Woordfees-Dramafees.pdf

Dramafees
Bittersoet
'n Clover Aardklop-produksie aangebied deur Elsabé Daneel Produksies. Teks: Deon Opperman;
Vertaling: Hanli Rolfes. Met Elsabé Daneel. Mediavennoot: Media24.
Regie: Juanita Swanepoel.
Vyf vroue. Een aktrise. ʼn Ode aan weerloosheid en taaiheid. Hoe verwerk mens die trauma van
verkragting, aborsie, onvrugbaarheid, witwees in Afrika, asook die weggee en selfmoord van ʼn kind? Die
verliese is bitter, maar die soet balsem lê in elke vrou se stille triomf om heel te word.
1 Maart 14:30, 17:00 | 2 Maart 17:30 | 3 Maart 19:00 | 4 Maart 20:30 | 5 Maart 11:00, 14:30 | 6
Maart 14:30 | 8 Maart 10:00 | Klein Libertas Teater | 80min | R 100 | Geen 0/16 S
Huis toe
Deur Harold Pinter. Met Neels van Jaarsveld, Deon Coetzee, Amalia Uys, Werner Coetser, Johan
Engelbrecht en Armand Aucamp.
Regie: Henry Mylne
The Homecoming se Broadway-produksie het in 1967 ʼn Tony vir beste drama gewen. Die drama word
allerweë beskou as Pinter se meesterwerk – ʼn spel van psigologiese kompetisie en emosionele
impotensie, wat eskaleer tot ʼn ontstellende wedywering van die sosiale en morele orde van
familieverhoudinge en ʼn huwelik.
1 Maart 18:00 | 2 Maart 10:00 | 3 Maart 14:30| HS Stellenbosch | 120min | R110
An(t)oniem
Aangebied deur Rust Co-Operative. Teks: Philip Rademeyer en Penelope Youngleson. Met Maryke Nel
en Jaco Nothnagel.
Regie: Philip Rademeyer
Twee jongmense sit elk voor ʼn rekenaar en fantaseer oor ʼn sielsgenoot om die eensaamheid te verdryf,
en begin dan aanlyn na die ideale maat soek. An(t)oniem volg dié 21ste eeuse soektog na hemel op
aarde, volmaaktheid en geluk, met ʼn komiese skuinskyk na mense se onderliggende desperaatheid,
eensaamheid en verlange.
1 Maart 20:30 | 3 Maart 10:00 | Klein Libertas Teater | 60min | R90, R60 | Geen 0/16 T
Die vrou vantevore
’n Absa KKNK-produksie aangebied deur TEATERteater. Ondersteun deur Theatre Without Borders en
Protea Hotel Stellenbosch. Deur Roland Schimmelpfennig. Met Brümilda van Rensburg, Stian Bam, Erica
Wessels, Wilhelm van der Walt en Greta Pietersen.
Regie, ontwerp en vertaling: Marthinus Basson
ʼn Klop. Die deur word oopgemaak. Die man herken nie die vrou by die deur nie. Sy kom hom herinner
aan ’n belofte wat hy 24 jaar tevore gemaak het: om haar ewig lief te hê. Wat volg, is ’n vurige verhaal
vol humor en kinkels wat mettertyd uitkring tot ’n volbloed tragedie.
1, 2 Maart 20:30 | Spier Amfiteater | 75min | R130, R110, R90
Dowwe Dolla dink diep
Teks: Jurgen Human. Met Margit Meyer-Rödenbeck
Twee boeke van Frederick Nietzsche en Siener van Rensburg beland tussen Dolla se versameling Mills &
Boon’s tydens haar trip op die Costa Concordia. Kennis is mag, sê Nietzsche, maar kennis sonder begrip
is gevaarlik. Soos te verwagte, kry Dolla onmiddellik ’n uitnodiging van die kaptein om te kom kuier. Die
res is geskiedenis, maar die ondervinding laat haar dink… diép dink.
1 Maart 20:30 | 9 Maart 12:30 | Japie Krige | 75min | R100

Die lelike eend
Aangebied deur die US Woordfees; vervaardig deur Polony. Teks: Marius von Mayenburg; vertaling:
Roelof Storm. Met Roelof Storm, Hannah Borthwick, Roeline Daneel en Mariechen Vosloo.
Regie: Christiaan Olwagen
Ken dink hy is normaal. Hy is verkeerd. Dié kragprop-ontwerper is so onaansienlik dat sy eie vrou nie sy
aangesig kan verduur nie. ’n Wonderwerk van plastiese chirurgie omskep hom in ’n nouveau Adonis.
Skielik wil almal sy hemelse gesig hê. ’n Sexy, skreeusnaakse sosiale satire oor ons obsessie met
skoonheid.
1 Maart 22:30 | 2 Maart 10:00 | 3 Maart 21:00 | 9 Maart 12:30 | 10 Maart 16:00 | Klein Libertas
Teater | 75min | R90, R60 | Geen 0/16 S
Deksels
Aangebied deur The Mechanicals. Deur Leon Kruger. Met Tinarie van Wyk Loots en Carel Nel.
Regie: Albert Maritz
Twee mense het deur die samelewing se vingers geglip in hulle ondergrondse bestaan. Of is dit net die
een? Hul verwondering oor die lewe is gereduseer tot ʼn blink asblik. Hulle is kaal gestroop, soms
letterlik. So, is daar uitkoms uit hul kaalgat bestaan? Of het net die een die probleem? En as sy ʼn opsie
het om bo die kelder uit te styg, letterlik, wat van die ander een?
2 Maart 00:15, 20:30 | 4 Maart 22:30 | 6 Maart 22:30 | Klein Libertas Teater | 75min | R90| OB 0/17
N
Heiland
Aangebied deur die US Woordfees. Deur Sam Shepard; vertaling: Birrie le Roux. Met Mariechen Vosloo,
Roxanne Bain en Carel Nel.
Regie: Rocco Pool
'n Verwerking van Sam Shepard se Cowboy Mouth. Twee vroue soek na verlossing van hulle alledaagse
bestaan. Hoe ver moet hulle wegbreek om hul drome na te jaag? Sex, Drugs en Rock 'n Roll is die olie op
die vuur, maar wat bly oor as jy kry wat jy soek?
2 Maart 01:30, 14:30 | 7 Maart 14:30 | 10 Maart 12:30 | Klein Libertas Teater | 75min | R95, R60
Hol
ʼn Kunstekaap-produksie; ʼn projek van die New Writer’s Season ondersteun deur die Lotto. Deur en met
Nicola Hanekom.
Regie: Fred Abrahamse
Wenner van ʼn Fleur du Cap vir beste spel in ’n solovertoning – die soveelste prys vir hierdie
uitmuntende aktrise. Hol ondersoek die koste van ’n kitskos-bestaan. Liesbet hol op ʼn hol maag op ’n
trapmeul, ’n rottewiel van haar holderstebolder gedagtes. Sy sukkel om haar balans te behou en
strompel oor haar verlede.
2 Maart 03:15 | 5 Maart 20:30 | 6 Maart 18:00 | Klein Libertas Teater | 65min | R95 | 0/16 T
Hasepad
ʼn US Woordfees-Clover Aardklop ko-produksie aangebied deur Klein Libertas Teater Produksies. Deur
David Lindsay-Abaire; vertaling: Martelize Kolver. Met Stephanie Hough, Morné Visser, Martelize Kolver,
Joanie Combrink en Gershwin Mias.
Regie: Juanita Swanepoel
Dié vertaling van die 2007 Pulitzerpryswenner handel oor Bekka en Herman Viljee, en ʼn tragedie wat hul
lewens onherroepelik verander. Die egpaar, beide soekend, maak soms gevaarlike keuses in ʼn poging
om hul verlies te verwerk. Soms tragies, soms komies, deurlopend eerlik.
2 Maart 10:00 | 3 Maart 14:30 | 5 Maart 20:30 | Japie Krige | 105min | R120 volwassenes, R80
pensioenarisse en studente

Rekmerke: Grepe uit ʼn swangerskap
Ondersteun deur Klein Libertas Teater. Met Stian Bam en Nicole Holm.
Teks en regie: Francois Toerien
‘Dit voel of ek ʼn week lank seks gehad het. Met ʼn perd!’ Só word romantiese mites oor swangerskap
ontluister en die ware euforie en waansin blootgelê. Beleef die hoofkarakter se pogings om haar man te
laat bond met die boep, die agterdogswaansin en ʼn naakfoto-sessie om Demi Moore se swanger Voguevoorblad
te troef.
2 Maart 13:00 | 3 Maart 14:30 | 6 Maart 11:00 | Klein Libertas Teater | 80min | R110 |Geen 0/12 S
2092: God van klank
Aangebied deur dubbelpunt [:] produksies. Deur Wilken Calitz. Met Neels Coetzee.
Regie: Marí Borstlap
In die jaar 2092 is Hernon Freytag, die laaste lewende musikant in Kaapstad, in aanhouding weens sy
oortreding van die wet op die ‘Verbod van klank’. In sy laaste betoog word die gehoor tot insig gebring
oor die nouverweefde band tussen geskiedenis, klank, lewe, stilte en die dood. ʼn Vars multidimensionele
teaterervaring.
2 Maart 04:30 | Klein Libertas Teater | 30min | R75, R40
6 Maart 18:00, 20:00 | 7 Maart 19:00 | 8 Maart 18:00, 20:00 | 9 Maart 16:00, 18:00, 20:00 | PJ Olivier
| 30min | R75, R40
Liefde, Anna
Wenner van die AngloGold Ashanti/Aardklop-Smeltkroesprys 2012. Moontlik gemaak deur Die Dagbreek
Trust. Aangebied deur GZ Productions en Liesl Marx Produksies. Deur Schalk Schoombie. Met Sandra
Prinsloo, Deon Lotz en Gustav Gerdener.
Regie: Louis van Niekerk
Liefde, Anna bring die formidabele Anna Neethling-Pohl in al haar onsterflike glorie as aktrise,
taalstryder en vuurvreter na die verhoog – met Sandra Prinsloo in die naamrol van haar eertydse
mentor. Dit is ’n viering van een van die kleurrykste pioniers van Afrikaanse toneel. Tye van swaarkry en
triomf speel op haar sterfbed voor haar geestesoog af en sleutelfigure uit haar lewe besoek haar.
2 Maart 14:30 | 3 Maart 20:30 | 4 Maart 20:30 | HS Stellenbosch | 80min | R100
Die 100 gewildste Afrikaanse gedigte
Aangebied deur die US Woordfees; vervaardig deur Hugo Theart. Met Stian Bam, Nicole Holm, Marlo
Minnaar, Waldemar Schultz en Tinarie van Wyk Loots.
Samestelling en regie: Juanita Swanepoel
Leserskring, in samewerking met By en RSG, stel ʼn bloemlesing en CD op die skrywersfees bekend met
die 100 gewildste Afrikaanse gedigte, soos deur ʼn openbare stemming gekies. ʼn Bekroonde geselskap
verpak al jou gunstelinggedigte in ʼn heerlike reis deur die Afrikaanse poësie-skatkis. Van Jonker tot Krog,
Totius tot Letoit, Opperman tot Small, Marais tot Eitemal.
2 Maart 16:00 | 3 Maart 20:30 | 6 Maart 14:30 | 7 Maart 20:30 | Japie Krige | 90min | R100
Die melktrein stop nie meer hier nie
Aangebied deur die US Woordfees, in samewerking met Kunstekaap en Abrahamse & Meyer Produksies.
Deur Tennessee Williams. Met Antoinette Kellermann, Marcel Meyer en Roelof Storm.
Regie: Fred Abrahamse
Die Suid-Afrikaanse première van Tennessee Williams se ‘gesofistikeerde sprokie’. Flora ‘Sissy’ Goforth,
die veelgetroude weduwee-miljoenêres, bestee haar laaste dae desperaat besig om haar memoirs te
voltooi, wanneer sy onverwags onderbreek word deur die aankoms van ʼn aantreklike jong digter wat
metgesel speel vir ryk ou vrouens kort voor hulle sterf.
2 Maart 18:00 | 3 Maart 10:00 | 4 Maart 12:30 | HS Stellenbosch | 135min | R100 | Geen 0/16 TN

Kytie – ʼn Koos Kombuis-storie
Aangebied deur Herman Pieters en Johann Oosthuizen. Deur Alexa Strachan. Met Crystal Donna Roberts
en Vaughan Gardiner.
Regie: Margit Meyer-Rödenbeck
Kytie was ma en vriendin, warmte en liefde vir ’n seun wat effe anders was. In ’n tyd toe dit nie
aanvaarbaar was om ander en anders te aanvaar nie, het die twee ’n band gehad wat beide se
leefwêreld moontlik gemaak het. Die Kytie-storie kan oor vele huishoudings vertel word. Dit is tegelyk
tragies, mooi en net vrek snaaks, soos slegs Koos dit kan sê.
2 Maart 20:30 | 3 Maart 11:00 | 5 Maart 17:00| Japie Krige | 70min | R95
Boetie, dit is tyd vir bid as ʼn seekoeikoei op jou skoot kom sit
’n Klein Libertas Teater-produksie. Met Wessel Pretorius en Cintaine Schutte.
Regie: Juanita Swanepoel
Philip de Vos is alombekend vir sy luimige limerieke en kwasi-filosofiese rymelary. Hierdie maltrap
poësie-program is ʼn samestelling van De Vos se verse in die formaat van ʼn moderne sprokie. Vermaak
vir die hele gesin, met hier en daar ʼn kléin ietsie wat (dalk) onder die kombers hoort!
3 Maart 12:30, 17:00 | 4 Maart 14:30 | 10 Maart 10:00 | Klein Libertas Teater | 55min | R90, R65
Kind Hamlet
ʼn Clover Aardklop-produksie aangebied deur TEATERteater. Ondersteun deur Protea Hotel,
Stellenbosch. Deur Marthinus Basson en die geselskap. Met Cobus Rossouw, Sandra Kotzé, Ludwig Binge
en Roelof Storm.
Regie en ontwerp: Marthinus Basson
Veertig jaar gelede speel die formidabele Cobus Rossouw ʼn onvergeetlike voorlaaste Hamlet in
Afrikaans. Die rol, elke akteur se droom, word ingestudeer deur ʼn jong akteur, Ludwig Binge. Rossouw
en sy aktrise-regisseuse vrou, Sandra Kotzé, begelei hom deur die kronkelgange van Elsinore op sy reis
van vakman tot kunstenaar. Kind Hamlet is deels dokumentêr, deels ode, dog volkome teater.
3 Maart 18:00 | 6 Maart 13:00 | 7 Maart 17:00 | 9 Maart 17:00 | Fismer | 100min | R100, R60
studente
Tjop en dop
Aangebied deur die US Woordfees; vervaardig deur Polony. Deur De Klerk Oelofse en Christiaan
Olwagen. Met De Klerk Oelofse, Carel Nel, Ludwig Binge en Cintaine Schutte.
Regie: Christiaan Olwagen
Dawie hou ʼn ‘skilpadbraai’ – meer dop as vleis. Rooies en Blikkies kruis tange oor braaitegnieke. Die
televisie gee probleme en die rugby is aan die gang. ʼn Klop aan die deur: ʼn Meisie dreig om hulle
vriendskap te skud tot in sy fondamente.
3 Maart 22:30 | 6 Maart 20:30 | 7 Maart 21:00 | HS Stellenbosch | 90min | R90 volwassenes, R60
studente en pensioenarisse | Geen 0/16 T
Eenkantland
Met Neels Coetzee.
Regie: Margot Luyt
Oom Theunis Uys het Namakwaland-stories aangeteken wat dié kontrei voor jou geestesoog laat
oopwaaier. Die veteraan Neels Coetzee laat die vertellings lewe met humor en patos. Van Theunis Uys
het George Weideman gesê: ‘Pure soutribbetjie en groen pampoenbredie. Jy wil altyd nog skep.’
4 Maart 11:00 | 7 Maart 11:00 | 8 Maart 13:00 | Klein Libertas Teater | 60min | R90

Af
Deur Juanita-Juliet van Wyk. Met Marlo Minnaar.
Regie: Gaerin Hauptfleisch
ʼn Aangrypende drama oor Joshua Vogua, ʼn seun wat sy lewe lank as skisofrenielyer buite die
samelewing gestaan het. Maar wat sê dit van die gemeenskap? Is skisofrenie ʼn slim term om mense te
beskryf wat teen norme rebelleer? Of behoort dit juis die samelewing te beskryf wat nie wíl rebelleer
nie? Met sy bekkige beste vriend aan sy sy en ’n ma wat bly spook, neem Joshua jou op ’n pelgrimsreis
met die vraag: Wat is normaal?
4 Maart 18:00 | 10 Maart 14:30 | Klein Libertas Teater | 50min | R80 | Geen 0/16 TG | Afr. en Eng.
Strip!
Teks: Leon Kruger. Met Chris van Niekerk en Waldemar Schultz.
Regie: Gaerin Hauptfleisch
ʼn Man se garage is die oorspronklike man cave – die plek waar jou oupa skelm Scope gelees het, jou pa
ghries aan sy gesig gesmeer het as hy wiele omruil, waar die manne idees kon uitruil oor belangrike
goed soos pistons. Strip is ʼn komiese storie oor ʼn man wat nie weet hoe om homself van die verlede los
te maak nie. Tot die ou wat die olie kom aftap vir hom ʼn hamer gee.
4 Maart 18:00 | 7 Maart 18:00 | Japie Krige | 70min | R100
Bidsprinkaan
’n US Woordfees-Suidoosterfees ko-produksie. Deur André P. Brink. Verwerking: Saartjie Botha. Met
Elton Landrew, Gys de Villies, Gideon Lombard en Lee-Ann van Rooi.
Regie: Janice Honeyman
Kupido Kakkerlak is nie gebore nie, hy is uitgebroei uit die stories wat sy ma vertel het. As leuenaar,
drinker, minnaar en bakleier van die kontrei en man van God, is die lewe van die eerste Khoi-sendeling
’n belangrike stuk geskiedenis wat sin help maak van Suid-Afrika vandag. Bidsprinkaan, ʼn hoogtepunt in
Brink se oeuvre, is bekroon met die M-Netprys en die UJ-prys vir skeppende skryfwerk.
4, 5, en 6 Maart 20:15 | Oude Libertas Amfiteater | 75min | R120, R100, R80
x + y
Aangebied deur Stad Kaapstad in samewerking met die Suidoosterfees en die US Woordfees.
Produksiehuis: TEATERteater. Deur Christiaan Olwagen. Met Anna-Mart van der Merwe, Stian Bam,
Brendon Daniels, Tinarie van Wyk Loots, Ashley de Lange, Akhona Goniwe, Annake Horn, Chad Horné,
Jan-Beyers Jonker, Des-Lee Mckenzie, Duard Robbertse, Llewellyn Stevens, Wian Taljaard, Bradley
Thompson en Luzey Uys.
Regie en ontwerp: Marthinus Basson
Dié opdragproduksie van Stad Kaapstad se Toneelspelkompetisie bied talentvolle hoërskool-akteurs die
geleentheid om saam met professionele akteurs te speel. Die stuk ondersoek die verhoudings tussen
kinders met hulle ouers in ʼn era vol nuwe uitdagings.
4, 5 en 6 Maart 20:30 | Spier | 90min | R100 volwassenes, R60 skoliere
Oskar en die pienk tannie
Aangebied deur Sandra Prinsloo en Alexa Strachan. Deur Eric-Emmanuel Schmitt. Vertaling: Naòmi
Morgan. Met Sandra Prinsloo.
Regie: Lara Bye.
Sandra Prinsloo skitter in haar nuwe eenvrouvertoning as beide die 10-jarige Oskar én die Pienk Tannie
wat hom as vrywilliger in die hospitaal besoek. Toekennings: Beste DebuutproduksieToneel – Vryfees
2012, asook Beste Aktrise – Aardklop 2012.
5 Maart 14:30 | 7 Maart 14:30 | 8 Maart 11:00, 14:30 | 9 Maart 10:00 | 10 Maart 12:30 | Japie Krige |
75min | R110

Oupa en Ouma op toer
Met Johan en Lida Botha.
Teks en regie: Leon Kruger
Na twee suksesvolle kykNET TV-reekse het Stanley en Debora besluit om die land plat te toer. Stanley se
wag voor sy mond is al sedert 1965 op strike en Debora het skinder ʼn amptelike taal gemaak. Hulle stry
konstant oor niks, hy vergeet alles wat hy moet onthou en sy onthou alles wat hy hoop sy liefs sal
vergeet. Die baie herkenbare egpaar het al in baie mense se harte ingekruip – kom kyk gerus wat hulle
nou al weer uitspook!
5 Maart 14:30 | 10 Maart 16:00 | HS Stellenbosch | 70min | R100
Smelt
ʼn Absa KKNK-produksie, ondersteun deur die LW Hiemstra Trust. Met Gerben Kamper, De Klerk Oelofse
en Brenda Mhangwani. Saamgestel deur Saartjie Botha.
Regie: Wolf Britz
Om ʼn storie behoorlik te vertel, sit nie in enige man se broek nie. Smelt is gebore uit
meesterkortverhaalskrywer Abraham H. de Vries se skatkis van verhale en staaltjies. Met dié produksie
lig ons die hoed vir die storieboer van die Klein Karoo wie se kruik nooit leeg word nie.
5 Maart 14:30 | 9 Maart 13:00 | 10 Maart 16:00 | Fismer | 70min | R95, R60
Tune jy my?
Teks: Wikus du Toit. Met Pierre van Heerden.
Regie: Neels Clasen
Wat gebeur as ʼn uitgesproke akteur wat al die wêreld plat getoer het, terugkeer na S.A. en besluit om
op ʼn seepkis te klim en sy stem dik te maak? In dié skreeusnaakse kabaret tune Pierre van Heerden die
gehoor oor sy irritasies in ons soms frustrerende land.
5 Maart 18:00 | 10 Maart 18:30 | Klein Libertas Teater | 60min | R90 volwassenes, R60 studente
Kopstukke
Aangebied deur Kosie House of Theatre. Deur Jeanne Goosen. Met Lizz Meiring en André Stoltz. Regie:
Sandra Prinsloo
In dié swart komedie word gekyk na ʼn egpaar wat albei in ʼn motorongeluk van die nek af ondertoe
verlam is, vir altyd aan mekaar gekluister in hul dubbelbed. Goosen se soms makabere komedie bied ʼn
kaalvuis blik op verhoudings. Skreeusnaaks en dikwels skokkend.
5 Maart 20:30 | 6 Maart 14:30 | HS Stellenbosch | 60min | R100 | Geen 0/18 T
The F Word
By Roxanne Bain, Christiaan Olwagen and the cast. With Roxanne Bain, Kelly-Eve Koopman and Grethe
van der Merwe.
Director: Christiaan Olwagen
‘F’ is for FUNdaMENTALism. The ‘fun’ and ‘mental’ aspects of this phenomenon are satirically explored
via several eccentric characters in this kabarett about the consequences of extremism in all aspects of
life. Meet The Mother, The Whore and The Virgin of the 21st century. Get ready for a heavy dose of
irony and a renewed commitment to loving your neighbour.
5 March 22:30 | 7 March 22:30 | Klein Libertas Theatre | 60min | R90, R60 | No U/18 LPB

Stander
Aangebied deur die US Woordfees, vervaardig deur Impressario. Deur Charles J. Fourie. Met Waldemar
Schultz.
Regie: Albert Maritz
ʼn Dekade gelede het Albert Maritz 80 keer die rol gespeel van die kultusfiguur André Stander. Nou ruil
hy rolle om met Waldemar Schultz. Schultz speel die polisieman/bankrower/volksheld, wat ook telkens
die rolle vertolk van die cops wat hom soek, die mense wat hy beroof, sy kamerade, sy gebroke ma en
talle ander. Vermaak uit die boonste rakke – ʼn groot rolverdeling val saam in een veelsydige akteur!
6 Maart 18:00 | 8 Maart 11:00 | 9 Maart 10:00 | Fismer | 75min | R85 | Geen 0/14
Bloed
Ondersteun deur Clover Aardklop Nasionale Kunstefees, Botha Wynkelder, The Karoo Finansiële
Adviseurs, Network Advertising, The Oystercatcher Trail en The Photographic Journey. Aangebied deur
Stercus Produksies. Met Lulu Botha, Stephanie Hough en Vicky Stemmet. Ten bate van Die Nasionale
Beenmurgregister van Suid-Afrika, The Sunflower Fund en The Pink Drive.
Regie: Gaerin Hauptfleisch
Bloed is gegrond op die memoir van Yolande Brittnell Steyn en vir die verhoog verwerk deur Stephanie
Hough. Dit vertel die ware verhaal van kots en hare wat uitval, van val en weer opstaan, van huil, van uit
die maag uit lag. Maar dis ook ’n storie van saamstaan teen die lewe se aanslae. 6 Maart 20:30 | 8
Maart 20:30 | Fismer | 65min | R100
The return of Elvis du Pisanie
ʼn Klein Libertas Teater-produksie. Deur Paul Slabolepszy. Met Pierre-Arnold Theron.
Regie: Juanita Swanepoel
ʼn Hartroerende komedie oor Eddie, ʼn afgelegde ondervloerverhittingsverkoopsman wat sy lewe wil
beëindig totdat die koning van Rock ʼn Roll intree. Op ʼn verlate straathoek, met slegs ʼn lamppaal as
geselskap, neem Eddie ons op ʼn uiters snaakse, dog hartverskeurende avontuur.
6 Maart 20:30 | 10 Maart 22:30 | Klein Libertas Teater | 75min | R90, R65
Vier briewe vir Jan Ellis
ʼn US Woordfees-Suidoosterfees ko-produksie vervaardig deur Pitch Promotions. Storie en musiek: Steve
Hofmeyr. Met Christo Davids. Met die vriendelike vergunning van Zebra Press.
Regie en verwerking: Lizz Meiring
Toe dinge skeef loop vir Jan, loop dit erg skeef. Veertig jaar later stap posman Jan Ellis uit die tronk met
vier briewe wat hy nooit deliver het nie. Hy het ʼn paar ure oor om te leef. Is dit moontlik dat een man se
onskuld ander soveel leed kan besorg? Eg Suid-Afrikaans en eg Afrikaans.
7 Maart 10:00, 13:00 | Fismer | 75min | R100 | Geen 0/16 T
Die koggelaar
Aangebied deur die US Woordfees, vervaardig deur The Mechanicals. Deur Pieter Fourie. Met Stian Bam,
Tinarie van Wyk Loots, Alida Theron, Charlton George, Johann Nel en Sekoati Tsubani.
Regie: Albert Maritz
Pieter Fourie se kontroversiële bekroonde drama. In die tagtigerjare van die vorige eeu teister ʼn
genadelose droogte die Koggelkaroo. Mens, dier en plant worstel om oorlewing. Onderliggend gedy die
droogte in die harte van ʼn land se mense. 'n Boer in 'n tyd van waternood word gekonfronteer met alles
wat sy wêreld bepaal. Aangrypende, durende teater.
7 Maart 18:00 | 9 Maart 14:30 | 10 Maart 20:30 | HS Stellenbosch | 100min | R100 | OB 0/16 ND

’n Vrou soos Henriëtte
Aangebied deur die US Woordfees. Met Bettie Kemp.
Regie: Andre van Blerk
Dieselfde span wat in 2012 gesorg het vir die uitverkoopte TaMiem, is terug met die tweede
dokumentêre teaterproduksie in die trilogie van vroue-Hertzogpryswenners wat grense verskuif het. In
dié stuk oor die dubbelbekroonde skrywer Henrïette Grové sorg twee fynskilders van menslike emosies
en beweegredes– vereerde skrywer en uitmuntende aktrise – saam vir ʼn besondere belewenis.
7 Maart 20:30 | 8 Maart 16:00 | 9 Maart 10:00 | Klein Libertas Teater | 55min | R90
Sirkus
Aangebied deur The Sixth Sense. Teks: Wikus du Toit. Met Lizz Meiring.
Regie: Melt Sieberhagen
ʼn Splinternuwe pikswart naelbytkomedie oor karakters wat sin probeer maak van hul verdraaide lewens
in die sirkus. Ontmoet Nelda Susanna Albertyn, ’n 19-jarige maagd; Ouma Sara Albertyn wat haar drie
voortande verloor het; Joachim ‘Groot’ Zefferelli, die sirkusbaas met die goue karavaan; Madame
Emmanuel Nathi, ʼn lesbiese hondeafrigter; ʼn Zambiese albino-jongleur, en Fillies die bobbejaan...!
8 Maart 18:00 | 10 Maart 16:00 | Japie Krige | 60min | R100 Geen 0/16 T
Labirint
Deur Daleen Krüger. Met Deon Lotz en Illse Roos. Musiek: Schalk Joubert.
Regie: Vicky Davis
Albert Olivier was ’n suksesvolle sakeman tot een woord sy hele wêreld omvergegooi het: retrenchment.
Hy verval in verwyt, woede, depressie en bereik dan breekpunt. Neem ’n man se trots, dan neem jy sy
lewe. Labirint is ’n realistiese, alledaagse verhaal wat ons almal raak.
8 Maart 20:30 | 9 Maart 15:30 | 10 Maart 10:00 | Japie Krige | 70min | R100 | Geen 0/10 G
Rooiland
ʼn Clover Aardklop en Absa KKNK ko-produksie. Wenner van 5 Fiësta Teatertoekennings en die
AngloGold Ashanti Smeltkroespys 2011. Deur Tertius Kapp. Met Charlton George, Brendon Daniels, Leon
Kruger en Wilhelm van der Walt.
Regie: Jaco Bouwer
Rooiland is ʼn verhaal van verhale, oorgeërfde herinneringe wat wapens word in die monde van
gevangenes. Pomobasa, Nongoloza en Kilikijan maak die oorgang van mens na mite in ʼn beknopte sel
waar vier mans spook om slaapplek, sitplek, praatplek en dinkplek. As almal saam skreeu, tree daar tog
ʼn soort waarheid na vore.
8 Maart 20:30 | 9 Maart 10:00 | HS Stellenbosch | 90min | R100 | Geen 0/16 TSN
The Three Little Pigs
Presented by Rob van Vuuren and The Pink Couch. With Rob van Vuuren, James Cairns and Albert
Pretorius.
Director: Tara Notcutt
Fresh from Perth, Australia, and heading to New York and Amsterdam in 2013, The Three Little Pigs is a
taut psychological thriller set in a world where Animal Farm meets Reservoir Dogs and gives rise to a
dark and unexpected take on the classic children’s story. Who’s afraid of the big bad wolf?
8 March 22:30 | 9 March 21:00 | 10 March 20:30 | Japie Krige | 90min | R100

Holmakiesie
Met Marion Holm.
Regie: Chris Vorster
Almal weet van bollemakiesie slaan, maar wat is ’n ‘holmakiesie’? Dóén mens dit? Kyk mens dit? Of éét
mens dit? Marion Holm en Chris Vorster se teks sal oud en jonk laat giggel, goed voel en laat dink.
Holmakiesie – miskien kan jy dit ook doen, wie weet? Kom kyk en vind uit!
9 Maart 18:30 | 10 Maart 18:00 | Japie Krige | 70min | R100
Die Bram Fischer wals
Ontwikkel deur die Vryfees en die Universiteit van die Vrystaat. Met David Butler. Sang en stemwerk:
Amanda Strydom en James Whyle.
Teks en regie: Harry Kalmer
Die ontroerende verhaal van Bram Fischer, die Afrikaner-kommunis wat Nelson Mandela van die galg
gered het, maar wat self in die tronk dood is. Gebaseer op navorsing en gesprekke met mense wat Bram
goed geken het, word daar gekyk hoe sy Afrikanerwortels sy politieke uitkyk, sy lewe en uiteindelik sy lot
bepaal het.
8 Maart 17:00 | 9 Maart 20:30 | 10 Maart 11:00 | Fismer | 65min | R95
Putsonderwater
Ondersteun deur die Lotto. Aangebied deur FACTS. Deur Bartho Smit. Met Marli van der Bijl, Jefferson-
Dirks Korkee, Johann Nel, Nico Luwes, Gustav Gerdener, Petrus du Preez en Nic Beukes.
Regie: Pieter Venter
Die verhaal van Maria wat saam met haar pa, Jan Alleman, op die klein dorpie Putsonderwater woon.
Almal probeer die naïewe Maria beïnvloed en beheer deur vir haar te sê wat sy graag wil hoor. Niemand
besef egter die implikasies van hul leuens nie. Mettertyd glo Maria sy is vry van almal se greep, maar is
sy regtig?
9 Maart 20:30 | 10 Maart 11:00 | HS Stellenbosch | 90min | R100