Onderwysersgids - The Thunderbolt Kids

6. Verduidelik wat gebeur het met die oorspronklike, inheemse
diere wat op die gebied geleef het nadat die veeboere
aangekom het?
Omdat die oorspronklike diere nie die natuurlike plantegroei
waaraan hulle gewoond was kon vind nie, het hulle óf honger
gely of die gebied verlaat.
7. Kan jy voorspel wat sou gebeur het as die mense nie die
manier waarop hulle die land gebruik, het verander het nie?
Die land sou 'n dor en verlate plek geword het, sonder enige
plantegroei en dit sou baie min gereën het. Die kosbare
bogrond sou geërodeer het en die landskap sou 'n woestyn
geword het.
8. Watter faktore moes hulle verander om hul grond te beskerm
en te bewaar?
Hulle het die troppe vee wat oorbewei het, verwyder en
vervang met die oorspronklike diere wat in daardie gebied
gelewe het. Hulle het ook die natuurlike, oorspronklike
plantspesies wat daar gegroei het, herplant om voedsel vir die
diere te voorsien. Hulle het toe die gebied as 'n
eko-vriendelike toeriste-aantreklikheid geadverteer en het
baie geld van die toeriste gemaak, eerder as van die
vernietiging van die platteland.
9. Wat sou uiteindelik gebeur het as die boere gewasse geplant
het in plaas van om die beeste en bokke te verwyder?
Die grond sou waarskynlik nie die gewasse baie lank gesteun
het nie en die boere sou baie kunsmis (waarskynlik ook giftige
plaagbeheer) moes gebruik en sou gevolglik die omgewing
vernietig.
10. Watter keuses moet jy maak of wat moet jy in jou
gemeenskap verander of verbeter om soortgelyke
vernietiging van die omgewing te verhoed?
Hierdie is konteksspesifiek, maar die leerders moet
beoordelings en kreatiewe probleemoplossingsvaardighede
toon om met goeie aanbevelings vorendag te kom om hul eie
gemeenskappe te red.
100 Lewe en Lewenswyse