Onderwysersgids - The Thunderbolt Kids

Drie unieke eienskappe van vleilande maak hulle baie belangrik.
1. Vleilande is soos reuse-sponse.
Vleilande versamel water en gaar dit op. Tydens 'n droogte,
wanneer daar nie veel reën is nie, kan hierdie opgegaarde water
riviere en strome help om aan te hou vloei sodat diere en plante
aan die lewe kan bly.
2. Vleilande vertraag vloedwater:
Water wat in vloed is, vloei so sterk en vinnig dat dit gevaarlik is.
Dit kan mense en diere laat verdrink en skade aan eiendom en die
omgewing aanrig, laasgenoemde onder andere deur gronderosie.
Vloedwater vloei stadiger wanneer dit 'n vleiland binnevloei,
omdat die vleiland 'n groot gebied is wat 'n groot hoeveelheid
water kan hou.
3. Vleilande is natuurlike filtrasiesisteme vir die suiwering van
water:
As water deur 'n vleiland vloei, word dit gefiltreer. Gronddeeltjies
en sedimente, voedingstowwe, sowel as besoedeling en
siekte-veroorsakende organismes wat die water ongesond maak,
word deur plante opgevang.
ONDERWYSERSNOTA
Met betrekking tot die filtrering van besoedeling kan slegs sekere
soorte en in sekere hoeveelhede gefiltreer word. Onoplosbare afval
soos plastiek moennie in 'n vleiland beland nie. Bakterieë en ander
gevaarlike organismes word geneutraliseer. Chemiese besoedeling
soos swaar metale word vasgevang, maar as hulle in te groot
hoeveelhede gekonsentreer raak, kan hulle slegs verwyder word
deur die plantmateriaal waarin hulle vasgevang is, te verwyder.
AKTIWITEIT: Maak van 'n model van 'n vleiland.
Onderwysersnota: Die rede om hierdie aktiwiteit te doen, is om
leerders te help verstaan hoe verskillende oppervlaktes, veral
182 Materie en Stowwe