Onderwysersgids - The Thunderbolt Kids

Suid-Afrika is bekend vir sy fynbos -dit groei nêrens anders in die
wêreld nie! Fynbosplante is spesiaal aangepas om die
klimaatstoestande en gereelde brande te oorleef. Die lae bosse kan
die harde winderige toestande oorleef en die plante lewer saad
wat slegs ontkiem wanneer hulle deur vuur geskroei is.
'n Vuur het deur hierdie fynbosgebied naby Kleinmond in
die Wes-Kaap gebrand. 'n Jaar later het die inheemse
fynbos uitgegroei maar die dennebome wat nie inheems is
nie, was almal dood.
Die fynbos-bioom in Suid-Afrika het 'n groot biodiversiteit van
plante en diere.
5.2 Lewende en nie-lewende dinge in
ekosisteme
In 'n ekosisteem is daar sekere verhoudings tussen die lewende
wesens en die nie-lewende dinge in 'n bepaalde gebied.
VRAE
1. Wat is 'n paar van die nie-lewende dinge in 'n
ekosisteem?
Lug, sonlig, water, grond.
2. Wat beteken biodiversiteit?
Biodiversiteit verwys na die verskeidenheid soorte spesies
van organismes (plante en diere) in 'n gegewe habitat.
86 Lewe en Lewenswyse