Onderwysersgids - The Thunderbolt Kids

AKTIWITEIT: Voedselprosesseringsprojek
Noudat jy 'n beter idee het van die verskillende maniere waarop
rou voedsel geprosesseer kan word, kies een spesifieke metode
wat jy regtig interessant gevind het, om verdere navorsing te doen
en dan die voedsel aan die einde te prosesseer.
ONDERWYSERSNOTA
Nadat hierdie metode nagevors is, word leerders aangemoedig om
hierdie voedselprosessering in die klas of tuis uit te voer. Op 'n
gegewe dag, wanneer die projekte aangebied word, kan leerders
fisies die voedselproduk klas toe bring sodat die ander leerders dit
kan proe.
AANWYSINGS
1. Lees so veel moontlik op oor jou verkose metode van
voedselprosessering.
2. Voer 'n onderhoud met ten minste een persoon wat hierdie
metode van voedselprosessering gebruik. Voor die
onderhoud moet jy ten minste 10 verskillende vrae opstel om
aan die persoon te vra. Sluit die vrae en die persoon se
antwoorde in, wanneer jy jou projek aanbied.
3. Nadat jy jou navorsing gedoen het, moet jy 'n paar paragrawe
insluit, met die opskrif: "Wat ek geleer het oor
voedselprosessering... ". Dit moet 'n opsomming wees van al
kennis wat jy opgedoen het.
4. Bied jou bevindinge op 'n visuele manier van jou keuse aan -
miskien 'n plakkaat, PowerPoint-skyfievertoning of in 'n
"flip-file" as 'n brosjure. Wees kreatief en stel jou inligting voor
op 'n lewendige en interessante wyse!
5. Gebruik die kennis en begrip wat jy bekom het en prosesseer
die voedsel deur hierdie metode te gebruik.
6. Jy sal jou plakkaat/voorstelling/skyfievertoning vir die klas
moet aanbied, sowel as die stappe wat jy gevolg het om jou
verkose voedsel te prosesseer. Bring van hierdie
geprosesseerde voedsel klas toe, sodat almal kan geniet wat
die klasmaats gemaak het.
7. Wanneer jy 'n prosesseringsmetode kies, maak seker dat jy
die nodige voedsel het om te prosesseer! As jy nie vars (rou)
Hoofstuk 4. Voedselverwerking
75