Onderwysersgids - The Thunderbolt Kids

Kom! Volg die Thunderbolt Kids
terug na die verlede!
Verbeel julle julle word 250 jaar in
die verlede terug geneem. Julle
arriveer in PRESIES dieselfde
plek waar jy nou is met net die
klere aan julle lywe en die kennis
in julle koppe. Dit is laatsomer en
julle moet 'n jaar hier deurbring
en oorleef totdat julle weer kan
terug reis na die toekoms.
Julle missie: versamel soveel
inligting as moontlik oor die
plaaslike bevolking en die kos
wat hulle eet, hulle leefwyses en
hoe hulle die elemente oorleef,
sowel as natuurlike gevare in
hulle omgewing. Wanneer julle
terugkeer, moet julle in staat
wees om te verduidelik hoe hulle
verskillende kossoorte verwerk
en gepreserveer het om deur die
winter te hou, en hoe hulle
hierdie kosse verpak en beskerm
het teen roofdiere en lastige
insekte.
Hou 'n dinkskrum oor hierdie probleem in julle groepie. Maak 'n lys
van soveel moontlik verskillende vrae en probleme waaraan julle
kan dink wat julle sal raak:
• onmiddellik,
• oor 'n maand,
• oor 6 maande, en
• aan die einde van julle verblyf - ongeveer 'n week voor julle na
die hede terugkeer.
Dink veral aan kos en skuiling en spesifiek aan hoe julle die kos
bymekaar gaan maak, preserveer en verwerk. Onthou, julle mag
niks saamneem wat anorganies is nie, dus geen knipmesse, nylontou
of selfs vuuraanstekers nie!
Ontwerp en maak die volgende items wat julle kan maak en
gebruik wanneer julle daar aankom.
58 Lewe en Lewenswyse