die res van die
middag gedoen het. Met:
“Ons sê baie, baie dankie!”
groet ons die vaardige
busbestuurder wat sy
Sondag ter wille van ons
plesier prysgegee het.
Van ons almal wat die dag
geniet het, aan ds Hans en
al die vriendelike, vlytige
vroutjies: “Oe, dit was baje
lekke!! As da wie ’n bus loep,
gat ons ammal wie saam!”
Maretha Hofmeyr
Gebedsgeleentheid: elke Sondagaand om 18:30 in ons kerk. Ons
wil graag ‘n verteenwoordiger van ELKE bediening in ons gemeente
daar hê. Lidmate wat wil saam bid is hartlik welkom.

Page 10 Die Watervoortjie
WANDEL IN U WOORD: Lukas 10: 1-12
1. Daarna het die Here lidmate van Worcester
-Vallei gemeente aangewys en twee-twee
gestuur na die koshuise van Drostdy, die
Blindes, Avianpark se kleuters, die VGK
gemeente in die plaaswyke, sommer oral,
tot selfs in Mosambiek.
2. God het vir ons gesê: “Die behoefte is
groot, maar dit is ‘n wonderlike
geleentheid om by mense te gaan kuier en
saam nuut oor My en die lewe na te dink.
3. Gaan biddend in afhanklikheid van My en
glo dat oud en jonk in Vallei gemeente
betrokke sal raak by die uitreike.
4. Moenie talm nie, los julle horlosies en
selfone by die huis. Wees verseker die
uitreike gaan nie maklik of gemaklik wees
nie.
5/6 Onthou moenie te “grand” vir jul dorp
se mense raak nie. Moenie mense
omkrap nie, gaan verkondig net My
vrede, want My vrede en liefde is vir
almal, nie net vir die Kerkraad of die
aktiewe lidmate van jul gemeente nie.
7. Wees haastig om daar te kom, maar
spandeer dan genoeg tyd saam met hulle.
8. Geniet wat hulle julle aanbied, eet wat
hulle eet.
9. Luister en hoor, maar gaan verkondig
veral My liefde en genesende krag.
10. Gaan verder as niemand jul wil ontvang
nie, daar is nog baie plekke wat besoek
moet word.
11. Leer almal om in diepe afhanklikheid van
My te leef, om die dringendheid van julle
besoek te besef, want My terugkeer na
julle is baie naby.”
in die watervoor dat Blok C se manne en vroue “verskuilde” talente het:
• Iemand het glo , gedurende die lang Junievakansie, ‘n rydingetjie aangeskaf om te gaan “dwaal” in
Transkei. Het hulle nie gedwaal nie! Tweehonderd kilometer te ver gery agter ‘n verjaarsdagkoek
aan … die verskoning was “ons het die afdraai gemis!”
• ‘n Ander een het weer vir vroulief probeer beïndruk, maar ai, toe misgis hy hom met die elektriese
saag en sny sy duim amper morsaf …
• Dan praat ons nie eens van die Blokvergadering met die ouderlinge en dienswerkers wat laatnag
geeindig het in “rivierklippe rol” dat die waartlemoene spat nie! Hulle noem dit glo “ ’n Boererol.”
• Een van die ander dwalers moes in die donker nag die verkeersdepartement oortuig, “meneer hier
ís petrol in die voertuig ….”
• O ja, amper vergeet ek moderne Huisbesoek sluit nou Tuindienste in!
NS. Kabelklippie wonder of Blok C se manne en vroue nie eintlik “verdagte” talente het nie.

Volume 1, Uitgawe 3
Briewe:
Worcester-Vallei Gemeente vriende
Ons wil vir elke vriend en vriendin dankie sê wat vir ons gebid het, hetsy sag
of hard, voor en na Marnia se hartoperasie.
`n Mens dink soms `n mens is gelowig en raak dalk gemaklik met hoe jy jou geloof toepas. Dan
kom daar toetse. Natuurlik is die slegste toetse die wat nie net vir jou raak nie, maar jou toets deur
ander mense naby aan jou vir wie jy lief is. Maar dis hierdie toetse/beproewings wat jou temper en
die verskil is tussen wêreldse geloof en persoonlike, diepe geloof. Dit het ons krag gegee om vo-
rentoe te kyk.
Marnia se operasie is seker nie die verskriklikste van sy soort nie, maar dit is die `baby` in die huis
en daar was komplikasies.
Soos altyd,het ons weer iets geleer hieruit.
* Daar is baie goeie mense daarbuite wat `n mens nie ken nie. Dankie vir almal wat die tyd
met ons gedeel het en vir ons probleme tyd gemaak het.
* God is goed! Marnia is volkome herstel.
* Bid werk!! Ons onderskat die mees direkte
kommunikasie met God te maklik omdat ons te
ongeduldig is.
* Ons kan niks doen sonder God nie.
* God is liefde.
Groete, André en Marina van Schoor
Briefie van Helene namens haar susters
Aan die kerk
Ons hele familie het deur `n moeilike tyd gegaan met Marnia se operasie.Ons was bekommerd en
ons het gedink wat sou gebeur as Marnia nie weer terug sou kom nie.Maar ons het net ons hoop in
God gestel en geweet dat sy weer met meer lewe sou terugkom. En sy het!
Ons wil net vir almal, en vir my juffrouens by die skool, baie dankie sê dat hulle daar was, asook al
ons maats.Sonder julle sou ons dit nie gemaak het nie.Ons hoop dit gaan met julle ook net die beste.
`n Klomp liefde
Helene
Die Waterfiskaal
Die waterfiskaal behou hom die reg
voor om briewe en artikels te redigeer
en verkort—en artikels na
goeddunke in die kwartaalblad en
elders te gebruik.
Page 11