Onderwysersgids - The Thunderbolt Kids

Met die inleiding van hierdie onderwerp kan die opvoeder die
leerders herinner aan onderlinge afhanklikheid wat in Graad 5
behandel is. Bespreek hoe diere en plante onderling afhanklik is
van mekaar: plante produseer voedsel en suurstof vir diere, terwyl
diere, sodra hulle doodgaan, verrot en voedingstowwe in die grond
terugplaas vir plante en koolstofin die lug vrystel om die
koolstofsiklus voort te sit.
1.1 Plante en kos
Groen plante is net soos fabrieke! Hulle maak kos vir hulleself en
vir elke dier op aarde en gebruik sonligenergie, water en die gas
koolstofdioksied. Hulle hersirkuleer die lug en maak suurstof sodat
ons kan asemhaal.
VRAE
1. Wat gebeur in 'n fabriek? Waarom dink is ons plante soos
fabrieke?
'n Fabriek is 'n plek waar goedere of produkte
gemaak/aanmekaargesit/geproduseer word en dan
by ander plekke afgelewer om gebruik te word. Plante
word daarom as fabrieke beskou, want hulle gebruik rou
materiaal om nuwe produkte (kos) te maak.
2. Waarom kan ons sê dat plante kos vir hulself en elke ander
dier op aarde maak?
Plante maak kos vir hulself en plante is die begin van die
voedselketting. Daarom maak alle diere - of dit herbivore
is wat plante direk eet, of karnivore wat die herbivore eet
- staat op plante vir kos.
Wetenskaplikes het uitgevind presies hoe plante in staat is om al
hierdie dinge te doen. Kom ons kyk van naderby hoe
wetenskaplikes dit uitgevind het en kyk hoe plante vir hulself en vir
ons kos maak.
Hoofstuk 1. Fotosintese
5