Onderwysersgids - The Thunderbolt Kids

Filtrering is 'n goeie manier om onoplosbare stowwe uit water te
verwyder. Groot stukke onoplosbare stowwe kan ook uit die water
gesif word.
AKTIWITEIT: Ontwerp, maak en evalueer 'n filter.
ONDERWYSERSNOTA
Hierdie is die eerste keer hierdie jaar dat leerders 'n
tegnologieprojek doen. In Graad 6, dus sal uwaarskynlik nodig hê
om hulle aan die ontwerpproses wat in tegnologieprojekte gevolg
word, te herinner. Die eerste deel is om die behoefte te identifiseer,
en in hierdie projek is 'n situasie geskep waar die Thunderbolt
Kids 'n kampeeruitstappie beplan en die Graad 6 klas genooi het
om saam te kom. Maar daar is geen skoon drinkwater by die
kampeerterrein waarnatoe hulle wil gaan nie. Hulle kan ook nie
genoeg water vir almal saamdra nie. Gebruik hierdie situasie om
die behoefte vir die ontwerp van 'n filter te skep, wat hulle saam
met hulle op die kampeeruitstappie kan neem.
Ons volg die OOMEK-stappe in die ontwerp-proses.
O staan vir Ondersoek die probleem wat sommige mense het,
deur bestaande produkte, sowel as konsepte en vaardighede wat
nodig is om die probleem (naamlik om water te suiwer), te
ondersoek. Moedig leerders aan om filtreringsmetodes soos die
gebruik van sand, watte, wol en houtskool, te ondersoek.
O staan vir Ontwerp Dit beteken om te gebruik wat jy geleer het
uit die ondersoek, om aan goeie maniere om 'n filter te ontwerp te
dink.
Hoofstuk 6. Prosesse om die water te suiwer
197