Onderwysersgids - The Thunderbolt Kids

5 Ekosisteme en voedselwebbe
82
SLEUTELVRAE
• Wat is 'n ekosisteem?
• Hoe dikwels reën dit in 'n reënwoud of in 'n woestyn?
• Noudat ek weet hoe mense eet, hoe kry diere hul kos?
• Hoekom kan diere net een soort ding eet - byvoorbeeld,
waarom kan 'n grootwithaai nie kelp begin eet en waarom
sal 'n seeskilpad nie 'n dolfyn jag nie?
ONDERWYSERSNOTA
Bekendstelling van hierdie onderwerp
Baie van die konsepte in hierdie eenheid is 'n hersiening van die
werk wat in Gr. 5 gedoen is, met die gevolg dat hierdie eenheid 'n ander
benadering volg. Hierdie onderwerpe is nie indiepte behandel nie,
maar 'n goeie, duidelike inleiding is gegee om bestaande kennis te
hersien en herken. Dan beweeg ons tot 'n sterker fokus oor die
omgewingsprobleme en permakultuur as een van baie positiewe
oplossings besikbaar. Indien enigsins moontlik, bekyk die video
oor permakultuur - dit is fantasties en inspirerend en is baie meer
positief as die straf-en-somberheid wat geneig is om deesdae die
media te oorheers.
Niks kan werklik op sy eie in die wêreld lewe nie -geen plant of
dier en beslis nie 'n mens nie. Lewende dinge is met mekaar
verbind, hulle is afhanklik van mekaar en van die nie-lewende dinge
in hul omgewings.
In hierdie hoofstuk sal ons ekosisteme van nader bekyk en die
verskillende soorte ekosisteme wat oor die hele wêreld bestaan,
ondersoek, leer hoe diere, plante en mikro-organismes afhanklik
van mekaar is en leer oor voedselwebbe en voeding in 'n
ekosisteem.