Onderwysersgids - The Thunderbolt Kids

AKTIWITEIT: Die jodium-styseltoets.
Nota: Daar sal NIE geproe word in hierdie aktiwiteit nie.
MATERIALE
• jodium
• dieselfde kos wat in die proetoets gebruik is (genommer 1-10)
• sluit ook ander kossoorte soos kaas en 'n gekookte eier in
AANWYSINGS
1. Skryf die kossoort of plantproduk wat jy kies in die eerste
kolom hier onder.
2. Jy gaan nou toets of hierdie kossoort 'n stysel is of nie.
Wanneer die jodiumoplossing blou-swart van kleur raak, sal jy
weet dat dit 'n stysel is.
ONDERWYSERSNOTA
Verduideliking van waarom stysel blou-swart raak wanneer jodium
daarmee in aanraking kom: Stysel is saamgestel uit
glukosepolimere. Lang liniêre kettings word amilose genoem.
Amilose vorm 'n struktuur wat soos 'n hol buis lyk. Sekere
molekules, insluitende jodium, kan binne-in hierdie buis vassit. Die
samestelling van die jodium wat hier vassit, vorm die kenmerkende
blou-swart kleur. Die stysel self word nie verander nie. BELANGRIK:
Hierdie verduideliking is nie noodsaaklik vir die leerders nie, maar
dit is nodig om te verduidelik dat die jodium met die stysel reageer
om die blou-swart kleur te vorm.
3. Gebruik 'n drupper om jodiumoplossing op elke voedselgroep
te drup.
4. Plaas 'n regmerkie langs elke voedselgroep wat blou-swart
van kleur raak - dit is 'n stysel. Plaas 'n kruisie langs die
voedselgroep wat bruin bly -hierdie is nie 'n stysel nie.
18 Lewe en Lewenswyse