Onderwysersgids - The Thunderbolt Kids

6. Herhaal hierdie eksperiment met sand -dit is wat gebeur in
die Namib- of Saharawoestyne.
a. Hoe lank het dit geneem vir die water om in die blombak in
te loop?
b. Waarom dink jy het dit so lank vir die water gevat om weg te
dreineer?
Sand hou water glad nie baie goed nie. Dit is waarom die water so
gou weggedreineer het.
VRAAG
1. Wat het jy omtrent die verband tussen plante en
waterdreinering in vleilande geleer deur hierdie eksperiment
te doen.
Leerderafhanklike antwoord
Vleilande is ook belangrik omdat hulle 'n habitat aan verskillende
plant- en dierspesies bied. Vleilande is belangrik as gevolg van
hulle biodiversiteit.
VRAE
Onthou jy dat jy habitatte in Graad 4 en Graad 5bestudeer
het? Wat word deur 'n habitat aan 'n organisme verskaf?
'n Habitat verskaf voedsel, water, skuiling, 'n plek om kleintjies
groot te maak, 'n plek om van roofdiere af weg te kruip.
Bespreek met 'n maat hoe julle die term ”biodiversiteit”
verstaan, en skryf dit hieronder neer.
Biodiversiteit verwys na die verskeidenheid organismes (plante
en diere) in 'n spesifieke gebied. 'n Gebied met 'n hoë
biodiversiteit sal baie verskillende plant- en dierespesies hê.
Laat ons nou 'n bietjie navorsing doen oor die vleilande in
Suid-Afrika en hul belangrikheid.
Hoofstuk 5. Mengsels en waterhulpbronne
185