Die ATKV Die ATKV is 'n kultuurorganisasie wat die Afrikaanse taal ...

Die ATKV
Die ATKV is ’n kultuurorganisasie wat die Afrikaanse taal en kultuur beleef, uitleef en
laat voortleef!
Ons laat die tonge klap, die poppe dans en die biesies bewe, als in Afrikaans, vir
Afrikaans want dis Afrikaans!
Die ATKV is innoverend en dinamies. Ons is oopkop en jonk van gees, soos wat ’n
mens móét wees as jy wil byhou in ’n wêreld wat teen die spoed van lig verander.
Die ATKV woeker al meer as 82 jaar kreatief, doelgerig en prakties met die
Afrikaanse taal en kultuur op ’n magdom terreine. Ons fokus veral op taal, die
kunste, gemeenskap, asook die onderwys. Ons staan ons plek in die gemeenskap
vol met meer as 200 000 lede en bykans 300 takke.
Boonop bedryf die ATKV landswyd meer as 35 nasionale kultuurprojekte waarby
meer as 500 000 mense jaarliks betrokke is en meeding om amper ’n halfmiljoen
rand se totale prysgeld!
ATKV-visie en missie
Vir die ATKV is die Afrikaanse taal, kultuur, kennis en kreatiwiteit onmisbaar deel
van ʼn suksesvolle Suid-Afrika.
Daarom sal die ATKV ʼn onderneming bedryf ten einde op ʼn volhoubare wyse sosiale
en ekonomiese vooruitgang te kweek;
deur:
die Afrikaanse taal uit te bou;
ʼn Afrikaanse kultuurtuiste te bied;
relevant en geloofwaardig te wees;
ontwikkelings- en opleidingsgerig te wees;
netwerke te vestig en uit te bou;
ekonomies kragtig en volhoubaar te wees;
inklusief te wees;
eietyds en dinamies te wees; en
die ATKV-handelsmerkwaarde te koester.
ATKV-opdrag
Die ATKV bedryf die Afrikaanse taal en kultuur op ’n kreatiewe en inklusiewe wyse.
ATKV-waardes
Die ATKV word gekenmerk deur die Christelik-Bybelse grondslag.
Die ATKV bedryf aktiwiteite volgens gesonde sakebeginsels.
Die ATKV is verbind tot goeie korporatiewe bestuur.
Die ATKV se besluitneming en optrede is gebaseer op die etiese waardes van
verantwoordelikheid, aanspreeklikheid, billikheid, deursigtigheid, respek,
gelykheid en menswaardigheid.

ATKV-Projekte
Die ATKV woeker op kultuurgebied met ʼn verskeidenheid projekte in vier
fokusareas. Dit sluit in:
Taal:
Redenaarskompetisies en werkswinkels vir skoliere en studente
Debatskompetisies en werkswinkels vir skoliere en studente
Media- en Woordveertjies ter erkenning van uitnemendheid
Afrikaans Olimpiade, ʼn nasionale toets vir taalvaardigheid
Kinderboekskryfskole
Leesprojek en -kompetisie vir geletterdheid
Kinderboektoekenning waar kinders die beoordeling doen
Betrokkenheid by US se WOW (Woorde open Wêrelde) projek
Kunste:
Crescendo, 'n kompetisie vir ligte musiek
CrescendoKreatief, ʼn ligteliedjieslypskool
Muziq, ʼn kompetisie vir jong instrumentaliste
Muziqanto, klassiekesangkompetisie
Animato, ‘n internasionale koorkompetisie vir streek- en jeugkore
Applous skoolkoorkompetisie
KomposisieKompetisie vir nuwe koorwerke
Koorleierswerkswinkels
Tienertoneelkompetisies asook toneelkursusse
Prys vir die skep van nuwe toneelteks
ATKV-Kunsversameling
Skilder met Woorde, I, II en III, 'n multi-sintuiglike ervaring
Filmfundi, 'n blitskursus in filmkuns
Betrokke by die jaarlikse kykNet Silwerskerm Filmfees
Studenteaanbiedinge vir die ondersteuning van kultuuraktiwiteite op
kampusse
Sêrkompetisies op universiteitskampusse
Rieldans wat ʼn tradisionele dans behou en uitbou.
Betrokkenheid by, en borgskap van die nasionale kuntefeeste ABSA KKNK,
Clover Aardklop, Vryfees, US Woordfees, Innibos en Grahamstad
Kunstefees
Onderwys:
Postmatriek, ʼn jaarlange wegbreek vir jongmense
Jeugberaad vir Gr11 hoëprofieldenkers om horisonne te verbreed
Jeugleiersimposiums vir verkose senior leiers van skole
Algemene leierontwikkeling vir die leerders by hul skole
Bevordering van meertaligheid
Spelkompetisies vir verskillende grade
Skitter Afrikaans, slypskole vir Afrikaans-onderwysers
Studiewenke deur middel van gemeenskapradio

Hoop vir opvoeders, ʼn motiveringsessie
Kopskuif, bestuursopleiding en motivering van onderwysers
Beheerliggaamopleiding in samewerking met FEDSAS
Sterskoletoekennings vir skole met ʼn beduidende verbetering
inmatriekuitslae
Gemeenskap:
Ave Maria produksie, ʼn unieke musiekproduksie gebaseer op die musikale
samevloeiing van komposisies met “Ave Maria” of “Halleluja” as titel
Spirito. ’n Unieke musiekproduksie gebaseer op Amerikaanse “spirituals”,
vermeng met Afrikaans, Kaaps-Maleis en Afrika
Christusfeeste. Die doel van die feeste is om die vreugde van die Christuskarakter
met medegelowiges uit te bou.
Rapport ATKV-korekompetisie in die Wes-Kaap vir plaaskore, sang-groepe,
kamerkore en gemengde kore
Abbasorg, armoedeverligting
Handevat vir ontwikkelingsprojekte in skole
Rieldansopleiding
Studente se Joolaktiwiteite
Bevordering van entrepreneurskap in die kunste in samewerking met
Artéma van NWU
Betrokkenheid by Oesfees en Suidoosterfees
Erfenisbewaring
Gaan-groen, die aanlê van groetetuine by skole
ATKV-lede
Baie dankie dat jy aangesluit het by hierdie familie. Jou ledegeld stel ons in staat om
die taal en kultuur te bevorder deur middel van bogenoemde projekte. Lidmaatskap
geld tot so ʼn stadium as wat die lid skriftelik kanselleer.
Toelating tot lidmaatskap
Die ATKV bied lidmaatskap aan vir die hele gesin. Die gesinslede moet hulle kan
vereenselwig met die grondwet en waardes wat geld vir die ATKV. Die ATKV behou
hom die reg voor om te eniger tyd sy voordele te wysig of te kanselleer. Hierdie
wysiging of kansellasie sal van krag wees sodra ’n skriftelike kennisgewing in die
Taalgenoot en op die ATKV- webwerf gepubliseer is.
Meewerkende lede
Die ATKV bied ook meewerkende lidmaatskap aan lede wat nie van die voordele wil
gebruik maak nie. Sulke lede is dié wat by ATKV-takke betrokke is, veral leerders
wie se ouers nie lede is nie. Hierdie lede kwalifiseer dus nie vir enige van die
voordele nie en hul ledegeld is ook dienooreenkomstig verminder.
ATKV-takke
Kultuur is mos ’n ding wat geleef moet word. As jy graag saam met mense wil kuier
wat soos jy oor kultuur voel, is jy welkom om by ’n ATKV-tak in jou omgewing in te
skakel. Daar kan jy en jou gesin na hartelus saamkuier, saam nuwe dinge leer en
saam uiting gee aan jou kultuurpassie.

Die ATKV-takke gee op grondvlak vrye teuels aan kultuur deur onder meer die
inisiëring van kreatiewe projekte wat fokus op taal, die kunste, die onderwys en
gemeenskappe (wat insluit die omgewing en sosiaalmaatskaplike sake, asook die
bewaring van ons kultuurerfenis).
Die nagenoeg 300 takke is in 8 streke verdeel wat elk deur ‘n opgeleide
projekbestuurder, genaamd ‘n streeksorganiseerder, ondersteun word. Hierdie takke
loods jaarliks gesamentlik nagenoeg 1000 projekte op plaaslike vlak.
Om in te skakel by die werksaamhede van jou plaaslike ATKV-tak skakel gerus die
ATKV se takafdeling by 011 919 9000 of jou naaste streeksorganiseerder. Besoek
gerus ons webwerf vir hul kontakbesonderhede.
Voordele vir lede
Die grootste voordeel wat ’n lid geniet is om rustig te wees in die wete dat ons
namens hom of haar die Afrikaanse taal en kultuur op nasionale vlak bevorder en
aan hom/haar die geleentheid bied om in die pret te deel!
Ad hoc- voordele
Die ATKV poog deurlopend om vir sy lede kultuurvoordele te beding. Hierdie
voordele is gewoonlik vir beperkte tye beskikbaar soos byvoorbeeld spesiale
afslag op produksies, musiekaande en ander aktiwiteite. Sulke aanbiedinge word
op ons webwerf gelys. Ons stel ook ons lede daarvan in kennis deur middel van
e-pos en SMS’e.
Die Taalgenoot
Lede ontvang elke kwartaal gratis die ATKV-tydskrif, die Taalgenoot (TG).
Hierdie pragpublikasie het reeds verskeie toekennings vir sy inhoud ingepalm en
bestaan uit ’n verskeidenheid artikels en nuusberigte oor al die kultuuraktiwiteite
waarby die ATKV landswyd betrokke is.
Tersaaklike rubrieke en aktuele oorsigte is aan die orde van die dag, asook
fokusartikels oor mense wat in die brandpunt van Afrikaans en sy
kultuurdampkring staan.
TG dien ook as amptelike spreekbuis van die ATKV. Die inhoud skets ’n
kleurvolle prentjie van die Afrikaanse taal, kultuur, leefstyl en gemeenskappe.
Terugvoer oor die ATKV se werksaamhede, standpunte oor aktuele sake,
kennisgewings soos die verhoging van ledegeld, inligting oor die ATKV se
algemene jaarvergadering en ATKV-voordele word ook deur middel van hierdie
tydskrif aan die lede oorgedra.
Individue wat nie ATKV-Iede is nie kan ook inteken op TG. Die intekengeld is op
aanvraag beskikbaar, asook by http://www.mysubs.co.za/Taalgenoot.
Sluit ook aan by TG se Facebook-blad: www.facebook.com/taalgenoot.
Om te verseker dat jy elke kwartaal jou TG ontvang, is dit noodsaaklik dat jou
kontakbesonderhede by hoofkantoor korrek is. Adresveranderings moet asseblief
aan die ATKV verskaf word. Besoek gerus ons webwerf by www.atkv.org.za vir
adresveranderings.

Hoezit!
Die ATKV gee ook ’n Afrikaanse tydskrif vir laerskoolkinders uit. Hoezit! bestaan
sedert Maart 2008 en is landswyd op winkelrakke beskikbaar.
Hoezit! gesels met ouens en meisies tussen 8 en 14 jaar. Lesers kan uitsien na
nuus oor hul gunstelingsterre, -musiek en -flieks, interessante inligting oor die
wêreld, kulture, diere en tegnologie, raad oor hulle emosionele welstand, soos
hoe om boelies te benader, en artikels wat hulle kan help met skooltake.
Daar is ook pretdinge soos woordspeletjies en sudoku's vir ure se vermaak.
Hoezit! wil graag elke Afrikaanssprekende kind aan die lees kry, en ander lesers
lus maak om die taal te leer! ATKV-lede kry afslag as hulle inteken op Hoezit!
Hoezit! is ook aanlyn beskikbaar by http://www.mysubs.co.za/Hoezit.
Sluit ook gerus aan by ons Facebook-blad: www.facebook.com/ATKVHoezit.
Boekvoordeel
Lekker Afrikaanse boeke is deel van ons kultuur en daarom word daar jaarliks
gekyk na ’n boekvoordeel wat lesers kan geniet. Die doel van hierdie voordeel is
om lees te bevorder. Hou jaarliks hier teen die derde kwartaal die TG dop om
seker te maak dat u die boek van u keuse bestel.
Studielenings
’n Beperkte aantal studielenings word aan ATKV-Iede en hul afhanklike kinders
toegeken vir studie aan ’n goedgekeurde tersiêre instelling. Aansoeke word
geëvalueer waarvolgens punte toegeken word vir byvoorbeeld akademiese en
kulturele prestasie, sportdeelname en finansiële behoeftes.
Die studielening beloop ’n maksimum bedrag van R15 000 per jaar vir die
studietydperk. Uitbetaling is onderhewig aan die suksesvolle afhandeling van die
betrokke studiejaar se voorgeskrewe vakke.
Rente op die studieleningsbedrag is maandeliks betaalbaar en word bereken
teen drie persent gedurende die tydperk van studie (agt persent vir deeltydse
studie) en agt persent ná verstryking van die studietydperk.
Die terugbetaaltydperk is een en ’n half keer langer as die aanvanklike minimum
voorgeskrewe studietydperk. Die administrasieheffing word ingevolge die
Nasionale Kredietwet gehef terwyl versekering met betrekking tot doodsdekking
ook gehef word.
Aansoekvorms is jaarliks teen Julie by die ATKV-hoofkantoor beskikbaar.
Volledig ingevulde studieleningaansoekvorms moet die ATKV voor of op 15
Oktober van elke jaar bereik.
Beurse
Die ATKV bied ’n beperkte aantal voorgraadse studiebeurse van R60 000 elk aan
vir studente wat tersiêre studies wil onderneem. Die beurse is hoofsaaklik vir
studierigtings in die onderwys en media.
Verder ken die ATKV een merietebeurs van R30 000 toe vir voltydse nagraadse
studie aan ’n goedgekeurde tersiêre instelling.

Die Platinumbeurs word toegeken aan ’n student vir nagraadse studie aan ’n
Suid-Afrikaanse universiteit vir ’n meesters- of doktorsgraad. Die bedrag beloop
R100 000 per jaar. Die studierigtings word jaarliks deur die ATKV bepaal.
Die beursvoorwaardes en bepalings word op die ATKV se webwerf by
www.atkv.org.za geplaas en aansoekvorms is jaarliks vanaf Juliemaand af
beskikbaar. Die sluitingsdatum vir voorgraadse en nagraadse beurse is 30
November, terwyl die Platinumbeurs se sluitingsdatum 28 Februarie is.
Skoolhulpfonds
Die ATKV stel beperkte finansiële hulp beskikbaar om behoeftige lede by te
staan met die betaling van skoolfonds en die aankoop van skoolklere.
Aansoekvorms is jaarliks van Augustus af by die ATKV-hoofkantoor beskikbaar
en moet die ATKV voor 31 Oktober van die betrokke jaar bereik.
Sterftefonds
’n Lid kwalifiseer vir die ATKV se sterftevoordeel van R3 000 indien die lid by
aansluiting jonger as 55 jaar was of is.
Die hele gesin van die lid word deur hierdie voordeel gedek. In die geval van
kinders geld die dekking tot en met mondigwording van ’n kind of totdat ’n kind ’n
voltydse betrekking voor mondigwording beklee.
Vir aansoek om die uitbetaling van sterftefondsvoordele moet die ATKV-lid die
volgende dokumente indien:
’n Afskrif van die eiser se ID.
’n Afskrif van die oorledene se ID.
Die oorspronklik gesertifiseerde afskrif van die sterftesertifikaat.
’n Afskrif van die huweliksertifikaat.
Die volledige besonderhede soos name, vanne en posadres van die eiser.
Die adres, bankbesonderhede en kontaknommers van die eiser.
ATKV-Iede se lidmaatskapgeld moet opbetaal wees alvorens die eis vir
uitbetaling oorweeg word.
Voorkeurbesprekings
As lid is jy ook geregtig op voorkeurbesprekings by enige van die ATKV se sewe
wonderlike vakansieoorde. Die periode vir voorkeurbesprekings vir ATKV-lede
open op 1 Augustus vir die Aprilvakansie en Paasnaweek se besprekings en op 1
November vir die daaropvolgende jaar se Desembervakansie besprekings.
Besprekings word by die oord van keuse direk gemaak maar daar is ook ʼn
sentrale besprekingskantoor by die ATKV-Hoofkantoor waarby besprekings vir
enige ATKV-oord gemaak kan word.
Spesiale pryse by ATKV-oorde
Die ATKV se moderne en voortreflike selfsorghuisvesting en woonwastaanplekke
is veral uiters gewild binne seisoen. ATKV-Iede kwalifiseer vir spesiale pryse by
die ATKV se sewe vakansieoorde. Om tariewe sakpas en mededingend te maak

is daar vir ATKV-lede nou ʼn lidtariefstruktuur vanaf 1 Maart 2013
geïmplementeer. Om hiervoor in aanmerking te kom, moet die lid tydens verblyf
by ’n oord self teenwoordig wees.
So doen jy ’n oordbespreking
Elke oord se tariewe is eiesoortig en word na gelang van die seisoene
asook die tipe verblyf en gradering aangepas. Die nuutste pryslyste is
op aanvraag beskikbaar en verskyn ook op die ATKV se webwerf.
ATKV-lede geniet ook die voorreg om as dagbesoekers by die oorde te
gaan ontspan. Die dagbesoekerstariewe van elke oord is op aanvraag
beskikbaar.
Besprekings kan by ons inbelsentrum of by die oorde self gedoen word.
Die kontakbesonderhede is:
Sentrale besprekings 011 919 9092 8:00 – 17:00, Maandae tot Vrydae
ATKV-Buffelspoort 014 572 1000 buffelspoort@atkv.org.za
ATKV-Drakensville 036 438 6287 drakensville@atkv.org.za
ATKV-Eiland Spa 015 386 8000 eilandspa@atkv.org.za
ATKV-Goudini Spa 023 349 8100 goudini@atkv.org.za
ATKV-Hartenbos 044 601 7200 hartenbos@atkv.org.za
ATKV-Klein-Kariba 014 736 9800 kariba@atkv.org.za
ATKV-Natalia 031 916 4545 natalia@atkv.org.za
Jou ATKV-lidkaart en identiteitsdokument moet aan die oord se
ontvangspersoneel getoon word. Indien jy net voor die vakansie jou
lidkaart verloor het, sal die personeel jou volgens jou identiteitsnommer
kan identifiseer.
Neem asseblief kennis dat daar 'n wagtyd van ses maande is
voordat u vir korting by die oorde kan ontvang. Indien u egter die
jaarlikse ledegeld inbetaal kwalifiseer u dadelik vir hierdie korting.
ATKV-lidkaart
Die lidkaart bevat nie net die lid se inligting nie, maar word ook gebruik om die nuwe
lojaliteitsprogram, naamlik Tjiengelieng, te administreer.
Tjiengelieng
Volgens hierdie stelsel word aktiewe lidmaatskap en lojaliteit met punte beloon.
Takbetrokkenheid verdien Tjiengelieng
Tjiengelieng word toegeken aan ATKV-lede wat ’n buitengewone bydrae
lewer tot die uitbou van ons missie en visie. Hiervolgens word die
volgende verdien vir betrokkenheid by die ATKV:
Aktiewe taklid 1200

ATKV-ledegeld
Huislenings sorg vir Tjiengelieng
As ’n lid aansoek wil doen om ’n nuwe huislening of nog ’n verband,
moet hy net 011 794 3036 skakel om ’n lening te bekom by BondExcel.
’n Persentasie van die waarde van die huislening sal eenmalig aan hom
toegeken word in die vorm van Tjiengelieng met die suksesvolle
registrasie van die verband.
Korttermynversekering verdien ook Tjiengelieng
As jy korttermynversekering by Auto & General uitneem verdien jy
Tjiengelieng. Plase, besighede en voertuie wat vir besigheidsdoeleindes
aangewend word, is uitgesluit. Skakel 0860 10 39 63 vir ʼn
verpligtingsvrye kwotasie.
Hoe gaan ek te werk?
Jy kan ook deelneem aan die skema deur 086 100 ATKV (086 100
2858) te skakel, Tjiengelieng na 35477 te SMS of www.atkv.org.za te
besoek. As jy belangstel in korttermynversekering en/of ’n huislening sal
jou kontakbesonderhede aan ons strategiese vennote verskaf word.
Hulle sal die verwysings verder opvolg en die transaksie van jou keuse
regstreeks met jou afhandel.
Die volledige besonderhede van die bepalings en voorwaardes van
Tjiengelieng is op www.atkv.org.za beskikbaar. Die ATKV behou hom
die reg voor om die bepalings van die oordpryse, lojaliteitsprogram, die
ATKV-lidkaart en Tjiengelieng enige tyd te kanselleer of te wysig.
Wend Tjiengelieng aan by die oorde
Tjiengelieng is bykomend tot die ledepryse by die ATKV-oorde. As jy dus
by ’n ATKV-oord gaan vakansie hou, sal jy eerstens vir die spesiale
ledeprys kwalifiseer, waarna Tjiengelieng as ’n verdere afslag
aangewend kan word.
Die balans van jou Tjiengelieng word oorgedra vir soortgelyke afslag
tydens ’n volgende vakansie. Om die balans van jou Tjiengelieng na te
gaan kan jy die 16 syfer nommer SMS na 34543. Een Tjiengelieng is
gelyk aan R1-afslag. Tjiengelieng verval na 12 maande, so opskud!
Ledegeld word deur die ATKV aangewend om die Afrikaanse kultuur as geheel op ’n
byderwetse en dinamiese wyse te bevorder om sodoende ’n onmisbare bydrae
binne Suid-Afrika te lewer. Die ledegeld word van tyd tot tyd deur die direksie van die
ATKV aangepas en lede word deur middel van die TG en die webwerf in kennis
gestel van enige aanpassings.
Ledegeld kan op een van die volgende wyses aan die ATKV betaal word:
Debietorderverhalings teen jou bankrekening of kredietkaart
Ledegeld kan op hierdie wyse maandeliks, kwartaalliks, halfjaarliks of jaarliks
van jou bankrekening verhaal word. Indien jou bankbesonderhede verander,
moet die ATKV onverwyld en skriftelik daarvan in kennis gestel word.

Kontant- en internetbetalings
Lede kan self besluit om jaarliks hulle ledegeld vooruit te betaal by wyse van
’n tjek, posorder, kontant of bankdeposito. Internetbetalings kan ook gedoen
word. In die geval van bankdeposito’s en internetbetalings moet die
depositostrokie aan die ATKV gefaks word met die lidnommer as verwysing.
Dit is die verantwoordelikheid van die lid om toe te sien dat sy ledegeld betyds
aan die ATKV betaal word.
Beëindiging van SMS-kommunikasie van die ATKV
Dis vir die ATKV en sy strategiese vennote van tyd tot tyd nodig om per SMS met sy
lede te kommunikeer. Indien jy nie meer hierdie SMS-kommunikasie wil ontvang nie,
antwoord net met die woord STOP op sodanige SMS’e.
Beëindiging van lidmaatskap
’n Lid kan sy/haar lidmaatskap skriftelik beëindig. Die beëindiging sal in werking tree
aan die einde van die kalendermaand wat volg op die kalendermaand waarin die
versoek om beëindiging ontvang is. Indien ’n lid se ledegeld meer as 60 dae
agterstallig is, word sy lidmaatskap outomaties beëindig. Let daarop dat indien geld
afgetrek is en jy nie jou lidmaatskap skriftelik gekanselleer het nie, die geld nie
terugbetaal word nie.
LAPA Uitgewers
LAPA Uitgewers is die ATKV se eie uitgewer. Die woord LAPA is ’n akroniem vir
Lees Afrikaans, Praat Afrikaans. Besoek gerus hul webwerf by www.lapa.co.za vir
uitsoek leesstof.
Algemene inligting
Navrae: Verskaf altyd jou lidnommer, identiteitsnommer, voorletters en van
met adres.
Debietorders moet per e-pos, faks of brief verander word.
Adresveranderings kan per telefoon, e-pos, faks, brief of op die webwerf
aangemeld word.
Die koste vir die heruitreiking van ’n nuwe lidkaart beloop R50 per kaart.
OM TE KWALIFISEER VIR DIE LEDEVOORDELE, MOET DIE LID TOESIEN DAT
SY/HAAR BESONDERHEDE BY HOOFKANTOOR VOLLEDIG EN KORREK IS
EN DAT SY LEDEGELD TOT OP DATUM BETAAL IS. VOORDELE IS
ONDERHEWIG AAN VERANDERING.
ATKV-hoofkantoor: Randburg
Telefoonnommer: 011 919 9000
Faksnommer: 011 919 0205
Tolvrye nommer: 0800 002 209
Webwerf: www.atkv.org.za
E-posadres: ledesake@atkv.org.za