Onderwysersgids - The Thunderbolt Kids

Hierdie voedselpiramide is buite proporsie in vergelyking met
die vorige een en het nie meer die vorm van 'n piramide
nie. Dit is omdat hierdie persoon baie meer vette en olies
eet in vergelyking met die hoeveelheid in 'n gesonde dieet.
Die hoeveelhede vleis en suiwelprodukte is omtrent dieselfde.
Daar is egter 'n tekort aan vrugte en groente in hierdie
dieet. Dit is baie ongesond aangesien die persoon nie genoeg
vitamiene en minerale deur hierdie dieet inkry nie.
Ander gesinne moet eet wat hulle kan bekostig. Hulle het nie die
voorreg om te kies hoe hulle voedselpiramide lyk nie, maar eet net
wat hulle met hulle klein inkomstes kan bekostig. Dit bestaan
meestal uit koolhidrate en sommige groentes en sluit selde vleis en
genoeg proteïene en ander vitamiene in.
Kom ons kyk na die oorsake van 'n swak, ongesonde dieet en dan
na moontlike siektes wat hieruit kan voortspruit.
Oorsake van 'n swak dieet
Daar is baie oorsake van 'n swak dieet.
1. Siektes en infeksies: Wanneer mense 'n kroniese siekte soos
MIV/vigs het, is hulle vir 'n baie lang tydperk siek. Hulle
liggame verswak en hulle kan nie voeding inneem van die kos
wat hulle wel inkry nie en dit lei tot 'n swak dieet.
2. Dieetkundige praktyke: In baie lande het mense 'n voorkeur
vir sekere kossoorte, byvoorbeeld rys, stampmielies of
mieliemeel. Hulle eet baie van hierdie spesifieke kossoort en
kry nie genoeg proteien of vette en olies in nie. Veral in
ontwikkelende lande kan hulle dikwels nie ander kossoorte
bekostig nie. Sommige families in ontwikkelde lande eet uit
eie keuse nie genoeg vrugte en groente nie en eet baie
verfynde koolhidrate wat ook tot siektes kan lei.
3. Armoede en hoë kospryse: Armoede en hoë kospryse
verhoed baie mense om kossoorte soos melk, vleis, pluimvee
(soos hoender) en vrugte te geniet. Dit het dit bykans
onmoontlik gemaak vir arm gesinne om sekere voedselsoorte
te bekostig. Sommige gesinne kan slegs een tipe
voedselsoorte bekostig.
4. Voedseltekort: In lande waar droogte voorkom, swak
boerderykennis en praktyke toegepas word, en daar 'n gebrek
aan tegnologie is, word die opbrengs van boerderygewasse
en kuddes diere belemmer en dit lei tot hongersnood. Dit lei
tot 'n voedseltekort in daardie land.
50 Lewe en Lewenswyse