Onderwysersgids - The Thunderbolt Kids

3. Hoekom dink jy gebeur dit?
Dit is omdat die water verdamp of kook om waterdamp te
word. Die suiker kan nie verdamp nie, en bly as 'n vaste stof
agter om kristalle te vorm.
4. Watter metode dink jy werk die beste en waarom?
Leerder-afhanklike antwoord: Hulle kan sê koking omdat dit
vinniger is, of hulle kan sê verdamping omdat dit nie veel
apparaat soos 'n Bunsenbrander ens. verg nie.
GEVOLGTREKKINGS
Wat kan jy uit hierdie ondersoek aflei?
Noudat ons gekyk het na hoe om 'n opgeloste stof van 'n oplossing
te skei, het jy al ooit gewonder presies hoeveel suiker jy in water
kan oplos? Drink jy byvoorbeeld tee waarin jy suiker gooi? Hoeveel
teelepels suiker dink jy kan in 'n koppie tee opgelos word? In die
volgende afdeling gaan ons hierdie onderwerp ondersoek.
3.3 Versadigde oplossings
ONDERWYSERSNOTA
Verklaring van nuwe woorde:
• Oplos: Wanneer deeltjies van 'n opgeloste stof tussen die
deeltjies van 'n oplosmiddel verstrooi of versprei, sê ons die
opgeloste stoflos in die oplosmiddel op om 'n oplossing te
maak.
• Versadigde oplossing: Wanneer soveel opgeloste stof
opgelos het dat daar nie meer daarvan wil oplos nie, sê ons
die oplossing is versadig.
Veronderstel ons maak 'n koppie tee en ons sit 3teelepels suiker
in. Mmmm...lieflike soet, warm tee!
Hoofstuk 3. Oplossings is spesiale mengsels
147