Afrikaans LEESSTUKKE 4 Hoë Geboue.pdf - Think Online

HOEKOM HET DIE WORLD TRADE CENTRE INEENGESAK?
Op 11 September 2001 het 19 terroriste wat in groepe van vier
of vyf gewerk het, vier kommersiële Boeings geskaak en hulle
laat vlieg na sekere geboue wat hul wou vernietig. Twee van
hierdie vliegtuie, vol brandstof en passasiers, het met volle
spoed teen die tweelingtorings van die World Trade Centre in
New York vasgevlieg.
Die torings is ontwerp om die impak van 'n vliegtuig wat
daarteen bots, te weerstaan, en hulle het eers vir 'n ruk bly
staan. Die Boeing 767's was egter baie groter as die vliegtuie
van die 1960's, toe die geboue beplan is, en het baie meer
brandstof bevat.
Die intense hitte van die brandende vliegtuig-brandstof het die
binneste staalpilare gesmelt. Teen 9:59 vm. het die suidelike
toring ingeval. Die staalpilare het omgeval, die boonste
verdiepings het op die laer deel van die gebou geval, en die
swaar gewig het veroorsaak dat die onderste vloere soos 'n
pannekoek ineensak. 29 minute later het die noordelike toring
ook ineengesak.
Byna 500 reddingswerkers, insluitend meer as 300 brandweermanne, is platgedruk in die as en rommel.
Insluitend die mense wat in die World Trade Centre gewerk het, en die vliegtuie se bemanning en
passasiers, is 2800 mense dood.
Bron: Microsoft ® Encarta ® Reference Library 2005
PRAATWERK: SPERDATUM: ________________________
Kies 'n gebou en versamel inligting daaroor. Geen duplisering asseblief, net een leerder mag daardie gebou kies.
Versamel inligting en kom vertel die klas, bv.
1. Waar is die gebou geleë - stad en land?
2. Wanneer is dit voltooi? Hoe lank het dit geneem om te bou?
3. Hoe hoog is dit?
4. Watter materiaal is gebruik om dit te bou?
5. Wie was die argitek wat dit ontwerp het?
6. Is die omgewing in ag geneem met die ontwerp/bou van hierdie gebou? Hoe?
7. Was dit ooit die hoogste gebou ter wêreld? En indien wel, wanneer het dit hierdie titel verloor (indien wel)?
Hoeveelste is dit nou in die wêreld?
8. Soek prettige of interessante feite oor die gebou, byvoorbeeld:
8.1. Is dit in enige flieks of TV-reekse gebruik?
8.2. Het enigiemand daar afgespring met 'n valskerm?
8.3. Het enigiemand dit probeer klim?
8.4. Hoeveel hysbakke of trappe is daar?
9. Soek 'n duidelike prent op die internet en teken dit oor. Gebruik 'n skaal van 1:1 000 - 1 cm vir elke meter
wat die gebou hoog is (bv. die Taipei 101 is 509 m hoog: teken dit 50.9 cm)
Die klas skep nou 'n plakkaat of silhoeët deur al die geboue op 'n groot plakkaat te plak.
4