Onderwysersgids - The Thunderbolt Kids

1.3 Plante en lug
Alle plante en diere benodig suurstof om te lewe en hul
lewensprosesse uit te voer.
Gedurende die dag en nag neem diere suursof in en asem
koolstofdioksied uit. Die suurstof stel energie van die voedsel in
die liggaam vry vir die lewensprosesse.
VRAE
Kan jy onthou wat die sewe lewensprosesse van alle lewende
dinge is? Skryf hulle hieronder neer.
Beweging, voortplanting, sintuiglikheid, voeding, uitskeiding,
asemhaling, groei.
Net soos enige ander lewende wese, gebruik plante suurstof
gedurende die dag en nag. Die plante gebruik suurstof om te groei
sowel as vir die ontwikkeling van byvoorbeeld nuwe plante, sade,
blare en lote. Daarom vervaardig hulle ook koolstofdioksied as 'n
afvalproduk sodra die suurstof gebruik is.
Plante fotosinteer nie gedurende die nag nie omdat daar nie
sonenergie beskikbaar is om dit te doen nie. Daarom benodig hulle
slegs koolstofdioksied gedurende die dag vir fotosintese.
Hierdie siklus van suurstofvervaardiging en gebruik, en
koolstofdioksied gebruik en vervaardiging, is baie belangrik vir
lewe op aarde.
AKTIWITEIT: Die suurstof- en koolstofdioksiedsiklus.
AANWYSINGS
1. Bestudeer die volgende illustrasie noukeurig.
2. Beantwoord die vrae wat volg.
20 Lewe en Lewenswyse