Onderwysersgids - The Thunderbolt Kids

In sulke gevalle sal mense enigiets eet wat beskikbaar is en dit lei
tot 'n ongesonde dieet.
'n Ongesonde dieet kan aanleiding gee tot baie
gesondheidsprobleme, aangesien die liggaam nie die regte
hoeveelhede van die verskillende voedselsoorte inkry nie en die
liggaam gevolglik nie behoorlik kan funksioneer nie.
Sommige siektes en toestande
ONDERWYSERSNOTA
Dit is nie nodig dat die leerders die verskil tussen 'n siekte en 'n
toestand ken nie, maar in die algemeen verwys 'n siekte na 'n
afwyking van die normale funksionering van die liggaam of orgaan.
'n Toestand, daarenteen, is 'n breër term en verwys dikwels na die
toestand waarin iets is.
Dikwels kry ons siektes en toestande omdat ons liggame nie die
nodige voeding inkry nie. Sommige van hierdie siektes is:
• Tandverrotting: Wanneer jy te veel suiker eet of drink, maak
die bakterië in jou mond sure wat die tandoppervlak (genoem
emalje) wegvreet en gaatjies vorm.
Te veel lekkers kan gaatjies in jou
tande veroorsaak. 1
Onthou om jou tande te borsel om
tandverrotting te voorkom! 2
• Ragitis: Dit is 'n toestand wat meestal by babas en kinders
voorkom. Wanneer kinders nie genoeg vrugte en groente en
genoeg vitamien Dinkry nie, kan hulle liggame nie kalsium
absorbeer nie en kan hulle nie sterk bene vorm nie.
Hoofstuk 3. Voeding
51