Onderwysersgids - The Thunderbolt Kids

INSTRUKSIES (deel 2)
Onthou jy die oplossing van suiker in water in die vorige hoofstuk?
Die volgende prent wys wat ons sou sien as ons onsself sou kon
laat krimp tot die grootte van water en suikerdeeltjies (molekule)
'n Oplossing van water- en suikermolekule (deeltjies)
Kyk mooi na die prent en beantwoord dan die volgende vrae:
VRAE
1. Hoekom is die suiker nie meer sigbaar nie? Gee 'n rede.
Die suiker verdwyn nie. Dit is nie meer sigbaar nie omdat die
suikerkristalle opgebreek het in die individuele suikermolekule
wat ons nie met die blote oog kan sien nie.
2. Hoe kan ons seker wees dat die suiker nie verdwyn het nie, en
dat dit steeds daar is?
Ons kan die suiker terug in kristalvorm kry deur al die water te
laat verdamp.
3. Hoe is die prent van die suiker- en watermengsel verskillend
van die prent van die vloeistof wat hieronder gewys word?
Die prent van suiker en water het twee soorte deeltjies. Die
prent van die vloeistof het net een soort deeltjie.
160 Materie en Stowwe