Onderwysersgids - The Thunderbolt Kids

5. Kan jy voorspel wat met Rajesh sal gebeur as hy met hierdie
dieet volhou?
Indien hy nie reeds oorgewig is nie, sal hy binnekort oorgewig
wees en hy sal ander probleme wat hiermee gepaardgaan,
ontwikkel - suikersiekte, velprobleme, seer gewrigte, ens.
6. Noudat jy die verskillende voedselsoorte wat Rajesh in 'n
week eet, opgetel het, dink jy hy volg 'n gebalanseerde dieet?
Hoekom sê jy so?
Rajesh se dieet is nie gebalanseerd nie, want hy eet nie die
regte hoeveelhede kos van die verskillende voedselgroepe nie
en daarom dink ek nie sy dieet is baie gebalanseerd nie.
7. Dink jy Rajesh is 'n baie aktiewe persoon? Hoekom sê jy so?
Hy lê die meeste middae voor die TV en sy enigste buitemuurse
aktiwiteit is orkesoefening wat nie veel energie vereis nie.
Binneshuise hokkie een keer per week is waarskynlik nie
genoeg oefening nie.
8. Wegneemetes is bekend daarvoor dat dit baie vette en olies
bevat, aangesien restaurante dikwels hulle kos in diep vet
voorberei. Rajesh en Farrah se gesin kry twee keer per week
wegneemetes en die ma kook twee keer. Vergelyk die
gekookte maaltye met die wegneemetes en fokus spesifiek op
die hoeveelheid olie wat gebruik is om die kos in voor te berei.
Die bolognaise en gebakte hoender is heel waarskynlik tuis
voorberei terwyl die pizza en die groot houer hoender heel
waarskynlik wegneemetes was. Die maaltyd met die gebakte
hoender het baie groente ingesluit en die bolognaise het
wortels in die maalvleis gehad wat tradisioneel in baie huise is.
Hierdie maaltye is baie gesonder as die olierige hoender of
pizza wat hulle geëet het omdat hulle minder olies en meer
groente bevat.
9. Watter raad sal jy vir Farrah gee om vir haar broer te gee?
Leerders behoort iets in te sluit rakende die gebruik van 'n
meer gebalanseerde dieet wat meer vars vrugte en groente en
minder vette, suikers en olies bevat. Rajesh moet minder
suiker in sy warm drankies drink, hy moet altyd soggens
ontbyt eet, hy moenie haastig wees wanneer hy eet en kos by
die snoepie koop nie. Rajesh moet ook meer aktief word en
nie elke middag net voor die TV lê nie. Farrah en haar broer,
Rajesh, moet dit ook oorweeg om met hulle ouers te praat oor
die maaltye wat hulle saans eet. Hulle moenie so baie
wegneemetes eet nie en die ouers moet ook verantwoordelik
wees vir wat hulle kinders eet.
Hoofstuk 3. Voeding
45