Onderwysersgids - The Thunderbolt Kids

BESOEK
Fotosintese video.
goo.gl/MxdUP
ONDERWYSERSNOTA
'n Uitstekende webwerf oor fotosintese:
http://www.realtrees4kids.org/sixeight/letseat.htm
Hoe vind fotosintese plaas?
Plante gebruik chlorofil, sonlig, water en koolstofdioksied om kos
te maak. Hier is 'n eenvoudige illustrasie om te verduidelik hoe die
proses plaasvind:
• Chlorofil vang die sonligenergie vas.
• Die energie verdeel die water in waterstof en suurstof.
• Die suurstof word in die lug in vrygestel.
• Die waterstof word saam met die koolstofdioksied gebruik om
glukose (suikers) te maak.
• Die suikers beweeg van die blare na ander dele van die plante
waar hulle geberg word.
• Die water in die plant se are vervoer die suikers. Sodra die
suikers die dele bereik waar dit geberg word, word dit in
stysel verander.
• Plante kan stysels in die volgende plekke berg:
– blare (kool, spinasie, blaarslaai)
– vrugte (appels, piesangs, perskes)
– stingel (suikerriet)
– sade (koring of mielies)
– blomme (kappertjies, broccoli en blomkool)
– wortels (wortels of beet)
8 Lewe en Lewenswyse