LAERSKOOL STELLENBOSCH OMSENDBRIEF 2 ... - Lstellen.co.za

LAERSKOOL STELLENBOSCH
OMSENDBRIEF 2/2010 4 Februarie 2010
Geagte Ouers
Ek bring graag die volgende onder u aandag:
Pa-en-Seun-naweek
Vanjaar se Pa-en-Seun-naweek vind plaas vanaf Vrydag, 5 Maart tot Sondag, 7 Maart op Tietiesbaai. Ons staanplek is
reeds bespreek, maar u word versoek om onverwyld u naam by die sekretaresse, mev. Sunette Marais, in te gee. ‘n
Inligtingstuk word ook vandag aan al die seuns gegee. Almal is baie welkom.
Ma-en-Dogter-ontbyt
Die Ma-en-Dogter-naweek gaan hierdie jaar in die vorm van ’n piekniek wees. Dit vind op Saterdag, 6 Maart by
Middelvlei plaas. Kom ontspan ’n paar uur saam met u dogter en ander mammas onder die heerlike koeltebome vanaf
ongeveer 10:00. Elkeen voorsien eie piekniek-versnapperinge en iets om op te sit.
Kultuurweek
‘n Kultuurweek word vanaf 1 Maart tot 5 Maart by die skool aangebied. Daar is ‘n wye verskeidenheid van programme
vir die graad 1 – 7-leerders en dit beloof om in elke leerder se smaak te val. Ons wil graag hê al die leerders moet deel
wees van hierdie heerlike opvoedkundige week teen ‘n koste van R10 per leerder. ‘n Volledige program sal nog
uitgestuur word.
Buitemuurse aktiwiteite
Moedig assseblief u kind(ers) aan om by die skool se buitemuurse program betrokke te raak. Raadpleeg die
huiswerkboekie en hou asseblief stiptelik by die tye. Die betrokkenheid van ouers by wedstryde en byeenkomste word
hoog op prys gestel.
Swem
Ons herinner u aan die Interkleure swemgala wat op Vrydag, 12 Februarie, by Hoërskool Rhenish se swembad plaasvind.
Die gala begin om 09:00 en sal teen 13:00 afgehandel wees. Inskrywings vind reeds plaas vanaf Maandag, 1 Februarie
en leerders het nog geleentheid om in te skryf tot Vrydag, 5 Februarie. Inskrywingsvorms is aan alle leerders uitgedeel.
Indien u nog ‘n inskrywingsvorm benodig, kan dit by mev. Carolien Heenop verkry word.
Onthou ook om die vorm, wat aandui of u kind die gala gaan bywoon of nie, by mev. Heenop in te lewer.
Boschpraatjies
Die Redaksie van die Boschpraatjies 2010 is vuur en vlam vir die jaar wat voorlê. Ons span ywerige joernaliste en
verslaggewers is volstoom aan die gang om dié jaar nog meer leesstof aan ons leerders te verskaf. Indien u ‘n
advertensie in die Herfs-uitgawe wil plaas, kan u Moira Lee by moiralee@mweb.co.za kontak. Boschpraatjies word aan
550 individue uitgedeel, dit is dus ‘n gulde geleentheid om die publiek aan u onderneming bekend te stel.
Sun City Tennistoernooi
Ons wens die tennispanne, wat van 8 – 12 Maart aan die Wilsonbeker tennistoernooi by Sun City deelneem, alle
voorspoed toe. Ons weet dat hulle ware ambassadeurs vir ons skool sal wees. Hulle oefen die afgelope 4 weke baie
hard en is gereed vir die uitdaging wat op hul wag. Die spanne is:
SEUNS DOGTERS
1. Weyers Meintjes 1. Marsha-Ann Jansen van Rensburg
2. Jeninio Coetzee 2. Rouxanne Janse van Rensburg
3. Gerrit Langenhoven 3. Eunice Rohlandt
4. Jean du Plessis 4. Minke Beukes
5. Rüderick Heuer 5. Manuela Huckfeldt

Atletiek
Atletiek 2010 het afgeskop met ons Interkleure atletiekbyeenkoms wat op Vrydag, 22 Januarie plaasgevind het. Van die
velditems is reeds die Woensdag afgehandel. Die Wit Span het koning gekraai, met die Rooi en Groen Spanne wat gevolg
het. Die Groen Span het ‘n welverdiende poging aangewend en die Geesbeker ontvang.
Die ander trofee-wenners vir die dag was:
Beste enkele prestasie op die baan – seun: Johann v.d Watt
Beste enkele prestasie op die baan – dogter: Deidré Snyders
Beste enkele prestasie in ‘n velditem – seun: Le Roux Kloppers
Beste enkele prestasie in ‘n velditem – dogter: Emma Wood
Beste algehele prestasie/rekord: Le Roux Kloppers
Junior Victrix Ludorum: Lynn Rossouw
Junior Victor Ludorum: Wynand Neethling
Senior Victrix Ludorum: Daniëlle Theron
Senior Victor Ludorum: Joshua Prins
Tydens die Stellenbosch se Seksie 1 byeenkoms waaraan 9 plaaslike skole deelgeneem het, het ons atlete uitstekende
prestasies gelewer. Daar het 67 atlete aan 102 items deelgeneem en 54 atlete kwalifiseer om aan die Stellenbosch
Kampioenskappe deel te neem. Dinsdagaand, 2 Februarie, het ‘n groepie atlete by Worcester-Noord aan ‘n byeenkoms
deelgeneem. Daar was 30 items en ons atlete verower 11 eerste-, 10 tweede- en 5 derde plekke. In slegs 5 items was
daar nie ‘n Stellie op die podium nie.
Volgende byeenkomste:
6 Februarie Stellenbosch Kampioenskappe: Coetzenburg
10 Februarie Beaumont Grondslagfase
16 Februarie Neelsie Prestige : Laerskool Stellenbosch
20 Februarie Sentraal Boland : Dal Josafat
27 Februarie Boland Kampioenskappe: Dal Josafat
6 Maart Wes-Kaap Kampioenskappe: Dal Josafat
18 – 20 Maart Nasionale Kampioenskappe : Oos-Londen
Ons wil alle deelnemers, ouers en ondersteuners bedank vir hulle volgehoue deelname en ondersteuning
Atletiekfoto’s
Daar is pragtige foto’s tydens die Interkleure-atletiekbyeenkoms geneem. Die foto-albums sal vanaf vandag in die
voorportaal beskikbaar wees. U kan tot Vrydag, 26 Februarie 2010 bestellings plaas.
MySchool-projek
'n Projek wat deur die Ouervereniging geïdentifiseer is waaruit ons vanjaar ten volle voordeel wil trek is die MySchool-
projek. Dit is Suid Afrika se nommer 1 gemeenskapsondersteunings program en vorder meer as R1.2miljoen per maand
in. Hierdie geld word dan aan skole en gemeenskapsorganisasies verdeel. Ons skool is al vir 'n geruime tyd geregistreer
maar daar is nie genoeg ouers wat kaarte besit of hul kaarte gebruik nie. Daarom wil ons hê dat elke ouer die
aangehegte vorm moet invul en voor 11 Februarie terugstuur aan die betrokke klasonderwysers. Daar kan tot 2 kaarte
per gesin registreer word. Dus kan pa en ma elk 'n kaart in hul beursie hê.
Winkels in Stellenbosch wat die projek ondersteun is Woolworths, Club Travel, Overseas Visitors Club en Waltons.
Verder ondersteun Quiksilver, ToysRus, Reggies, Kalahari.net en Supa Quick Tyre Experts ook die projek.
Gesondheidsweek
‘n Program vir die Gesondheidsweek is hierby aangeheg.
Vriendelike groete
HAWKIE DE VILLIERS
SKOOLHOOF
Die oorwinning behoort aan dié
wat die langste kan volhard.
Napoleon Bonaparte