Onderwysersgids - The Thunderbolt Kids

HERSIENING
In die aktiwiteit Oplosbaar of onoplosbaar? het ons 'n paar stowwe
ondersoek, en gevind dat sand onoplosbaar is in water.
In dieselfde aktiwiteit het ons gevind dat suiker oplosbaar is in
water.
1. Kan jy onthou hoe om sand en water te skei? (Leidraad: Kyk
na die aktiwiteit Die meng van 'n vaste stof en 'n vloeistof.)
Skryf dit hieronder neer.
In die aktiwiteit “Die vermenging van 'n vaste stof en 'n vloeistof”
het ons gesien dat 'n mengsel van sand en water geskei kan
word deur die mengsel deur 'n papierhanddoek te gooi.
2. In die prent hieronder word 'n mengsel van sand en water
deur 'n filter gegooi. Wat word hierdie proses genoem?
Filtrering/filtrasie.
3. Hoekom bly die sandkorrels op die filtreerpapier agter, maar
gaan die water daardeur?
Die sandkorrels is te groot om deur die papier te gaan. Die
waterdeeltjies is baie klein en kan maklik deur die
filtreerpapier gaan.
Hoofstuk 3. Oplossings is spesiale mengsels
155