Onderwysersgids - The Thunderbolt Kids

Dit is moontlik om materiale in baie verkillende kombinasies te
vermeng. In 'n mengsel verander die materiale wat vermeng is nie.
Hulle behou hulle individuele eienskappe. Soms is dit moontlik om
'n mengsel weer in sy afsonderlike materiale terug te skei.
SLEUTELBEGRIPPE
• 'n Mengsel bestaan uit twee of meer verskillende materiale
wat vermeng is.
• Somtyds kan mengsels weer in die afsondelike materiale
geskei word.
• Sommige van die maniere wat gebruik kan word om
mengsels te skei is: sifting, filtrering, handskeiding, en
afsakking gevolg deur dekantering.
• Wanneer 'n materiaal vanaf 'n vaste stof na 'n vloeistof
verander, word dit smelting genoem.
• Wanneer 'n materiaal 'n oplossing in 'n ander materiaal
vorm, word die proses oplossing genoem.
• Smelting en oplossing is twee verskillende prosesse.
HERSIENING
1. Wat is 'n mengsel?
'n Mengsel word gemaak wanneer ons twee of meer materiale
vermeng.
2. Lys ses verskillende maniere waarop vaste stowwe,
vloeistowwe en gasse gekombineer kan word om mengsels te
vorm.
Kombineer 'n vastestof met 'n vastestof.
Kombineer 'n vastestof met 'n vloeistof.
Kombineer 'n vastestof met 'n gas.
Kombineer 'n vloeistof met 'n vloeistof.
Kombineer 'n vloeistof met 'n gas.
Kombineer 'n gas met 'n gas.
130 Materie en Stowwe