Onderwysersgids - The Thunderbolt Kids

AKTIWITEIT: Dramatiseer die proses van fotosintese.
ONDERWYSERSNOTA
Berei voor vir hierdie aktiwiteit deur die verskillende benodigde
items bymekaar te maak. Die karakters het verskillende kleure
nodig om te identifiseer wat hulle voorstel: waarskynlik T-hemde
wat hulle oor hul klere kan aantrek, of andersins 'n serp, strik of
gekleurde papier wat hulle voor op hulle klere kan vasspeld. Foelie,
blinkers en tou is nodig vir die wortels. Vir die diere kan maskers
uit papierborde gemaak word. Sny gate uit vir die oë en maak om
die kop vas met 'n stuk tou. Leerders kan dieregesigte op die
voorkant teken.
AANWYSINGS
1. Jou onderwyser sal verduidelik hoe om die proses van
fotosintese te dramatiseer.
2. Karakters wat benodig word vir die dramatisering:
• Verteller - om die proses te verduidelik. Dit kan 'n onderwyser
of leeder wees. Dit mag 'n goeie idee wees om kort
aantekeninge te maak van die inligting hierbo sodat die
leerders kan onthou in watter volgorde die proses plaasvind.
• Son - hierdie leerder kan geel aantrek en miskien ou foelie of
blink papier gebruik om hul kop of lyf te versier om die lig en
hitte-energie te wys wat die son produseer.
• Plante - 'n paar leerders kan groen aantrek en miskien 'n paar
stringe tou aan hul voete vasmaak om die wortels voor te stel.
Hulle moet rys of blinkertjies in hul hande vashou om aan te dui
dat die water verdamp na fotosintese.
• Reën/water - 'n paar leerders kan blou aantrek en miskien rys,
blinkertjies, klein stukkies foelie of iets soortgelyks gebruik om
die reën wat val, voor te stel.
• Koolstofdioksied - speld tekens aan die leerder se bors vas,
wat lees "Koolstofdioksied". Die leerder kan pers aantrek.
• Suurstof - speld tekens aan die leerder se bors vas, wat lees
"Suurstof". Die leerder kan oranje aantrek.
10 Lewe en Lewenswyse