Loffienuus 3.pdf - Gelofte Skool

3 Loffienuus 18 Februarie 2009
10. GESONDHEIDSINLIGTING
Een van ons ouers het onderstaande inligting aan ons beskikbaar gestel vir plasing
in die Loffienuus. Dit is belangrik dat u u vergewis van die inhoud hiervan.
Impetigo (In die volksmond: Natalsere)
Impetigo is ‘n uiters aansteeklike vel infeksie wat normaalweg blase of sere vorm aan die
gesig, nek, hande ens. en is die mees algemene velinfeksie onder kinders.
Indien ‘n kind hierdie infeksie opdoen is dit belangrik dat dit met antibiotika behandel word.
Indien dit nie sprei nie is ‘n antibiotiese salf in orde. Behandeling is egter van kardinale
belang aangesien dit in ‘n erger infeksie kan ontwikkel en ook weens die feit dat dit so
uiters aansteeklik is.
Dit is belangrik dat alle aangetaste dele bedek sal word ten einde ander kinders nie aan die
infeksie bloot te stel nie. Enigeen kan deur middel van kontak aan die aangetaste vel
asook met items soos klere en handdoeke, hierdie infeksie opdoen.
Ten einde die verdere verspreiding van hierdie infeksie te voorkom, is dit belangrik dat u
kind so gou moontlik by ‘n dokter moet uitkom sodra die eerste tekens van hierdie infeksie
waargeneem word.
DIE VOLGENDE SAKE HET AL IN DIE LOFFIENUUS VERSKYN MAAR WORD IN ELKE
LOFFIENUUS HERHAAL.
11. E-POS
Ons het reeds ‘n baie groot aantal ouers wat die Loffienuus elektronies ontvang.
Hierdie is uiteraard ‘n baie meer betroubare manier om seker te maak dat u die
nuusbrief ontvang, aangesien die kinders soms vergeet van die nuusbrief wat in hul
tasse lê. Indien u nog nie ‘n elektroniese weergawe van die Loffienuus ontvang nie,
is u welkom om ‘n e-pos te stuur na gelofte@gelofte.co.za. Ons sal u dan op ons
adreslys plaas. Die Loffienuus is ook op die webblad beskikbaar.
(www.gelofte.co.za) Die webblad is na ‘n lang gesukkel ook nou weer beskikbaar.
12. ADVERTENSIEBORDE
Ons herinner u weer daaraan dat advertensieruimte langs die sportveld bekom kan
word. Vir meer inligting is u welkom om André van Zanten te skakel by 082 468
2963.
13. KONTANTVRYE SONE
Ons beklemtoon graag weer die volgende. Gesien in die lig van beriggewing in die
nuusmedia oor gewapende rooftogte by skole, wil ons weer eens ‘n beroep doen op
ouers om ander vorme van betaling te gebruik eerder as kontant. Ons streef daarna
om die skool ‘n kontantvrye sone te maak en sodoende die versoeking by kriminele