Onderwysersgids - The Thunderbolt Kids

'n Oplossing is versadig wanneer die maksimum hoeveelheid
opgeloste stofin die oplosmiddel opgelos is.
Die belangrike idee om oor te dra is dat die opgeloste- en
oplosmiddeldeeltjies intiem vermeng is, met ander woorde hulle is
vermeng op die vlak van atome en molekule (deeltjies is die
verkose term vir leerders in hierdie stadium van hulle
kennisontwikkeling).
Een moontlike uitdaging met hierdie hoofstuk en die volgende een
(Oplossing) is dat die konsepte (oplossing, oplosbaar teenoor
onoplosbaar, ens.) amper onlosmaaklik aan mekaar gekoppel is,
wat dit moeilik maak om een konsep te verduidelik sonder om
woorde te gebruik wat eers in 'n latere afdeling verduidelik word.
Byvoorbeeld, dit is regtig moeilik om die konsep van 'n opgeloste
stof wat binne-in 'n oplosmiddel versprei te verduidelik sonder die
gebruik van die woord oplos (wat konseptueel in Oplossings
behandel word, maar eers baie later in die hoofstuk benoem
word). Die woord oplos sal in hierdie hoofstuk
bekendgestel word, maar spaarsamig gebruik word, en dan ook
net na die einde se kant toe om leerders gewoond te maak aan sy
gebruik en die manier waarop die konsep verband hou met ander
in die hoofstuk.
3.1 Oplossings
ONDERWYSERSNOTA
Let op die volgende definisies van nuwe woorde.
• Oplossing: 'n Homogene mengsel van twee of meer stowwe,
wat vastestowwe, vloeistowwe of gasse, of 'n kombinasie
hiervan kan wees.
• Oplosmiddel: 'n Stof waarin ander stowwe kan oplos.
• Opgeloste stof: 'n Stof wat oplos.
In die vorige hoofstuk het ons na mengsels gekyk. Ons gaan nou na
'n spesiale geval van mengsels, wat oplossings genoem word, kyk.
Hoofstuk 3. Oplossings is spesiale mengsels
133