Onderwysersgids - The Thunderbolt Kids

ONDERWYSERSNOTA
Voordat die volgende aktiwiteit gedoen word, word dit aanbeveel
dat u die PowerPoint-voorlegging aan die leerders wys: goo.gl/tPymV
Indien dit nie moontlik is nie, kan die voorlegging in gedrukte
formaat aan die leerders gegee word.
AKTIWITEIT: Bestudeer die verskillende vleilande in
Suid-Afrika.
MATERIALE
• pamflette, plakkate en enige ander leesstof oor vleilande
• boeke of ander leesmateriaal van die huis af, of gedrukte
bladsye vanaf die internet
• plakkaatmateriale: karton, gom, kleurpotlode, skêr, prente,
ens.
ONDERWYSERSNOTA
Organiseer 'n besoek aan 'n natuurreservaat om 'n vleiland van
naderby te bestudeer, of nooi 'n spreker vanaf 'n
natuurbewaringsgebied (soos SANParke) om met die klas oor
vleilande te praat. VOOR die besoek: Vra leerders om deur die
inligting wat na die skool gebring is, sowel as die boeke en
leesmateriaal in die klas, te lees. Vanuit hierdie inligting stel ten
minste 5 vrae op wat aan die natuurbewaringsbeampte gevra kan
word wanneer hy/sy die klas kom besoek, of wanneer die
natuurbewaringsgebied besoek word. Ten minste 2 van hierdie
vrae moet handel oor die gevare waaraan vleilande blootgestel is.
GEDURENDE die besoek Sê aan leerders om te ONTHOU om
notas te maak terwyl hulle na die natuurbewaringsbeampte luister.
NA die besoek: In hulle groepe moet leerders 'n plakkaat oor
vleilande maak deur gebruik te maak van die vrae om hulle te help.
NB. Indien u nie daarby uitkom om 'n vleiland te besoek nie, moet
leerders in elk geval die navorsingstaak voltooi deur die internet en
boeke te gebruik as bronne om die vrae te beantwoord en as 'n
plakkaat voor te lê.
186 Materie en Stowwe