Onderwysersgids - The Thunderbolt Kids

4 Voedselverwerking
56
SLEUTELVRAE
• Hoe verleng ons die raklewe van kos?
• Is dit moontlik om te verhoed dat kos vrot word?
• Wat kan jy doen om te verhoed dat bakterie en kieme in kos
beland?
ONDERWYSERSNOTA
Bekendstelling van hierdie onderwerp
Hierdie onderwerp is deel van voedselwetenskap wat 'n
opwindende deel van Wetenskap vorm en chemie, biologie en
fisika insluit in 'n alledaagse konteks.
Herinner die leerders daaraan dat die werk vir hierdie kwartaal
fokus op hoe voedsel deur fotosintese geproduseer word en die
belangrike rol wat plante in die proses speel. Daarna het ons na
voeding en die belangrikheid van 'n gebalanseerde dieet gekyk
voor ons die siektes en gesondheidsprobleme van 'n swak dieet
bespreek het. In hierdie hoofstuk gaan ons kyk na
voedselverwerking en hoe die mens maniere gevind het om kos
langer vars en gesond te hou.
Hierdie is 'n uitstekende webwerf vir lesplanne en
ondersteuningsmateriaal: 1
4.1 Hoekom het ons voedselverwerking
nodig?
Mense verwerk voedsel al duisende jare lank. Voor die uitvinding
van die yskas en vrieskas moes mense kos in die somer bymekaar
maak en dit bewaar vir die winter wanneer kos baie keer skaars
was. Hulle het uitgevind dat hulle kosse soos vleis en vis kon
preserveer deur dit te sout, in speserye te laat lê en dan te droog -