Onderwysersgids - The Thunderbolt Kids

VRAE
1. Deur net hierdie tabel met Rajesh se weeklikse dieet deur te
lees, dink jy hy volg 'n gebalanseerde dieet? Hoekom sê jy so?
Assesseer die leerder se vermoë om gevolgtrekkings te maak
na aanleiding van die gegewe data. Om verskeie redes volg
Rajesh nie 'n gebalanseerde dieet nie. Hy eet baie suikers,
olies en vette in die lekkers, Coke, wegneemetes en suiker in
sy warm drankies. Hy eet ook baie stysel, maar nie baie vrugte
en groente nie.
2. Kom ons gebruik nou ons kennis van 'n voedselpiramide om
te bepaal hoe gesond Rajesh se dieet vir die week was.
Gebruik die telmetode om rekord te hou van alles wat hy
geëet het: maak een vertikale strepie vir elke item wat jy tel
en wanneer jy by die vyfde item kom trek 'n horisontale
strepie deur die ander vier. Dit maak dit maklik om in vywe te
tel en dan die origes aan die einde by te tel.
Totaal Vette
en Olies
Totaal
Proteïene
ONDERWYSERSNOTA
Totaal
Vitamiene &
Minerale
Totaal
Koolhidrate
Waarsku die leerders om klein telmerkies te gebruik, want anders mag
hulle dalk te min spasie hê. Hierdie aktiwiteit is nie bedoel om
wetenskaplik akkuraat te wees nie. Indien hulle egter elke keer wat
'n kossoort genoem word en vir elke lepel suiker een merkie maak,
werk dit goed uit om aan te dui hoe ongesond Rajesh eet.
3. Maak 'n lys van die dae en tye wat Rajesh vrugte of groente
geëet het.
Maandag het Rajesh wortels in die spaghetti bolognaise
gehad en Donderdag het hy slaai en botterskorsie saam met
sy maaltyd gehad.
4. Watter belangrike voedselgroep ontbreek in Rajesh se dieet
as hy nie genoeg vrugte en groente eet nie?
Hy sal nie genoeg vitamiene en minerale inkry nie.
44 Lewe en Lewenswyse