Onderwysersgids - The Thunderbolt Kids

ONDERWYSERSNOTA
Bekendstelling van hierdie les
Begin hierdie les deur verskillende tipes verwerkte kossoorte te
bespreek en fasiliteer 'n bespreking met die doel om 'n definisie vir
“verwerkte voedsel” te formuleer. Na hierdie bespreking behoort dit
duidelik te word dat:
• Byna al die kos wat ons eet op een of ander manier verwerk is.
• Kos- en drankmaatskappye verskeie prosesse gebruik om
onverwerkte dier- en plantprodukte in kosse te omskep wat
ons kan eet. Ons noem dit voedselverwerking.
• Voedselverwerking die volgende kan insluit: kook, bak,
rooster, rook, droog, droogspuit, sapkonsentraat, vries, maal
(koring) en soms word die slag van diere vir hulle vleis ook
gesien as 'n vorm van voedselverwerking.
• Ons voedsel verwerk om dit meer eetbaar te maak
(voorbereiding/kook), langer te hou (preservering) en om die
voedingswaarde te verhoog (fermentasie).
Probeer om 'n lys van moontlike redes te maak oor WAAROM voedsel
verwerk word, saam met voorbeelde van mense wat baat sal vind
by hierdie verwerking: skryf dit op 'n groot vel papier om na te
verwys of om by te voeg soos julle vorder.
Voedselverwerking - Toe en Nou
Honderde jare gelede moes ontdekkingsreisigers soos Columbus,
Da Gama en Diaz vir die bemanning voorrade pak wat baie lank
kon hou indien hulle nie kos en water tydens hulle ekspedisies kon
vind nie. Hulle moes dus ook soveel gepreserveerde kos en drank
as moontlik saamneem.
Baie van die kossoorte wat ons vandag eet, kan nie rou geëet word
nie -ons moet dit verwerk om dit eetbaar te maak.
Soms word kossoorte ook verwerk om die voedingswaarde te
verhoog, byvoorbeeld wanneer ons suiwelprodukte fermenteer om
jogurt, kaas en karringmelk te maak.
60 Lewe en Lewenswyse