Onderwysersgids - The Thunderbolt Kids

VRAE
1. Daar is verskeie redes waarom ons voedsel verwerk. Kan
jy aan enige redes dink? Skryf dit hieronder neer.
2. Wanneer jy vandag by die huis kom, vra jou ouers, ander
gesinslede en moontlik ook jou vriende se ouers of hulle
dink verwerkte voedsel is goed of sleg en hoekom hulle
so sê. Skryf jou bevindings van hierdie vinnige opname
hieronder neer.
Voordele van voedselverwerking
Voedselverwerking hou baie voordele vir ons moderne lewens in:
Die vervoer van vars kos is
redelik moeilik. Indien
produsente die vars vrugte en
groente op een of ander
manier kan verwerk, is dit
makliker om te vervoer.
Delikate produkte soos
druiwe, aarbeie en perskes
kan dan baie makliker vervoer
word. Die verwerking
verseker ook dat die vrugte
en groente langer hou.
Hierdie vragmotor laai die peeren
appelhouers op en vervoer
dit.
• Vandag kan ons die hele jaar lank vars vrugte en groente eet
en is ons nie meer afhanklik van seisoenale beskikbaarheid nie
danksy die moderne verwerking en vervoer van hierdie
produkte. Gevolglik maak voedselverwerking en vervoer dit
moontlik om deurgaans 'n gebalanseerde en wisselende dieet
te volg.
• Voedsel- en drankprodusente voeg dikwels ekstra vitamiene
en voedingstowwe by hulle produkte om dit gesonder vir
hulle verbruikers te maak.
• Die koop en voorbereiding van verwerkte kosse is ook meer
gerieflik en minder tydrowend.
• Kossoorte word ook verwerk om dit te preserveer, soos
wanneer vrugte as konfyt gepreserveer word, of gepekelde
uie ingelê word.
Hoofstuk 4. Voedselverwerking
BESOEK
Maak kaas by die huis
(video).
goo.gl/EVLhG
61