HEADLINES - Knysna Municipality

AFVAL-OPTELDAE
KNYSNA
Maandag:
Dinsdag:
Woensdag:
Donderdag:
Concordia, Bongani, Kanonkop, Dam-se-
Bos, Edamini Qolweni, Robololo, Witlokasie,
Flenters, Greenfields, Knoetzie, Heuwelkruin,
Hornlee-West, Punt, Tannenhof, Welbedacht,
Paradise, Knysna Heights, Eastford Downs,
Brenton-on-Lake, Brenton-on-Sea
Concordia, Bo-Dorp, Jood-se-Kamp, Nekkies, Ou
Pad, Entambeni, Hlalani, Hornlee East, Green
Pastures, Eastford Country Estate, Eastford Glen
Costa Sarda, Fisher Haven, Hunters
Home, Rexford, Onderdorp, Sparrebosch,
Pezula, Thesen’s Island
Industrial Area, Leisure Island,
The Heads, Khayalethu
Vrydag: Ouplaas, Belvidere, Westford
Sedgefield/Rheenendal en omgewing
Maandag: Groenvlei-area
Dinsdag: Sedgefield Central, Bibbeyshoek, Rheenendal
Woensdag: Sedgefield Island, Smutsville-area
Donderdag: Karatara
Vrydag:
Zeegezight, UItbreidings 3 en 4,
Cola- en Myoli-strande
11
GEBEURTENISSE
Sou jy weet van enige feeste of gebeurtenisse wat nie hier
verskyn nie, of vir meer inligting op enige van die feeste en
gebeurtenisse wat hieronder gelys is, skakel asseblief die
Knysna Toerismekantoor by 044 382 5510.
10-19
19-24
29-31
NOODNOMMERS
KNYSNA POLISIE 10111 of 044 302 6600
SEDGEFIELD POLISIE 10111 of 044 343 1321
KNYSNA MUNISIPALITEIT 044 302 6300
BRANDWEER alle ure 044 302 8911
ELEKTRIESE DEPARTEMENT 044 384 0422
SEE-REDDING 044 384 0211
KNYSNA PROVINSIALE
HOSPITAAL
KNYSNA PRIVAAT
HOSPITAAL
Knysna Speed Festival
MAART 2013
www.speedfestival.co.za
Knysna Literary Festival
www.knysnaliteraryfestival.co.za
Sedgefield Slow Festival
www.slowfestival.co.za
044 382 6666
044 3841083
ER24 084 124
ER24 KNYSNA-BEMANNING 083 320 1199
AMBULANS 0800 22 5599
As u nie gedurende die jaar in Knysna bly nie, kan
u op hoogte bly van munisipale inligting deur die
Council News maandeliks op ons nuwe webwerf af
te laai. Kyk in die Information Centre onder Media vir
nuusbriewe en persverklarings. www.knysna.gov.za
12
HEADLINES
Maart 2013
NUWE PAD VERBETER LEWENS
Uitvoerende burgemeester Georlene Wolmarans, Dam-se-Bos-inwoner, Mnr
Hendrik Britz, en Wyk 3 Raadslid, Mnr Migiel Lizwani. Foto: Desmond Scholtz
Vir baie jare het Oom Hendrik Britz, ‘n inwoner van Dam-se-Bos, oor
‘n ongelyke ou grondpad aangekarring om vir sy familie aan die ander
kant van die buurt te gaan kuier. Maar met die bou van ‘n plaveiselpad
het dinge onlangs drasties verander.
Met R200 000 wat deur die munisipaliteit se Raadsgebaseerde
begroting, en R300 000 wat vanuit die Upgrading Informal
Settlements Programme (UISP) van die nasionale Departement van
Menslike Nedersettings befonds is, is 230 meter vanaf Chris Hani
gemeenskapsaal geplavei.
Knysna se uitvoerende burgemeester Georlene Wolmarans het gesê
dat die pad reeds 30 jaar ‘n hoofstraat deur die gemeenskap is en dat
selfs ‘n kort stukkie plaveisel lewenskwaliteit verbeter.
”Mnr Britz, wie krukke gebruik om mee te kan stap, het aan ons
Bestuurder Geïntegreerde Ontwikkelingsplan (GOP), Mnr Eben
Phillips, gesê dat die geplaveide pad beteken dat hy sy kinders en
kleinkinders meer kan besoek. Vir sommiges is hierdie pad dalk
net 230 meter sementbakstene, maar vir mense soos Mnr Britz
is dit lewensveranderend. Hierdie pad, wat deur die Dam-se-Bos
gemeenskap as ‘n prioriteit gedurende die GOP-proses geïdentifiseer
was, is ‘n bewys dat die GOP-proses werk. Dit mag dalk nie altyd soos
die vinnigste proses voel nie, maar uiteindelik lewer dit in direkte
verhouding tot die gemeenskap se behoeftes,” het Me Wolmarans
gesê.
1

VANUIT
DIE BURGE-
MEESTER SE
PEN
Georlene Wolmarans
Die eerste kwartaal van 2013 is verby en herfs klop al aan die
deur. Gelukkig talm die soel weer hier op die Tuinroete so ‘n
bietjie langer en is ideaal vir buitewees.
Dit is natuurlik ook skoolvakansie en langnaweek-seisoen,
wat beteken dat duisende ekstra mense ons munisipale
gebied besoek. Welkom aan almal wat aan die baie
avontuursportgeleenthede deelneem asook die besoekers
aan ons jaarlikse feeste in hierdie tyd soos die Sedgefield
Slow-fees in Maart en die Knysna Loerie-fees in Mei. Ek weet
sommer u gaan die tyd hier geniet.
Aan die mense wat Paasfees vier wens ek ‘n geseënde tyd en
‘n diep geestelike ondervinding toe.
Laat ons ook nie die redes agter die baie publieke vakansiedae
vergeet nie. In hierdie tyd vier ons oorwinnings in ons land
se geskiedenis, soos Vryheidsdag en Menseregte-dag, asook
ons voorregte: Gesinsdag en Werkersdag. Kom ons gebruik
hierdie tyd om waarlik dankbaar te wees vir die dinge wat ons
land reeds bereik het en sien uit na die baie dinge wat ons sal
aanhou oorkom – want ons is Suid-Afrikaners wat geseënd is
om in die mooiste land in die wêreld te leef.
Raadslid Georlene Wolmarans
Uitvoerende Burgemeester
2
VERANDERINGE IN RAAD AS GEVOLG
VAN DIE SPEAKER SE BEDANKING
Nuwe Onderburgemeester, Raadslid Esmé Edge, nuwe Speaker, Raadslid
Michelle Wasserman, en nuwe Voorsitter Korporatiewe Bestuur en Ekonomiese
Ontwikkelingskomitee, Raadslid Richard Dawson.
In November 2012 se Raadsvergadering het die Speaker,
Raadslid Richard Dawson, sy intensie om aan die einde van
Februarie af te tree, aangekondig. Raadslid Michelle Wasserman
is ten tye sy aftrede as die nuwe Speaker aangestel.
Me Wasserman, die voormalige Onderburgemeester, is
gedurende ‘n spesiale raadsvergadering in Februarie aangestel
en die Voorsitter van die Finansiële Komitee, Raadslid Esmé
Edge, is nou die Onderburgemeester. Mnr Dawson is steeds
Wyk 10 se raadslid en neem die plek van Me Wasserman as
die Voorsitter van die Komitee vir Korporatiewe Bestuur en
Ekonomiese Ontwikkeling.
NUWE DIREKTEUR BEPLANNING
EN ONTWIKKELING
Die Knysna Munisipaliteit het Mnr
Mike Maughan-Brown as Direkteur
Beplanning en Ontwikkeling aangestel.
Die dorp se voormalige Bestuurder
Beplanning en Boubeheer het in
sy nuwe pos waargeneem vir die
grootste gedeelte van verlede jaar
saam met sy verantwoordelikhede
as bestuurder. Sy nuwe aanstelling is
3
dadelik van toepassing en is, soos alle topstruktuurposte by
die Munisipaliteit, ‘n vyf-jaar kontrakpos.
Munisipale Bestuurder Lauren Waring het gesê dat sy in haar
skik is om die ervarendheid en kundigheid van Mnr Maughan-
Brown te behou aangesien hy reeds baie jare die dorp gedien
het, nie net as stadsbeplanner nie maar ook as konsultant in
die privaatsektor. ”Hy het in-diepte kennis van alle aspekte
van stadsbeplanning en verwante velde, en het bewys dat
hy uitstekend is om ‘n groot hoeveelheid personeel en ‘n
verskeidenheid uitlopende take en projekte te bestuur.
Mnr Maughan-Brown het ‘n Meestersgraad in Stad- en
Streeksbeplanning (Kaapstad Universiteit) en 32 jaar
ondervinding in verwante velde wat insluit die bestuur van
die eerste gemeenskap-gebaseerde informele nedersettings-
opgraderingsprojek in Kaapstad asook die direkteurskap
van die VK-gebaseerde multinasionale, multidissiplinêre
konsultasiemaatskappy, Scott Wilson Kirkpatrick.
”My doelwitte sluit in om die Munisipale Bestuurder in die werk
wat reeds begin is te help en te ondersteun, om die strategiese
visie van die munisipaliteit uit te brei, en om rigting te gee met
die doel om die toekoms van die organisasie as ‘n effektiewe
en doeltreffende verskaffer van dienste en fasiliteerder van
volhoubare ontwikkeling in die munisipale area te verseker,”
het Mnr Maughan-Brown gesê.
Hierdie aanstelling is die eerste van vier direkteurskappe
wat hierdie jaar gevul sal word. Ten tye van publikasie was
dit verwag dat die Direkteure Korporatiewe Dienste en
Gemeenskapsdienste respektiewelik op 1 Maart en 1 April sou
begin. Die pos van die Direkteur Tegniese Dienste was weer
geadverteer.
4

R30-MILJOEN SE DIENSTEGELD
GAAN AFGESKRYF WORD
Die Knysna Munisipale Raad is in die proses om sowat R30miljoen
se ‘ou’ skuld op dienste en rente af te skryf as deel van
‘n radikale skuldterugwinningsprogram wat in Desember 2012
deur die Raad goedgekeur was.
Die program skryf effektief alle agterstallige geld, behalwe
belasting, wat tot en met 30 Junie 2012 gemaak was af, maar
dit is gekoppel aan streng terugbetalingsvoorwaardes vir
‘nuwe’ skuld wat sedert 1 Julie 2012 gemaak was. Die plaaslike
regering gaan ook vanaf 1 Julie 2013 strenger kredietbeheer
maatreëls in plek stel wat aan voorafbetaalde elektrisiteitboetes
gekoppel gaan wees.
Munisipale Bestuurder Lauren Waring het gesê dat die
munisipaliteit oor die afgelope paar jaar ‘n relatiewe simpatieke
benadering tot skuldinvordering gehad het, meestal omdat die
wêreldwye ekonomiese afdraai op al die dorp se inwoners impak
gemaak het. ”Ongelukkig kan ons nie so voortgaan sonder
om die Raad se finansies, en daarom ook diensverskaffing,
in gevaar te stel nie. Die munisipaliteit gaan ‘n aansienlike
skuldinvorderingsprogram in werking stel wat aan die een kant
skuldverligting sal bied, maar aan die ander kant gaan verwag
dat belastingbetalers hulle huidige rekeninge op datum hou.”
Die skuldafskryfproses word aan die verskillende geaffekteerde
partye op verskeie toepaslike maniere gekommunikeer.
”Ek moedig alle belastingbetalers aan om te verseker dat
rekeninge op datum gehou word, aangesien ons alle skuld ná
30 Junie 2012 sal vervolg. Ek bedank ook die baie besighede en
individue wat moeite gedoen het om reëlings te gemaak het
om hulle skuld af te betaal. Die dorp en sy mense is van mekaar
afhanklik en het ‘n beter kans om te slaag in ‘n gekombineerde
doelwit, van ‘n welvarende dorp en omgewing, wanneer ons
ons geld en ons pogings bymekaarsit,” het sy gesê.
5
NUWE WEBWERF VIR KNYSNA
MUNISIPALITEIT
‘n Nuwe webwerf vir die munisipaliteit het die lig in Februarie
gesien. Munisipale Bestuurder Lauren Waring het gesê die
nuwe webwerf is daarop gemik om die munisipaliteit se dienste
beter te kommunikeer asook om aan die wettige vereistes
van die Munisipale Finansiële Bestuurswet en die Munisipale
Sisteme Wet te voldoen.
”Die webwerf is bedoel om dinamies te wees en sal sistematies
verbreed word om so veel as moontlik van die munisipaliteit
se dienste en projekte so wel as relevante dokumente,
vorms en verordenings te inkorporeer. Die webwerf se adres
www.knysna.gov.za bly dieselfde.
NUWE VERORDENING VIR DRANK
HANDELSDAE EN -URE
Gelisensiëerde drankhandelaars in die Knysna munisipale
gebied mag nou op Sondae en uitgebreide ure handel dryf,
afhangende van die aard van hul besigheid, nadat die nuwe
Verordening op die Handeldryfsdae en -ure in Desember 2012
gepromulgeer is.
Knysna Burgemeester Georlene Wolmarans het gesê die
verordening is volgens die Wes-Kaap Drankwet, Wet 10 van
2010, Seksie 59(1), goedgekeur wat bepaal dat munisipaliteite
hulle eie handelsdae en -tye in hul regsgebied kan bepaal.
Munisipaliteite in die Wes-Kaap wat nie so ‘n verordening teen
6
31 Maart 2013 gepromulgeer het nie sou dan vereis word om
die ure toe te pas wat deur die Wes-Kaap se Drankwet, volgens
individuele lisensiekondisies, bepaal word.
Me Wolmarans het gesê die motiveringsfaktor agter die
aangepaste ure was om meer toepaslike tye vir die toerisme-
en hospitaliteitsektore, wat groot ekonomiese drywers in die
Knysna Munisipale gebied is, te voorsien.
As gasheerdorp van heelwat feeste en gebeurtenisse, trek die
groter Knysna-gebied besoekers oor naweke aan wie dan geld
in ontmoetingsplekke en restaurante spandeer. Deur meer
toepaslike ure toe te laat, kan wettige plaaslike besighede
geleentheid gegee word om optimaal te funksioneer en
terselftertyd binne aanvaarbare grense handel te dryf wat dan
deur die Suid-Afrikaanse Polisiediens toegepas kan word,” het
sy gesê.
Die Knysna Municipality By-law on Liquor Trading Days
and Hours en die relevante skedule van handelsure is by
www.knysna.gov.za/information-centre/document-library/
bylaws/ beskikbaar.
GOEIE VORDERING MET IMPLEMENTERING
VAN STRANDMEERPLAN
Goeie vordering word met die implementering van die Knysnastrandmeer
Besoedelingsaksieplan gemaak en begin positiewe
resultate wys.
Munisipale Bestuurder Lauren Waring, wie ook die voorsitter van
die Knysna-strandmeer Besoedelingsbeheer-werkskomitee
is, het gesê heelwat projekte in die plan is reeds voltooi en
voortgesette programme begin beduidend kontaminasie in die
strandmeer te verminder.
Die eerste fase van die opgradering van die Knysnaafvalwateraanleg,
wat die installering van beter meganiese
en elektriese toerusting insluit, is baie naby aan voltooiing en
begin alreeds uitstekende resultate wys. Die tweede fase, wat
slykuitdroogtoerusting behels, sal waarskynlik teen Mei (2013)
voltooi wees, waartydens die rioolwerke aan bedryfstandaarde
in terme van die nasionale Waterwet sal voldoen.
7

Ander rioolverwante projekte wat reeds voltooi is sluit in die
opgradering van drie krities-belangrike pompstasies en die
verwydering van slyk vanuit moeraslande langs George Rexrylaan.
Die verwydering van vet uit vet-vangnette is tans in die
tenderproses.
Die dorp se Riviergesondheidsprogram is besig om opmerkbare
resultate te lewer. Veral die rivierskoonmaak-projekte is
besig om die konsentrasie besoedeling wat in die strandmeer
invloei te verminder. Die program - wat ondersteuning en
befondsing van die Departement Omgewingsake, Suid-
Afrikaanse Nasionale Parke en Eden-distriksmunisipaliteit
geniet - konsentreer werk op die rivieropvangsgebiede van
die Khayalethu-, Bongani- en Bigairiviere. Hierdie program
inkorporeer ook omgewingsopleiding, verskaffing van
behoorlike fasiliteite vir die weggooi van vaste afval asook
verbeterde weeklikse afhaal van vullis om die storting daarvan
in riviere te verminder.
Installering van gemeenskaplike spoeltoilette in informele
nedersettings is amper klaar en ‘n rioolpyp word tans deur
Nekkies, Dam-se-Bos en Hlalani gelê om buitetoilette, wat
grotendeels tot ondergrondse rivierbesoedeling bydra, te
verminder.
Me Waring het gesê dat gereelde watertoetse in riviere geneem
word vandat die program begin het en dat verbetering reeds
opgemerk word.
Die belangrikste stormwaterverwante projek, wat ‘n erf-toterf
inspeksie van alle stormwater- en rioolaansluitings gaan
behels, sou reeds begin het teen die tyd wat hierdie publikasie
vesprei word.
Neem asseblief kennis dat swemstrande en kanale in die
strandmeer veilig vir ontspanningsdoeleindes is.
Bly op hoogte van strandmeer-inligting deur die ‘lagoon’skakel
aan die onderkant van die openingsblad van die Knysna
Munisipaliteit se webwerf www.knysna.gov.za te kliek.
Neem asseblief kennis dat swemstrande
en kanale in die strandmeer veilig vir
ontspanningsdoeleindes is.
8
WYKSGELD AAN DIE WERK
Aan die begin van elke finansiële jaar(Julie) word wyksraadslede
R300 000 toegeken om in hulle wyke te spandeer, waarvan R100
000 na operasionele projekte soos skoonmaakprogramme en
funksies toe gaan terwyl die res vir kapitale projekte bedoel is.
Wykslede kies hul eie projekte en word deur middel van die
Geïntegreerde Onwikkelingsplan(GOP)-proses, wat plaaslike
wykskomitees en die gemeenskap betrek, geïdentifiseer.
Uitvoering van projekte - insluitende al die werwing en
verkryging van arbeid sowel as goedere en dienste - word
onderneem volgens die relevante raadsbeleide en volg die
gewone prosesse soos tenders, advertensie en aanvraag vir
kwotasies.
Die vordering van 2012/13 projekte teen Februarie was soos
volg:
Wyk 1 - Irene Grootboom – Operasionele projekte het sover ‘n
sport-toernooi en skoonmaakprojekte behels terwyl heelwat
kapitale projekte binnekort sou begin insluitend ‘n speelpark,
opgradering van sportvelde in Sizamile asook voetpaaie en
spoedhobbels.
Wyk 2 – Louise Hart – Fondse gespandeer sluit die aankoop
van brandweertoerusting en -opleiding in Karatara asook
handrelings by die Sedgefield-biblioteek in. Projekte wat tans
aan die gang is sluit toiletgeriewe by die Karatara-begrafplaas
en rolstoelopritte by huise waar gestremdes woon in. Projekte
wat binnekort begin, sluit twee speelparke in Karatara en
spoedhobbels regoor die wyk in.
9
Wyk 3 – Migiel Lizwani – Die plavei van die pad vanaf Chris
Hani is sopas voltooi. Skutrelings in paddraaie sal binnekort
regoor die wyk begin. Die operasionele begroting is uitgesit vir
buurtskoonmaakprojekte, herstel en onderhoud van publieke
toilette en vaardigheidsonwikkelingsopleiding.
Wyk 4 – Wiseman Litoli – Skutrelings in paddraaie regoor
die wyk en ‘n speelpark sal binnekort opgaan. Operasionele
projekte waarvoor begroot is sluit skoonmaakprogramme en
‘n sport-toernooi in.
Wyk 5 – Magda Williams – Projekte wat voltooi is sluit die
Brenton-on-Sea-loopweg, skutrelings en publieke toilette
in Rheenendal in. Operasionele projekte is uitgesit vir die
verwydering van uitheemse plantegroei (werkskeppingsprojek),
skoonmaak en Jeug- en gesondheidsprogramme.
Wyk 6 – Clive Witbooi – Projekte wat aan die gang is sluit
keermure in Hornlee, skutrelings en rolstoelopritte in.
Voltooide operasionele projekte sluit skoonmaak, herstelwerk
en instandhouding van sportfasiliteite en speelgronde, asook
basiese rekenaar opleiding vir klein besighede in.
Wyk 7 – Mertle Gombo – Die ontwerp van ‘n brug oor die Bonganistroom
is voltooi en die bou daarvan word later hierdie jaar
verwag. Binnekort sal skutrelings, rolstoelopritte en keermure
geïmplementeer word. Die operasionele begroting is uitgesit vir
‘n musiekfees, skoonmaak, vaardigheidsonwikkelingsopleiding
en ‘n sport-toernooi.
Wyk 8 – Ntombizanele Sopeki – Plaveisel van kruispaaie is
onderweg. Reeds aan die gang of binnekort geïmplementeer:
skutrelings en keermure. Die operasionele begroting is op
buurtskoonmaakprojekte gespandeer.
Wyk 9 – Michelle Wasserman – Spreiligte by die Hornleedeurloop
en keermure sal binnekort begin, terwyl rolstoelopritte
tans opgerig word by huise waar gestremdes woon. Die
verwydering van uitheemse plantegroei is op die operasionele
begroting.
Wyk 10 – Richard Dawson – Straatligte in Greystraat sal
binnekort opgerig word. Die opknapping van toilette by die
taxi-staanplekke word vir later hierdie jaar beplan. ‘n Bietjie
geld is eenkant gesit vir opknapping van padoppervlaktes. Die
operasionele begroting is uitgesit vir skoonmaak, mooimaak
van publieke spasies, en herstel en instandhouding in die
sentrale besigheidsgebied.
10