Onderwysersgids - The Thunderbolt Kids

2. Ontwerp 'n plakkaat vir jou Graad 4-maats om die proses van
fotosintese aan hulle te verduidelik. Jy kan sinne en kort
paragrawe gebruik, maar maak seker dat jy van baie
illustrasies gebruik maak.
ONDERWYSERSNOTA
In Graad 5 is daar gekyk na grond - veral die gronddeeltjies en
watter tipes grond die beste is vir plantegroei. Dit sal egter
waardevol wees om in hierdie afdeling klem te lê op grond en 'n
bespreking te hê oor waaruit grond bestaan, naamlik organiese en
anorganiese materiaal, water, lug, rots en sand. Waar moontlik kan
voorbeelde van verskillende tipes grond na die klas gebring word
(soos leemgrond, klei en seesand). Laat die leerders die grond
aanraak, voel en verken waaruit grond bestaan.
1.2 Voedsel uit fotosintese
Fotosintese is die proses in plante wat die energie van sonlig
verander na 'n vorm van energie wat diere kan eet en gebruik om
hulle eie prosesse uit te voer.
Plante verander glukose in stysel, byvoorbeeld mielies (mielies en
mielieblom), rys (rysmeel en rys) en koring (meel).
Plante berg hierdie voedsel in verskillende dele van die plant wat
deur diere geëet kan word. Plante kan dit berg in hul blare, stingels
of wortels, blomme, vrugte of sade.
VRAE
Kyk na die volgende voorstellings van verskillende
plantprodukte. Identifiseer by elke voorstelling watter deel van
die plant ons eet (byvoorbeeld: Wanneer ons 'n appel eet,
eet ons die stingel, die wortel, die vrug of die saad van die
plant?) Gebruik die spasie hieronder om 'n tabel te teken van
jou antwoorde.
12 Lewe en Lewenswyse